Konga onhele ye li mwenenena, opo to dulu okuleshela

Mbela owa hala okumona ouwa mekonakono loye lopaumwene? Omaetepo taa shikula otashi dulika e ku kwafele u yandje elitulemo:

• Konga onhele tai wapalele. Ngeenge otashi shiiva, konga onhele ya yela nope na ouyelele, opo u dule okulesha nawa. Oto dulu okukala omutumba poshitafula, ile pondje, ngeenge ope na onhele opo to kala wa manguluka.

• Konga onhele opo to dulu okukala oove auke. Jesus okwa li ha ilikana “ongula inene konhele ye likalela.” (Mark. 1:35) Ngeenge ito dulu okukala we likalela, lombwela ovaneumbo leni kutya ou na efimbo lonhumba ho ningi ekonakono loye lopaumwene, noku va pula vehe ku piyaneke.

• Kala ho yandje elitulemo. Henuka omapiyaaneko. Ngeenge oho longifa ongodi, ile okatableta eshi to konakona, oto dulu oku i tula kelimweneneno, ile ko-airplane mode, opo u henuke oinima oyo tai ku piyaaneke. Eshi to konakona, ngeenge owa diladila oshinima shonhumba u na oku shi ninga, shi shanga, opo uhe shi dimbwe, ove u ke shi hange nale. Ngeenge oshidjuu okuyandja elitulemo, oto dulu okufuda po kashona, ile u ka ende mo.