Oihopaenenwa yomatwalemo
Eetepo li na sha nokuhovela omakonakonombibeli mOlomakaya lotete laJuli
Konyala keshe omunhu oo twa popya naye okwa hala mounyuni mu kale mu na ombili. Ndele natango ope na ashike oita. Mbela oto diladila kutya omolwashike ombili ya pumba mounyuni? [Teelela omunhu a nyamukule.] Opo nee pandja pepandja 15 lOshungonangelo yaJuli-Auguste, ndele tamu kundafana ouyelele oo u li koshi yepulo lotete nokulesha nande omushangwa umwe womwaado da etwa mo. Yandja oifo komuneumbo nokuninga elongekido u aluke mu uye mu kundafane epulo la landula ko.
Didilika: Eetepo olo oli na okuningwa euliko pefimbo lokwoongala kwelongekido loilonga yomomapya momafiku 6 Juli.
Oshungonangelo Juli-Auguste
“Ohatu kundafana novanhu pauxupi kombinga youpyakadi oo ovanhu vahapu va taalela. Ovanhu vahapu ova ungaungiwa navo nonhondo. Mbela oto diladila kutya ope na onhele imwe mounyuni oko ku na ovanhu vehe na onhondo? [Teelela omunhu a nyamukule.] Tala nghee Kalunga a tala ko ovanhu aveshe. [Lesha Oilonga 10:34.] Oshifo eshi osha kundafana kombinga yanghee Kalunga ta ka xulifa po onhondo fiyo alushe.”
Awake! Juli
“Ohatu talele po ovanhu vakwetu hatu kundafana navo kombinga youpyakadi u kenyaneka, okuhenouyuki. Ovanhu vamwe ohava ningi omakangha opo va kondjife okuhenouyuki. Mbela oto diladila kutya ovanhu ovo hava ningi omakangha ohava pondola ngoo mokweetifa po omalunduluko? [Teelela omunhu a nyamukule.] Tala osho Ombibeli ya ti kutya osho tashi ka eta omalunduluko ashili kombada yedu. [Lesha Mateus 6:9, 10.] Oshifo eshi osha nyamukula epulo olo kutya, Mbela okuninga omakangha oku li ngoo ekandule po loupyakadi?”
Onghundana iwa ya dja kuKalunga!
“Ohatu talele po omaukwaneumbo moshitukulwa sheni hatu tukulilafana nao omadiladilo taa tu omukumo okudja mOmbibeli. Vahapu ovo twa popya navo otave lipula kutya omolwashike Kalunga omunahole a efa mounyuni mu kale okumona oixuna kuhapu neenghono. Mbela oto diladila kutya okumona oixuna oku li oshitukulwa shelalakano laKalunga lopehovelo li na sha nedu?” Teelela omunhu a nyamukule. Opo nee pandja poshileshwa 5, ndele tamu lesha nokukundafana outendo vavali vopehovelo nosho yo omishangwa odo da endamekwa. Yandja okambo komuneumbo nokuninga elongekido u aluke mu uye mu kundafane epulo la landula ko olo la laulikwa.