Oihopaenenwa yomatwalemo

Eetepo li na sha nokuhovela omakonakonombibeli mOlomakaya lotete laFebruali

“Ovanhu vahapu ove udite kutya Ondiaboli oyo tai xwaxwameke owii oo u li mounyuni. Ashike otave lipula kutya: ‘Mbela Ondiaboli oya dja peni? Mbela Kalunga oye e i shita?’ Ove oto diladila ngahelipi? [Teelela omunhu a nyamukule.] Didilika eshi sha shangwa apa.” Ulikila omuneumbo oshitukulwa osho shi li kombada yOshungonangelo yaMarsa-Aprili, ndele tamu kundafana okatendo kotete nokulesha omushangwa oo wa etwa po. Opo nee mu pa oshifo nokuninga elongekido u aluke mu uye mu kundafane epulo la landula ko.

Oshungonangelo Marsa-Aprili

“Otwa hala okuuda kutya oto ti ngahelipi shi na sha naumwe oo a fimanekwa neenghono kOvakriste, kOvajuda nosho yo kOvamuslim. Omunhu oo oMoses. Oshike hashi uya tete momadiladilo oye ngeenge wa udu edina laye? [Teelela omunhu a nyamukule.] Nonande okwa li a ninga omapuko, Ombibeli oya popya kombinga yaye monghedi ihokwifa. [Lesha Deuteronomion 34:10-12.] Oshifo eshi otashi kundafana omaukwatya atatu omomaukwatya aye mawa nosho yo nghee hatu dulu oku mu hopaenena.”

Awake! February

“Ovanhu kunena ohava tembukile koilongo imwe opo va ka konge ouxupilo. Mbela oto diladila kutya ohava mono alushe osho tava kongo? [Teelela omunhu a nyamukule.] Okutembukila koshilongo shimwe kaku fi oshinima shipe. Didilika oshihopaenenwa eshi tashi hangwa membo lotete lOmbibeli. [Lesha Genesis 46:5, 6.] Oshifo eshi osha kundafana omapulo aa.” Ulikila omuneumbo omapulo oo e li pexulilo lepandja eti-6.