Oihopaenenwa yomatwalemo

Eetepo li na sha nokuhovela omakonakonombibeli mOlomakaya lotete laSeptemba

“Atusheni otwa filwa ovapambele ile ookaume ketu. Ndele mbela ou na ngoo etimaumbwile loku ka mona vali oonakufya ovaholike? [Teelela omunhu a nyamukule.] Natu ka tale kediladilo limwe tali hekeleke li li apa.” Yandja Oshungonangelo yaJuli-Septemba komuneumbo ndele tamu lesha nokukundafana naye ouyelele oo u li koshi yokapalanyole kotete oko ke li pepandja 26. Lesheni yo omushangwa umwe womwaado da etwa mo ndele inadi tofwa mo. Opo nee, ninga elongekido u mu alukile moshikando tashi landula opo mu kundafane naye epulo la landula ko.

Oshungonangelo Juli-Septemba

“Ovanhu vahapu ova itavela kutya Ovakriste aveshe ohava i meulu. Ove oto ti ngahelipi? [Teelela omunhu a nyamukule.] Ombibeli otai ulike kutya ovanhu ovadiinini ovo va fya nale haaveshe va ya meulu. [Lesha Johannes 3:13.] Oshitukulwa osho shi li pepandja 22 loshifo eshi otashi ulike kutya oolyelye tava i meulu nonokutya otava ka ninga mo shike.”

Awake! Septemba

“Ovanhu vahapu kunena ova wililwa po komaupyakadi e na sha noimaliwa. Mbela ove oto diladila kutya omolwashike eenghalo dopamaxupilo da djuupala? [Teelela omunhu a nyamukule.] MOmbibeli omu na omayele opandunge oo a kwafela ovanhu vahapu va kale ve shii okukwata nawa oimaliwa yavo. [Lesha umwe womomishangwa odo di li pepandja 8-9.] Moshifo eshi omu na omaetepo mawa oo taa dulu okukwafela ovo tava nyengwa okufuta eendjo odo va lya.”