Mbela ou na okukala alushe ho xulile pefimbo lonhumba?
Ovaudifi vamwe ove hole alushe okulonga moukalele fiyo opefimbo lonhumba, tashi dulika po-12 womutenya. Oshoshili kutya eenghalo davamwe otashi dulika tadi va pula va longe moukalele fiyo opefimbo lokondadalunde. Ndele mbela ou na okukala ho dimbuka moukalele molwaashi ashike vamwe mongudu yeni tava ningi ngaho ile molwaashi shi li onghedindjikilile moshitukulwa sheni okuxulila pefimbo lonhumba? Mbela ito dulu okutamununa mo oukalele woye oule wominute donhumba nokukufa ombinga meenghedi dimwe dokuyandja oundombwedi, ngaashi okulonga epandavanda? Mbela ito dulu okuninga elishuneko limwe ile avali eshi to di koshitukulwa wa yuka keumbo? Diladila kutya oto ka longa ouwa u fike peni ngeenge omunhu oo a li a ulika ohokwe opo we mu hange peumbo ile ngeenge owa yandje oifo ihapu kovanhu ovo to shakene navo mondjila! Ngeenge otwa kala hatu longo efimbo lihapu moukalele, kungaho ohatu hapupalifa “omahambeleloyambo” etu.— Heb. 13:15.