Oihopaenenwa yomatwalemo

Etwalemo li na sha noshikonga shokushiva ovanhu kEdimbuluko

“Ohatu yandje okafo kokushiva ovanhu koshiningwanima sha fimanenena. Mo 14 Aprili, ovanhu omamiliyona mounyuni aushe otava ka ongala va dimbuluke efyo laJesus Kristus nokupwilikina koshipopiwa shopaMbibeli oshali shi na sha nanghee efyo laye le tu etela ouwa. Mokafo aka omwa ulikwa onhele nefimbo opo okwoongala oko taku ka ningwa moshitukulwa shetu.”

Oshungonangelo Marsa-Aprili

Ovanhu vahapu ova itavela kutya osho sha shangwa mOmbibeli omadiladilo ashike ovanhu. Ove oto ti ngahelipi? [Teelela omunhu a nyamukule.] Yandja oshifo komuneumbo noku mu ulikila oshitukulwa osho shi li pepandja laxuuninwa lOshungonangelo yaMarsa-Aprili ndele tamu kundafana naye ouyelele oo u li koshi yepulo etivali nokulesha nande omushangwa umwe womwaado da etwa mo. Opo nee, ninga elongekido u aluke.

Awake! Aprili

“Ohatu kwafele ovanhu shi na sha noupyakadi oo tau ende tau hapupala neenghono. Ovanhu vamwe ohava kala ve udite va wililwa po neenghono keenghalo donhumba mokukalamwenyo kwavo nohava diladila okulidipaa. Ngeenge omunhu okwa wililwa po komaudjuu, mbela oto diladila kutya oha kala shili a hala okufya, ile oha kala ashike a hala okukala ita mono vali oixuna? [Teelela omunhu a nyamukule.] Apa ope na eudaneko lOmbibeli olo la kwafela vahapu va kale ve na etaleko liwa. [Lesha Ehololo 21:3, 4.] Oshifo eshi osha yandja omatomheno atatu mawa kutya omolwashike omunhu e na okukala nomwenyo nonande oku na omaupyakadi.”