Osho to dulu okutya ngeenge to yandje oifo

Oshungonangelo 1 Mei

“Ovanhu vahapu kunena ihava file oshisho ovanamido. Mbela oto diladila kutya otu na okufimaneka ovanamido? [Teelela omunhu a nyamukule, ndele to lesha Leviticus 19:32.] Oshitukulwa eshi otashi tu kwafele tu mone kutya omolwashike tu na okufimaneka ovanamido.” Ulikila omunhu oshitukulwa osho sha hovela pepandja 12.

Awake! Mei

“Mbela oto diladila kutya onghalo youxupilo otai ka xwepopala ngoo? [Teelela omunhu a nyamukule.] Ovanhu vahapu kave shii kutya Ombibeli otai dulu oku tu kwafela momafimbo aa madjuu. [Lesha omushangwa umwe oo u li moshitukulwa.] Oshitukulwa eshi otashi yelifa nghee omayele Ombibeli taa dulu oku tu kwafela tu ungaunge nouxupilo uhe li nawa.” Ulikila omunhu oshitukulwa osho sha hovela pepandja 18.

Oshungonangelo 1 Juni

“Mbela owe lipula nale kutya omolwashike Kalunga a efa okumona oixuna ku kale po? [Teelela omunhu a nyamukule.] Natu tale kepulo limwe olo omushangi umwe wOmbibeli a li a pula, olo hali pulwa kovanhu vahapu. [Lesha Epsalme 10:1.] Oshifo eshi otashi yelifa osho Ombibeli tai ti shi na sha nokutya omolwashike Kalunga a efa okumona oixuna ku kale po nosho yo osho ta ka ninga po opo e ku xulife po.”

Awake! Juni

“Ovanhu vahapu ova wililwa po neenghono pamaliudo koisho yomonghalamwenyo. Mbela naave oto shi dimine? [Teelela omunhu a nyamukule.] Ovanhu vahapu ova mona kutya eendjovo edi otadi yandje etomheno limwe kutya omolwashike ovanhu vahapu va wililwa po pamaliudo koisho. [Lesha 2 Timoteus 3:1.] Oshifo eshi otashi kundafana shi na sha nanghee oisho hai tu kumu. Otashi yandje yo omaetepo e na sha nanghee hatu dulu okuungaunga nomupondo noisho oyo hai wilile po ovanhu pamaliudo.”