Oihopaenenwa yomatwalemo

Eetepo li na sha nokuhovela omakonakonombibeli mOlomakaya lotete laMei

“Mbela ope na ngoo efimbo limwe wa li to lipula kutya omolwashike Kalunga a efa oukolokoshi nokumona oixuna ku kale po? [Teelela omunhu a nyamukule.] Onda hala oku ku ulikila oshinima shonhumba shihokwifa shi na sha noshikundafanwa osho.” Lesheni pamwe naye ouyelele oo u li koshi yokapalanyole kotete mOshungonangelo yOshiingilisha ye 1 Mei, epandja 16 nosho yo omushangwa umwe womwaado da etwa mo ndele inadi tofwa mo. Opo nee, mu pa oshifo nokuninga omalongekido u shune ko mu ka kundafane enyamukulo lepulo la landula ko.

Oshungonangelo 1 Mei

Lesha Epsalme 37:10, 11. Opo nee tya: “Mbela oto diladila ngoo kutya exunganeko olo otali ka wanifwa mafiku? [Teelela omunhu a nyamukule.] Oshifo eshi osha kundafana omaxunganeko Ombibeli ahamano a yoolokafana oo taa wanifwa pefimbo letu notaa yandje oumbangi kutya exunganeko olo oli li pokuwanifwa shili.”

Awake! Mei

“Ovanhu vamwe ohava ti kutya ovanhu ova dja moinamwenyo. Ove mbela oto diladila ngahelipi? [Teelela omunhu a nyamukule. Opo nee, lesha Epsalme 139:14.] Doshili, omupsalme oo okwa li e na eshiivo la ngabekwa li na sha nonghedi ikumwifi omo olutu lomunhu la shitwa. Oshifo eshi otashi kundafana kombinga yaasho tu shii paife shi na sha nolutu lomunhu, mwa kwatelwa oinima oyo ye tu ningifa tu kale twa yooloka ko koinamwenyo.”