Longifa moukalele woye epandja lopehovelo ko-JW.ORG

Kepandja lopehovelo loko-website yetu ohaku ulikwa oishangomwa nosho yo ouvidio ovo va nuninwa ovanamitima diwa moukalele. (Oil 13:48) Luhapu ohaku kala ku na oinima oyo hai piti meenghundana, ile oyo ovanhu hava diladila nohava popi kombinga yayo.

Ongahelipi to dulu okulongifa moukalele epandja lopehovelo ko-jw.org?

• Kala ho tale ko-website yetu pandjikilile. Didilika oitukulwa oyo i li koshi yoshitukulwa Oishangomwa oyo tai ulikwa, ndele to tale nghee to dulu oku i longifa u kwafele omunhu oo e na ohokwe. (Opo u mone oishangomwa imwe oyo opo ya piti kehovelo, finda opo pa shangwa “Tala oitukulwa imwe vali.“) Okukala ho endele pamwe no-website otashi ku kwafele u kale ho pondola moukalele.

• Longifa oitukulwa nosho yo ouvidio ovo tava ulikwa kepandja lopehovelo ko-website, opo u hovele eenghundafana. Oitukulwa nosho yo ouvidio otava dulu oku tu kwafela, opo tu mone kutya ovanhu vomoshitukulwa shetu otava diladila shike.

• Ulikila ovanhu epandja lopehovelo. Divilika oitukulwa yonhumba kondadalunde, ndele to ulikile omuneumbo nghee ta dulu oku i mona ko-website.

• Tuma oka-link. Ovanhu vamwe ihava kala va hala okukundafana nafye oshipala noshipala, ashike ohava kala va hala okuya ko-website yetu. Onghee i no ongaonga okutumina ovo ve na ohokwe o-link i na sha nepandja lopehovelo, ile i na sha noshitukulwa kondadalunde, ile okavidio oko taka ulikwa.