Nghee hatu dulu okulongifa nawa oifo ikulu

Molwaashi oifo ikulu ihai etele ovanhu ouwa wa sha ngeenge ya tuvikilwa ile ya kupulwashi, otu na okukendabala oku i yandja po. Oshifo shimwe otashi dulu okupendula ohokwe yomunhu yokulihonga oshili noku mu linyengifa a hovele okwiifana edina laJehova. (Rom. 10:13, 14) Apa otapa landula omaetepo onhumba e na sha nanghee hatu dulu okulongifa nawa oifo ikulu.

• Ngeenge hatu longo moitukulwa oyo hai longwa omalufe, ohatu dulu okufiya oifo pomaumbo omo muhe na ovanhu.

• Ngeenge to udifa peenhele daaveshe opo pe na ovanhu va teelela, ngaashi nande opomatulilo eebesa ile peeshitaashi domashina okolutenda, oto dulu okupula ovanhu ngeenge ova hala okulesha, noku va ulikila oifo i lili noku lili ikulu va hoolole po.

• Ngeenge to talele po meevasalaye daaveshe, momaumbo ovakulupe, moupangelo ile meenhele dimwe vali da yukila oko odo di li moshitukulwa sheongalo leni, fiya oifo ikulu inini mokanduda kokuteelela. Ohashi kala alushe shiwa okupula tete epitikilo komukulunhu wonhele oyo ngeenge opo e li. Ngeenge owa mono kutya monhele omo omu na nale oifo, ino pumbwa okufiya mo vali.

• Ngeenge to lilongekidile omalishuneko, tala kutya omunhu keshe oo wa diladila oku ka talela po oku na ohokwe mushike. Pashihopaenenwa, mbela oku na oukwaneumbo? Oku hole okuya momalweendo? Mbela oku hole okulonga moshikunino? Tala moifo oyo ikulu ngeenge omu na oshitukulwa osho ta ka hafela okulesha, ndele to ke shi mu ulikila eshi to ka shuna ko.

• Ngeenge omunhu oo e na ohokwe owe mu hange mo vali meumbo konima eshi wa kala ho mu talele po lwoikando ndele iho mu hange mo, mu ulikila oifo ikulu oyo ino mu pa nale.