Xwepopaleka ounghulungu woye moukalele, mokuulika kutya ou na ko nasha novanhu pauhandimwe

Omolwashike sha fimana: Jesus okwa li ha tale ko ovanhu pauhandimwe nokwa li he va ulikile pahole kutya oku na ko nasha navo. Pashihopaenenwa, pomhito imwe otashi dulika a li a didilika kutya omulumenhu umwe omufitamatwi ota ka kala a tila, okwa li e mu kufa mo mokati keemhunga dovanhu nokwa li e mu velula ve likalela. (Mark. 7:31-35) Okwa li a ulika kutya oku na ko nasha novahongwa vaye mokutala komangabeko avo noka li he va pe ouyelele muhapu poshikando. (Joh. 16:12) Nokuli naashi a pewa ondodo yaye yomeulu, Jesus oha ulike kutya oku na ko nasha novanhu pauhandimwe. (2 Tim. 4:17) Tu li ovashikuli vaKristus, otwa hala oku mu hopaenena. (1 Pet. 2:21; 1 Joh. 3:16, 18) Kakele kaasho, ohatu ka pondola ashike moukalele ngeenge otwa kala hatu ulikile omuneumbo kutya otu na ko nasha naye nokuyandja elitulemo keenghalo daye de likalekelwa, kwaasho e na ohokwe musho nosho yo kwaasho te lipula nasho unene. Ota ka kala a halelela okupwilikina ngeenge okwa mono kutya inatu uya ashike oku mu udifila ile twe mu etela ashike oshileshomwa ndele otu na ko na sha naye pauhandimwe.

Nghee to dulu oku shi ninga:

Kala we lilongekida nawa. Kala wa manguluka, to limemesha noto ulike oukaume.
Kala hokonenene. Mbela owa didilika osho tashi ulike kutya omunhu oku na ounona, oku hole oikunino ile okutekula oinamwenyo? Mbela oku li melongelokalunga lonhumba? Oto dulu okulundulula etwalemo loye opo li wapalele eenghalo daye.
Mu pula a popye etaleko laye nokupwilikina nawa nopehe na oku mu kwata melaka inashi pumbiwa. Kala to tale kuye eshi ta popi opo a mone kutya oto pwilikine. Mu pandula tashi di komutima omolwomatyekosha aye. Henuka okutwa eemhata naye.
Kala ho tifuka. Ngeenge otashi shiiva, lundulula etwalemo loye, opo mu popye kombinga yaasho omunhu te lipula nasho unene. Molwaashi oufo, oumbo noifo yetu ohai kala i na oikundafanwa ya yoolokafana, eshi otashi dulika shi ka kale shipu shi dulife pwaasho to diladila. Ngeenge owe uya pefimbo itali wapalele, tashi dulika nande owa hanga e lipyakidila uda ko onghalo yaye nokuninga etwalemo pauxupi.

Kendabala okuninga ngaha momukokomoko womwedi:

Liendifei po pElongelokalunga lOukwaneumbo weni, ile ngeenge mu li moukalele, tashi dulika nghee omuudifi ta ka lundulula etwalemo laye opo a popye kombinga yaasho omuneumbo te lipula nasho.
Omumwatate oo ta kwatele komesho elongekido loilonga yomomapya peemhito dimwe ota dulu okukundafana ile a yelife eenghedi omo hatu dulu okuulika kutya otu na ko nasha novanhu pauhandimwe.