“Yandja oifo ile oubroshure vakulu ovo ve na oshikundafanwa osho omuneumbo a hokwa”
Meemwedi odo twa kala hatu yandje embo Ombibeli otai hongo nokuninga eenghendabala tu hovele omakonakonombibeli petalelepo lotete, otwa ladipikwa yo tu “yandje oifo ile oubroshure vakulu ovo ve na oshikundafanwa osho omuneumbo a hokwa,” ngeenge oku na nale embo ndele ina hala okukonakona Ombibeli. Omolwashike mbela?
Moubroshure nosho yo moifo ikulu ohamu kala oikundafanwa i li pefimbo ya yoolokafana. Otashi dulika omuneumbo a tya ngaho a kumwe komutima kushimwe shomoikundafanwa oyo i li moishangomwa oyo. Onghee hano, kaleni yo hamu tula oubroshure noifo ikulu i lili noku lili meendjato deni ngeenge tamu longele oishangomwa oyo tamu ka yandja moukalele. Ngeenge ku na oifo ikulu, oto dulu okupula u pewe imwe pokanduda koileshomwa ngeenge ope na. Opo nee, ngeenge owa hange omuneumbo ndele oku na nale embo Ombibeli otai hongo noina hala ekonakonombibeli, oto dulu oku mu ulikila okabroshure ile oifo oyo ikulu noku mu ladipika a hoolole po osho a hokwa. Konima yaasho, ninga elongekido u alukile ko kuye moshikando tashi uya opo u kulike ohokwe muye. Hauxuuninwa, oshi na oupu eenghundafana deni di ye fiyo omekonakonombibeli.