Ohatu pandula Kalunga naKristus omolwemanguluko lomonakwiiwa

Oshike to kondjo nasho efiku keshe? Mbela ou li omutwe woukwaneumbo nou na oinakuwanifwa ihapu oyo u na okuwanifa po? Mbela ou li omudali oo ta tekula ounona oye aeke, nou na okufila oshisho oukwaneumbo woye? Mbela ou li omunyasha oo hai kofikola nowa taalela omashongo okudja koomakula voye? Mbela ou na oukolele tau nyangwaanyangwa ile omaupyakadi oo haa etifwa kounamido? Keshe umwe oku na omaupyakadi. Ovakriste vahapu otava ungaunga nomaupyakadi mahapu pefimbo limwe. Ashike otu shii kutya mafiku ohatu ka manguluka ko komashongo oo. — 2Ko 4:16-18.

Fimbo twa teelela, ohashi tu hekeleke okushiiva kutya Jehova oku shii omaupyakadi etu, he tu pandula omolwoudiinini nelididimiko letu nokwe tu tuvikilila omanangeko noupuna. (Jer 29:11, 12) Jesus naye oku na ko nasha nafye. Eshi hatu wanifa po oilonga yetu yopaKriste, Jesus okwe tu shilipaleka a ti: “Ondi li pamwe nanye.” (Mat 28:20) Ngeenge otwa kanghama nokudilonga kemanguluko lomonakwiiwa koshi yOuhamba waKalunga, kungaho ohatu pameke eteelelo letu netokolotoko letu lokulididimikila omashongo. — Rom 8:19-21.

TALENI OKAVIDIO ESHI OSHIKUNGULU TASHI EHENE POPEPI, KALA WA TAALELA KUJESUS — OMANANGEKO NOUPUNA OO TAA KA ETWA KOUHAMBA MONAKWIIWA, NDELE TAMU KUNDAFANA OMAPULO TAA SHIKULA:

• Ongahelipi ovanhu va tukauka ko kuKalunga, nosha eta oidjemo ilipi?

• Ovo ovadiinini kuJehova otava ka kala nonakwiiwa ya tya ngahelipi?

• Onakwiiwa oyo itunhula otai shiiva ngahelipi?

• Omanangeko noupuna elipi wa teelela oku ka mona mounyuni mupe wa udanekwa?