Oihopaenenwa yomatwalemo

Eetepo li na sha nokuhovela omakonakonombibeli mOlomakaya lotete laJuli

“Mbela ope na ngoo efiku limwe we lipulile kutya elalakano laKalunga olashike li na sha nedu? [Teelela omunhu a nyamukule.] Kalunga okwa hololela ovanhu elalakano laye li na sha nedu okudja eshi a shita ovalihomboli votete Adam naEva.” Lesha Genesis 1:28. Opo nee, yandja Oshungonangelo yaJuli-Septemba komuneumbo ndele tamu lesha nokukundafana naye ouyelele oo u li koshi yokapalanyole kotete oko ke li pepandja 12. Fiila omuneumbo oshifo osho ndele to ningi elongekido u alukile ko kuye oshikando tashi landula opo mu kundafane naye epulo etivali olo li li pepandja olo.

Oshungonangelo Juli-Septemba

Lesha Epsalme 37:10, 11. Opo nee pula omunhu to ti: “Mbela oto diladila kutya ohatu ka mona eshi eudaneko olo tali wanifwa mafiku? [Teelela omunhu a nyamukule.] Oshifo eshi otashi kundafana kombinga yomaxunganeko ahamano oo tu wete taa wanifwa kunena, nomaxunganeko oo otaa ulike kutya eudaneko olo nalo otali ka wanifwa mafiku.”

Awake! Juli

Tumbula shimwe shomoiningwanima oyo tai dana onghandangala moikundaneki. Opo nee, pula omunhu to ti: “Mbela omolwashike Kalunga a efa oinima ya tya ngaho i kale tai ningwa? [Teelela omunhu a nyamukule.] Ombibeli oya ti kutya Kalunga oha udile ovanhu olukeno ovo tava mono oixuna. [Lesha Exodus 3:7.] Kakele kaasho, Ombibeli oye tu lombwela yo kutya omolwashike Kalunga a efa okumona oixuna ku kale po nonokutya okumona oixuna otaku ka xulifwa po fiyo alushe mafiku. Oshifo eshi otashi yelifa nawa oshinima osho.”