Osho to dulu okutya ngeenge to yandje oifo
Oshungonangelo 1 Februali
“Ovanhu vahapu ohava ti kutya Ombibeli oya shangwa kovanhu. Mbela olyelye omushangi wOmbibeli?” [Teelela omunhu a nyamukule.] Tala kutya Ombibeli oya ti shike. [Lesha 2 Petrus 1:21.] Oshifo eshi osha nyamukula epulo olo pepandja eti-13. Pa omunhu oshifo, nokuninga omalongekido u aluke mu uye mu kundafane omapulo makwao oo e li pepandja 12-13.
Awake! Februali
“Molwaashi Ombibeli embo lonalenale, ovanhu vamwe ohava ti kutya ka li li paushili ngeenge tashi uya poinima yopaunongononi. Ove oto ti ngahelipi? [Teelela omunhu a nyamukule.] Ovanhu vahapu ohava kala va kumwa ngeenge va udu eendjovo edi da popiwa mOmushangwa ou. [Lesha Jesaja 40:22.] Oshitukulwa osho sha hovela pepandja 22 loshifo eshi osha nyamukula epulo eli kutya, Mbela Ombibeli otai tu ngoo kumwe nounongononi?”
Oshungonangelo 1 Marsa
“Eehombo dihapu ohadi teka neenghono kunena. Mbela oto diladila kutya oshike lela hashi etifa eteyohombo? [Teelela omunhu a nyamukule.] Didilika omayele taa longo oo a kwafela ovalihomboli vahapu. [Lesha 1 Ovakorinto 10:24.] Oshifo eshi otashi kundafana omaupyakadi ahamano oo a tumbulwa kovashamane novakulukadi ve lili noku lili nosha ulika nghee okutula moilonga omafinamhango Ombibeli haku kwafele ovalihomboli.”
Awake! Marsa
“Molwaashi ovanhu vahapu otava yahama, ohatu kundafana novanhu vakwetu omushangwa ou tau tu omukumo. [Lesha Jesaja 33:24.] Oto diladila kutya mbela onghalamwenyo otai ka kala ya tya ngahelipi ngeenge Omushangwa oo owa wanifwa? [Teelela omunhu a nyamukule.] Ofimbo twa teelela Kalunga a ninge po elunduluko la tya ngaho, ope na eenghatu donhumba odo keshe umwe womufye ta dulu okukatuka opo a xwepopaleke oukolele waye. Oshifo eshi osha popya kutya eenghatu odo odilipi.”