Kwafela ovakonakonimbiibeli voye va henuke eendafano lii

Opo ovakonakonimbiibeli va pange oukaume naJehova, ove na okupanga oukaume novanhu ovo ve na elihumbato liwa. (Eps 15:1, 4) Ookaume vawa otave ke va nwefa mo va longe osho sha yuka. — Omayel 13:20; lff Oshileshwa 48.

Ngeenge to kwafele ovakonakonimbiibeli voye va henuke eendafano lii, kala u na onghenda. Otashi dulika shi kale shidjuu kuvo okweefa po ookaume vomounyuni. Onghee hano, va ulikila kutya ou na ko nasha navo nomomafiku oo ito konakona navo. Oto dulu oku va tumina etumwalaka, oku va dengala, ile oku ke va talela po pauxupi. Ngeenge ovakonakoni voye ova ninga exumokomesho, oto dulu oku va shiva va endafane nOvakriste vakweni. Opo nee otava ka mona shili kutya otava mono shihapu shidulife osho tava kanifa. (Mar 10:29, 30) Naave oto ka kala wa hafa eshi oshiwana shaJehova tashi hapupala.

DANA OKAVIDIO KWAFELA OVAKONAKONIMBIIBELI VOYE — VA HENUKE EENDAFANO LII, NDELE TAMU KUNDAFANA OMAPULO TAA SHIKULA:

• Eendafano lii ola kwatela mo shike? — 1Ko 15:33

• Jade okwa li ta diladila kutya okavilo oko taka ka ningwa kOvakriste otaka ka kala ka tya ngahelipi?

• Neeta okwa kwafela ngahelipi Jade a efe po ookaume vai, noku kale e na ookaume vawa?