Nghee hatu dulu okuxwepopaleka ounghulungu wetu moukalele — hatu longifa o-JW.ORG

OMOLWASHIKE SHA FIMANA: Oishangomwa yetu aishe oyo i li moshikefa shetu shoilongifo oi na ouyelele tau twala ko-jw.org. Elalakano lokakalata ko-jw.org nosho yo okafo Openi hatu dulu okuhanga omanyamukulo omapulo oo a fimanenena monghalamwenyo? olo okutwala ovanhu ko-website yetu. Oto dulu okutumina omunhu oshishangomwa pa-e-mail ile pa-link to longifa o-jw.org. Osho ohashi kala ekwafo ngeenge omunhu oo to udifile omupopi welaka li lili. Shikwao vali, ovanhu otava dulu okupula omapulo oo a nyamukulwa moishangomwa oyo ihe li moshikefa shetu shoilongifo. Ngeenge otwa shiiva okulongifa o-website yetu nawanawa, ohatu ka pondola moukalele.

NGHEE HATU DULU OKU SHI NINGA:

• 

  Finda opo pa shangwa “OMAHONGO OMBIIBELI” Natu tye nee oto udifile omudali oo a hala okuuda ouyelele muhapu kombinga yokutekula ounona. Inda kOshiingilisha, ndele to i opo pa shangwa BIBLE TEACHINGS > MARRIAGE & FAMILY.

• Finda opo pa shangwa “OISHANGOMWA.” Natu tye nee oto yandje oundombwedi wohangelela kofikola nowa hala okupa omunafikola mukweni okambo Omanyamukulo omapulo 10 oo haa pulwa kovanyasha. Inda opo pa shangwa OISHANGOMWA > OMAMBO NOUMBO.

• Finda opo pa shangwa “KOMBINGA YETU.” Natu tye nee oto yandje oundombwedi komunailonga pamwe naave oo a hala okulesha ouyelele u li pauxupi kombinga yeitavelo letu. Inda opo pa shangwa KOMBINGA YETU > OMAPULO OO HAA PULWA LUHAPU KOMBINGA YEENDOMBWEDI DAJEHOVA.

TALENI OKAVIDIO NGHEE TO DULU OKULONGIFA O-JW.ORG, NDELE TO TALE KUTYA OPENI TO DULU OKUYA KO-WEBSITE OPO U KWAFELE:

• omunhu oo ina itavela muKalunga

• omunhu oo opo a di moshiponga

• omumwatate ile omumwameme oo ine lipyakidila vali

• omunhu oo wa ninga elishuneko kuye, te lipula kutya oilonga yetu ohai yambididwa ngahelipi pashimaliwa

• omunhu oo e li koshilongo shi lili nokwa hala a ka ongale kOlupale olo li li moshitulwa shavo