Oihopaenenwa yomatwalemo

Eetepo li na sha nokuhovela omakonakonombibeli mOlomakaya lotete laDesemba

“Ovanhu vahapu ova ngwangwana, molwaashi kave shii kutya oshike tashi didilikifa mo elongelokalunga lashili. Ove oto ti ngahelipi, mbela oshike naanaa tashi didilikifa mo elongelokalunga lashili? [Teelela omunhu a nyamukule.] Tala kutya Ovakriste vashili ohava tale ko ngahelipi Ombibeli aishe, mu 1 Timoteus 3:16, 17. [Lesha.]” Pa omuneumbo Oshungonangelo yaOktoba-Desemba, ndele tamu kundafana pamwe naye ouyelele oo u li koshi yokapalanyole okatitatu oko ke li pepandja 16. Ninga elongekido nomuneumbo u aluke moshikando tashi landula opo mu kundafane epulo la shikula ko.

Oshungonangelo Oktoba-Desemba

“Ovanhu vahapu kave hole okufuta oifendela kunena omolwomatomheno e lili noku lili. Ove oto diladila ngahelipi, mbela osha pumbiwa ngoo okukala hatu futu oifendela? [Teelela omunhu a nyamukule.] Tala kutya Ombibeli otai tu lombwele shike shi na sha nokufuta oifendela. [Lesha Ovaroma 13:6, 7.] Mu ulikila oshitukulwa osho tashi hangwa pepandja 13, osho tashi yelifa kutya omolwashike ovanhu va pumbwa okufuta oifendela.”

Awake! Desemba

Lesha 2 Timoteus 3:16, opo nee tya: “Ovanhu vamwe ova itavela kutya Ombibeli oya nwefwa mo kuKalunga, ofimbo vamwe tava ti kutya hasho. Mbela ove oto ti ngahelipi? [Teelela omunhu a nyamukule.] Nonande ovanhu ohava yandje omanyamukulo itaa tu kumwe e na sha nepulo olo, vahapu ova dimina kutya Ombibeli oyo aike embo olo ovanhu va kala tava ningi eenghendabala dinene doku li xulifa po. Oshifo eshi otashi kundafana kombinga yeenghendabala dimwe odo ovanhu va kala tava ningi momukokomoko womafelemido opo ngeno va xulife po Ombibeli nokukelela ovanhu vehe i leshe. Otashi yelifa yo kutya omolwashike Ombibeli inai dula okuxulifwa po.”