Osho to dulu okutya ngeenge to yandje oifo

Oshungonangelo 1 Februali

“Ovanhu vahapu ova itavela kutya oonakufya ove na omwenyo monhele yonhumba. Mbela ove oto diladila ngahelipi? [Teelela omunhu a nyamukule.] Natu tale kwaasho Ombibeli tai ti. [Lesha Omuudifi 9:5, 6.] Oshifo eshi otashi tu kwafele tu ude ko kutya ovanhu ngeenge va fya ihava kala ve na eshi ve shii noitava dulu okukwafela nande omunhu.” Ulikila omunhu oshitukulwa osho sha hovela pepandja 11.

Awake! Februali

“Ovanhu vamwe ova itavela kutya oku na Omushiti, ofimbo vamwe va itavela kutya oshinima sha tya ngaho kashi li metwokumwe nounongononi nokashi li pandunge. Ove oto diladila ngahelipi? [Teelela omunhu a nyamukule.] Ombibeli otai ulike kutya eitavelo lashili ole likolelela koumbangi. [Lesha Ovaheberi 11:1.] Moshifo eshi omu na oshitukulwa tashi kundafana omaumbangi amwe oo taa koleke kutya oku na Omushiti.” Ulikila omunhu oshitukulwa osho sha hovela pepandja 22.

Oshungonangelo 1 Marsa

“Ovanhu vahapu ove na eteelelo kutya ngeenge ova fi otava i meulu. Mbela naave owa tunhulwa ketimaumbwile la tya ngaho? [Teelela omunhu a nyamukule.] Natu ka tale osho Ombibeli tai ti shi na sha nondjabi oyo tai ka pewa ovanhu vahapu ovo hava longo ouwa. [Lesha Epsalme 37:29.] Oshifo eshi otashi kundafana kombinga yaasho Ombibeli tai ti shi na sha naavo tava i meulu nonokutya otava ka ninga mo shike.”

Awake! Marsa

“Otashi dulika naave wa hokwa ewapalo leshito ngaashi ovanhu vahapu. Mbela ito dimine kutya eshito otali ulike kutya ola shitwa nounongo? [Teelela omunhu a nyamukule, ndele to lesha Epsalme 104:24.] Oshifo eshi otashi popi kombinga yoinima imwe ihokwifa i na sha neshito notashi kundafana yo osho hatu lihongo meshito.”