Oihopaenenwa yomatwalemo

Eetepo li na sha nokuhovela omakonakonombibeli mOlomakaya lotete laMarsa

“Ovanhu vahapu ove na Eembibeli davo vene. Otu shi shii ngahelipi kutya osho sha shangwa mOmbibeli osha dja kuKalunga?” [Teelela omunhu a nyamukule.] Mu ulikila oshitukulwa osho shi li pepandja laxuuninwa mOshungonangelo yaMarsa-Aprili ndele tamu kundafana naye ouyelele oo u li koshi yepulo lotete nokulesha nande omushangwa umwe womwaado da etwa mo. Yandja oshifo komuneumbo nokuninga elongekido u aluke mu kundafane naye epulo la landula ko.

Oshungonangelo Marsa-Aprili

“Ovanhu vahapu ova tila okufya. Mbela naave osho u udite ngaho? [Teelela omunhu a nyamukule.] Onda hala ndi ku ulikile osho Ombibeli ya ti shi na sha naasho tashi ka ningilwa efyo. [Opo nee lesha Jesaja 25:8.] Oshifo eshi otashi yelifa kutya omolwashike inatu hala okufya nonokutya oshike tashi ka ningilwa efyo.”

Awake! Marsa

“Otwe uya oku mu talela po oule wokafimbo hatu yelifa kombinga yeudeko la puka olo vahapu ve na li na sha novelishe ei yOmbibeli. [Lesha Genesis 1:1.] Vamwe ova itavela kutya eshito ola shitwa ofimbo vamwe tava ti inali shitwa. Ove oto ti ngahelipi? [Teelela omunhu a nyamukule.] Vahapu ohava mono shidjuu okwiitavela meshito molwaashi ovawiliki vomalongelokalunga ove va honga oshinima osho inashi popiwa nandenande mOmbibeli. Moshifo eshi omu na eyelifo li li pandunge noli shii okulineekelwa li na sha nanghee eshito la holoka po.”