Oihopaenenwa yomatwalemo

Eetepo li na sha nokuhovela omakonakonombibeli mOlomakaya lotete laJuli

“Ovanhu vamwe ova itavela kutya Ombibeli embo lomaxunganeko li shii okulineekelwa. Vamwe ove udite kutya mOmbibeli omu na oinima inai yela notai dulu okuudiwa ko meenghedi dihapu da yoolokafana. Ove oto ti ngahelipi?” [Teelela omunhu a nyamukule.] Yandja Oshungonangelo yaJuli-Septemba komuneumbo, ndele tamu kundafana ouyelele oo u li koshi yokapalanyole kotete pepandja 16 nokulesha nande oumwe womomishangwa odo da etwa po. Opo nee ninga elongekido u aluke mu uye mu kundafane epulo la landula ko.

Oshungonangelo Juli-Septemba

“Mbela ou shii ngoo kutya Ombibeli oya xunganeka kombinga yefimbo olo eshi Kalunga ta ka lwa novanhu kombada yedu? Ombibeli oya ti kutya oita oyo ohai ifanwa Harmagedon. [Lesha Ehololo 16:16. Opo nee ulikila omuneumbo Oshungonangelo yaJuli-Septemba.] Oshifo eshi otashi ulike kutya otu na okuninga shike ngeenge otwa hala oku ka xupa poita oyo.”

Awake! Juli

“Ngeno owa li to dulu okulundulula oshinima shonhumba mounyuni, mbela ngeno oshike? [Teelela omunhu a nyamukule.] Ombibeli otai ulike kutya omolwashike okudula kwovanhu kwa ngabekwa. [Lesha Jeremia 10:23.] Oshifo eshi osha yelifa kutya Kalunga okwa lalakanena oku ka lundulula shike.”