OKUKALA OMUKRISTE WASHILI
Jehova ohe tu kwafele tu lididimikile omashongo
Momafiku aa axuuninwa, ohatu shakeneke omashongo mahapu. Omafimbo amwe ohatu kala tu udite kutya oshidjuu kufye okulididimikila omashongo. Ashike ngeenge otwa twikile okweehena popepi naJehova ote ke tu kwafela tu lididimikile omashongo nokuli naao hae tu udifa nai. (Jes 43:2, 4) Ongahelipi hatu dulu okweehena popepi naJehova, ngeenge twa taalela omashongo?
Eilikano. Ngeenge hatu mbubulile Jehova omutima wetu, ohe tu pe ombili yopamadiladilo nosho yo eenghono, opo tu lididimike ngeenge twa wililwa po pamaliudo. — Flp 4:6, 7; 1Te 5:17.
Okwoongala. Otwa pumbwa eendja dopamhepo shi dulife nale nosho yo eendafano olo Jehova e tu longekidila pokwoongala. (Heb 10:24, 25) Ngeenge hatu lilongekidile okwoongala, hatu kala puko nokukufa ombinga, ohatu mono ouwa pauyadi mekwafo olo Jehova he tu pe okupitila momhepo yaye. — Eh 2:29.
Oukalele. Otashi ka kala shipu kufye okuhadiladila komashongo oo hatu shakeneke, ngeenge otwa kala twe lipyakidila moukalele. Ohatu ka pameka ekwatafano letu naJehova nosho yo ovalongi pamwe nafye. — 1Ko 3:5-10.
TALENI OKAVIDIO JEHOVA OTE KU KOMBELELE, NDELE TAMU NYAMUKULA OMAPULO TAA SHIKULA:
Oshike sha kwafela Malu a kale e na ekwatafano naJehova, nonande okwa li a taalela omashongo?
Ngaashi Malu, ongahelipi eendjovo odo di li mEpsalme 34:18 tadi dulu oku tu hekeleka, ngeenge twa taalela omashongo?
Oshimoniwa shaMalu otashi tu ulikile ngahelipi kutya Jehova ohe tu pe “eenghono di dule dopaushitwe,” ngeenge twa taalela omashongo? — 2Ko 4:7