Omashiivifo

◼ Oileshomwa oyo i na okuyandjwa meemwedi tadi landula. Desemba: Omuntu omunenenene ngoka a li ko nale. Momaumbo omo mu na ounona, ohatu dulu okuyandja embo Learn From the Great Teacher. Januali: Ombibeli otai hongo lela shike? Februali: Osho tashi dulu okukwafela oukwaneumbo u kale wa hafa shili. Marsa: Ombibeli otai hongo lela shike?

◼ Mu 1 Septemba 2008, opa li pa totwa oshikandjo shipe osho tashi ungaunga nomaongalo ovapopi velaka lokuudika, Oshichina nosho yo Oshifransa. Opa ningwa yo omalunduluko onhumba e na sha noyoongalele yopashikandjo: Oshoongalele shimwe shopashikandjo shelaka lokuudika otashi ka ningilwa koDurban, mo 21-22 Marsa 2009, ofimbo shikwao tashi ka ningilwa mOlupale lOyoongalele laMidrand, mo 22-23 Auguste 2009. Oshoongalele shopashikandjo shOshichina otashi ka ningilwa mOlupale lOyoongalele laMidrand, mo 29-30 Auguste 2009. Oshoongalele shopashikandjo shOshifransa otashi ka ningilwa yo mOlupale lOyoongalele laMidrand, mo 21-22 Februali 2009 nosho yo koDurban, mo 28-29 Marsa 2009. Oshoongalele shefiku le likalekelwa shelaka lokuudika otashi ka ningilwa mOlupale lOyoongalele laMidrand, mo 31 Januali 2009, koGeorge, mo 12 Aprili 2009 nosho yo koDurban, mo 11 Juli 2009. Oshoongalele shefiku le likalekelwa shOshichina otashi ka ningilwa mOlupale lOyoongalele laMidrand, mu 1 Februali 2009. Oshoongalele shefiku le likalekelwa shOshifransa otashi ka ningilwa kOlupale lOyoongalele laBellville, mo 25 Aprili 2009; kOlupale lOyoongalele laMidrand, mo 7 Juni 2009 nosho yo koDurban, mo 12 Juli 2009.

◼ Omupashukili omuunganeki oku na okufya oshisho a tale ngeenge omuvalu woufo voukalele owa henena tuu eongalo alishe nonokutya ohapa fyaala oufo vonhumba va wedwa po. Ndele ngeenge eongalo ohali mono omuvalu woufo wa pitilila unene, omuvalu ou na okuninipikwa tamu yadifa mofoloma Magazine Request Form (M-202). Nongeenge omuvalu woufo ounini unene, omu na okuninga sha faafana opo omuvalu woufo u wedelwe. Omuudifi keshe oku na okukala ha mono okafo kaye koukalele. Ovo hava kala pOkwoongala kwoPailonga pandjikilile nosho yo ovo tava ningi exumokomesho opo va kale hava i moukalele, navo ove na okupewa oufo voukalele. Shilipaleka kutya omwa xupifa po okafo kamwe oko mu na okutuvikila monduda yoileshomwa mOlupale lOuhamba. Ovanhu ovo va kondwa kave na okupewa oufo voukalele. — Tala oshimhungu osho tashi hangwa mokafo koukalele ka Februali 1987.

◼ Omafimbo amwe ohatu tuminwa ombestelinga yoileshomwa oyo tai pula tu tume oileshomwa meendelelo. Ohatu mu indile muha tume ombestelinga meulumo, okuninga mwa tuminwa ombestelinga ya puka. Oileshomwa oyo hatu yandje omwedi keshe, ile pefimbo loikonga ye likalekelwa, ile yokukonakonwa pokwoongala, ou-DVD ovo ve na okutalwa keongalo nosho yo eefoloma, ohai shiivifwa kuyele. Onghee hano, otamu dulu okuhenuka okumbestela oinima oduduluka ngeenge omwa unganeke nawa oinima yeni. Omu na okukala hamu tumu diva ombestelinga yeni i na sha noileshomwa yakwalukeshe omwedi keshe nokuli nonande omwa pumbwa ashike omuvalu munini.

◼ Ohatu dimbulukifa oohamushanga momaongalo kutya nava ninge ngaashi va lombwelwa monhumwafo ye 1 Oktoba 2008 shi na sha nokumbestela oileshomwa ya wedwa po omolwomalipyakidilo e likalekelwa oo taa ka kala ko muMarsa, Aprili naMei 2009.

◼ Ohatu mu ladipike mu kale hamu longifa nawa eefoloma deongalo. Ohashi pula shihapu okweeta po eefoloma da tya ngaho. Otashi dulika shi kale shiwa okudimbulukifa vamwe kutya eefoloma deongalo kadi na okulongifwa onga eembapila dokuninga omadidilikoshango. Omaongalo amwe ohaa longekida eembapila donhumba odo tadi dulu okulongifwa okuninga omadidilikoshango opo ovamwatate vaha hepife eefoloma deongalo. Ovamwatate otava dulu okuhenuka okuhepifa oiniwe ngeenge ova kala hava pukulula omapuko manini oo va ninga meefoloma ponhele yoku di pombola po ile oku di ekelashi. Ndele nande ongaho, ove na okufya oshisho alushe opo ouyelele oo tau tuvikilwa mefaila leongalo ile tau tuminwa koshitaimbelewa u kale wa yela notau dulu okuleshwa noupu. Ngeenge tamu tuvikile eefoloma, shilipalekeni kutya oda unganekwa nawa opo mu dule oku di mona noupu.

◼ Omashiivifo oo a fimana e na sha nomilandu nosho yo okumbestelwa kwoileshomwa ohaa pitifwa luhapu mokafo koukalele. Ovayakuli voileshomwa ove na okukala hava lesha omashiivifo a tya ngaho diva ngeenge va pewa oufo vavo voukalele nokutula moilonga diva omalombwelo oo va pewa.

◼ Otwa hala okudimbulukifa ovaudifi kutya oileshomwa yeendada doshipofi nosho yo yeendada da kula ohai kosho ondilo. Onghee hano, oshi li oufembanghenda okukala hatu yandje omayambidido e na sha noileshomwa ya tya ngaho. Hamushanga weongalo fimbo ina pitika ofoloma Literature Request Form (S-14) i tumwe, na shilipaleke tete kutya oileshomwa ya tya ngaho oya nuninwa ovaudifi ile ovakonakonimbibeli ovo tava ningi exumokomesho. Oku na oku shi ulika mofoloma omo kutya okwa konakona nawa ombestelinga nokwa twa kumwe nayo. Ovanhu ovo hava mono alushe oifo yOshungonangelo ile o-Awake! meendada doshipofi navo ove na okudimbulukifwa kutya oinima ya tya ngaho ohai kosho ondilo.

◼ Omusika yomaimbilo Ouhamba (Kingdom Melodies) oyo hai kala moungalo vo-MP3, itai ka ndulukwa vali moungalo ovo hava mbestelwa okudja koshitaimbelewa. Ponhele yaasho, omusika ya tya ngaho otai dulu ashike okumonika ko-Web site yehangano, ko-www.pr418.com. Nonande ehangano ohali nanwa oimaliwa ngeenge hatu tape oinima ya tya ngaho ko-Internet, oshi na ombilixa okuninga ngaho shi dulife okunduluka ou-CD noku va tumina komaongalo.

◼ Oileshomwa ipe:

Mbela owa hala okushiiva oshili? (kt) — Oshiafrikaans, Oshibemba, Oshichichewa, Oshichina (sha pupalekwa), Oshiingilisha, Oshiingilisha (Eendada doshipofi Ondodo 2), Oshifransa, Oshiherero, Oshikhoekhoegowab, Oshikwangali, Oshikwanyama, Oshindebele, Oshindonga, Oshiputu, Oshisepedi, Oshisutu, Oshiswati, Oshitsonga, Oshitswana, Oshimbudu, Oshivenda, Oshixhosa, Oshizulu

◼ Ou-DVD vape:

Mbela owa hala okushiiva oshili? (dvkt) — American Sign Language, South African Sign Language