Mbela ou shii ouhaku oo u na okuhoolola?

Moipangelo ihapu mounyuni aushe ohamu ningwa omatando nopehe na okulongifa ohonde. Mbela owa pula eendokotola odo ihadi longifa ohonde di ku pe ouyelele we lixwapo u na sha nouhaku oo to dulu okuhoolola? Otwa pumbwa okushiiva komesho yefimbo kutya omaludi ouhaku elipi oo hatu dulu okuhoolola opo tu dule okuninga omatokolo opandunge e na sha nouhaku wonhumba ile etando. Oto ladipikwa u tale okavidio No Blood — Medicine Meets the Challenge nokukonga omanyamukulo komapulo oo taa landula apa. Opo nee dilonga pamwe neilikano kombinga yaasho we lihonga mokavidio oko. — Ndele didilika: Molwaashi mokavidio oko omu na omauliko e na sha nomatando, ovadali ove na okushilipaleka ngeenge ounona vavo vanini otava dulu ngoo okutala pamwe navo okavidio oko ile hasho.

(1) Eendombwedi daJehova ohadi anye okutulwa ohonde omolwetomheno la fimana lilipi? (2) Ngeenge tashi uya pouhaku, Eendombwedi daJehova ohadi kala da hala ouhaku woludi lilipi? (3) Ovanaudu ove na oufemba ulipi? (4) Omolwashike shi li pandunge okulombwela eendokotola di longife omiti nosho yo omilandu dopauhaku odo inadi kwatela mo elongifo lohonde? (5) Oinima ivali ya fimana ilipi eendokotola tadi dulu okulongifa ngeenge omunhu okwa kanifa ohonde ihapu? (6) Omilandu nhee da fimana dilipi tadi dulu okulongifwa nopehe na okulongifa ohonde? (7) Ongahelipi eendokotola tadi dulu okukwafela (a) omunaudu aha kanife ohonde ihapu (b) aha kanife eesele dohonde itilyana (c) a kale e na ohonde ya wana molutu nosho yo (d) a mone vali ohonde oyo a kanifa? (8) Yelifa nghee (a) ohemodilution nosho yo (b) ocell salvage hai longo. (9) Ouyelele ulipi wa hala okushiivifilwa shi na sha neenghedi odo hadi longifwa nopehe na okutulwa ohonde? (10) Mbela otapa dulu ngoo okuningwa omatando a kwata moiti nokwa kitakana nopehe na okulongifa ohonde? (11) Exumokomesho lilipi la ningwa po moshikondo shouhaku?

Keshe umwe oku na okuninga etokolo kuye mwene she likolelela keliudo laye la deulwa kOmbibeli kutya ouhaku ulipi oo wa ulikwa mokavidio ta ka tambula ko. Mbela owa ninga nale etokolo kutya omiti nomilandu dopauhaku dilipi ove nounona voye tamu ka tambula ko nowa yadeka ngoo okakalata koye kape kepopilo lopaunamiti kedina Advance Medical Directive (AMD)a? Opo u mone natango ouyelele muhapu u na sha noinima oyo, konakona noukeka “Omapulo a dja kovaleshi” oo e li mOshungonangelo ye 1 Juli 2000 nosho yo ye 1 Novemba 2000. Tala yo oshiwedelwako osho shi li pepandja 215 fiyo 218 membo ‘Likalekeni mohole yaKalunga,’ opo u dule okuninga etokolo lopaumwene kutya ouhaku ulipi to ka tambula ko. Opo nee, shilipaleka kutya owa shanga ehoololo loye mokakalata koye ko-AMD. Ou na okushiivifila ovakalelipo voye vopaunamiti nosho yo umwe womovapambele voye oo ehe fi Ondombwedi shi na sha nomatokolo oo wa ninga.

[Eshangelo lopedu]