“Ohandi tambula ko ashike oshileshomwa shoye ngeenge naave owa tambula ko shange”

Ovaneumbo vamwe osho hava tomhafana ngaho. Ndele molwaashi ihatu pingakanifa oileshomwa yetu yopaMbibeli noileshomwa yopamalongelokalunga oyo tai xumifa komesho oipupulu, mbela otu na okuungaunga ngahelipi nelungi novanhu va tya ngaho? (Rom. 1:25) Ohatu dulu kutya: “Onda pandula eshi u na ehalo okupa nge oileshomwa yeni. Otai ti shike kombinga yekandulepo lomikundu odo da palamena ovanhu? [Mu pa omhito a nyamukule. Ngeenge okwa ti kutya oto dulu oku ke i lesha opo u mone enyamukulo, oto dulu oku mu lombwela kutya fye ihatu yandje oileshomwa yetu nopehe na okuyelifila ovanhu kutya otai popi kombinga yashike. Opo nee lesha ile u tofe Mateus 6:9, 10.] Jesus okwa ti kutya Ouhamba waKalunga oo tau ka ningifa ehalo laKalunga li longwe kombada yetu. Onghee hano, ame ohandi lesha ashike oileshomwa oyo tai popi osho Ouhamba waKalunga tau uya okuninga. Mbela ohandi dulu oku ku ulikila okudja mOmbibeli oinima imwe yokondadalunde oyo Ouhamba waKalunga tau uya okuninga?”