Osho to dulu okutya ngeenge to yandje oifo
Oshungonangelo 1 Marsa
“Ovanhu vahapu ohava ti kutya Kalunga ke na ko nasha nafye. Mbela oto diladila kutya epopyo la tya ngaho oli li mondjila ile ola puka? [Teelela omunhu a nyamukule.] Opo nee, lesha Job 34:10. Oshifo eshi otashi tu kwafele tu shiive omaukwatya amwe aKalunga notu mone kutya oku na ko nasha nafye. Mu ulikila oshitukulwa osho sha hovela pepandja 22-23.”
Awake! Marsa
Ngeenge owa shakene nomunyasha, mu ulikila oshitukulwa osho sha hovela pepandja 26. Opo nee, mu ulikila okapalanyole kotete ndele to mu pula to ti, “Mbela oto diladila kutya oinima ei ya popiwa apa oi li mondjila ile oya puka? [Teelela omunhu a nyamukule. Opo nee, lesha 2 Ovakorinto 7:1.] Oshifo eshi otashi kundafana oinima oyo wa pumbwa okushiiva shi na sha nokushila omakaya, mwa kwatelwa nghee to dulu oku a efa po.”
Oshungonangelo 1 Aprili
“Eendombwedi daJehova oda shiivika omolwoilonga yado yokuudifa. Mbela ope na ngoo efimbo limwe wa li to lipula kutya omolwashike hatu longo oilonga oyo? [Teelela omunhu a nyamukule.] Didilika nghee sha yelifwa momushangwa ou. [Lesha Mateus 24:14.] Oshifo eshi osha nyamukula omapulo ngaashi, Onghundana iwa oshike? Ouhamba oshike? nosho yo Exulilo olo tali ke uya oshike?”
Awake! Aprili
“Mbela owa dimina kutya okufilwa omuholike woye osho oshinima shidjuu neenghono osho hatu shakeneke monghalamwenyo? [Teelela omunhu a nyamukule.] Ovanhu vahapu ohava mono omayele aa taa kwafa. [Lesha Epsalme 55:23.] Oshifo eshi otashi kundafana eenghedi dimwe tadi longo omo hatu dulu okuungaunga noluhodi, mwa kwatelwa nghee hatu dulu okuundulila omitengi detu kuKalunga.”