OITUKULWA YOKUKONAKONWA

Ohatu dulu okukulika nokukala tu na olupandu mokudilonga komanangekonoupuna oo tu na nokupandula Jehova omolwao. Okukala tu na omutima u na olupandu otaku tu kwafele tu kondjife oikala yokuhe na olupandu notu dule okuungaunga nomashongo. Omushangwa wetu womudo 2015 otau ka kala noku tu dimbulukifa shi na sha naasho momukokomoko womudo tau uya.

Oshitukulwa eshi osha yelifa nawa kutya omolwashike tu na okudimbuluka efyo laJesus. Osha yelifa kutya omungome nomaviinyu oo haa kala pEdimbuluko otaa faneke shike nosha ulika yo nghee omunhu ta dulu okushiiva kutya oku na okulya omadidiliko oo ile hasho. Oshitukulwa eshi otashi tu kwafele yo tu mone nghee hatu dulu okulilongekidila Ouvalelo wOmwene.

Ovalihomboli otava ungaunga nomaupyakadi nosho yo omayeleko oo taa hapupala. Ashike kekwafo laJehova, otava dulu okukala nohombo ya pama nova hafa. Oshitukulwa shotete otashi kundafana oinima yopamhepo yopatano oyo tai dulu okupameka nokukaleka po ohombo, naasho yo tashi dulu oku va kwafela va kale ve na ekwatafano la pama. Oshitukulwa oshitivali otashi kundafana nghee oupamhepo muwa tau dulu okwaamena ohombo.

Ohole yashili oyo hai kala pokati komulumenhu nomukainhu oi na okukala ya tya ngahelipi? Ohole otai dulu ngoo okukalelela? Ohole ya tya ngaho ohai ulikwa ngahelipi? Lihonga kutya Eimbiloelela laSalomo otali tu hongo shike shi na sha nohole oyo ihai xulu po.