Aallarniutit oqaluussinermi atugassat
Malugiuk: Oqaluussinermi qanoq aallarniissanerluni aalajangerniarnermi uku pingasut eqqaamasariaqarput: (1) Tusarliuteqquneqartoq tassaavoq Naalagaaffimmik nutaarsiassaq nuannersoq. (Matt 24:14) Oqaluussinitsinni tamanna toqqaannartumik eqqartunngikkaluarutsiguluunniit eqqaamasariaqarparput Naalagaaffiup pisariaqartinneqarneranik inuit paasitinniarnissaat, imaluunniit eqqarsaatiginnilernissaat. Tamanna anguniarlugu paasinninnissaannut akornutaasinnaasut piiartariaqarpavut. (2) Inuit naapitavut soqutigivikkutsigit Jiisusitut iliorluta taakku uummataat angusinnaassavavut. (Mark 6:34) Soqutiginninneq taamaattoq ersersinneqarsinnaavoq qungujulluni inussiarnisaarnikkut, pulaagarlu oqalukkaangat tusarnaarusussuseqarnikkut oqaasissattalu pulaakkap oqaaserisaanut naleqqussarneratigut; aammalu qanoq isumaqarnera paasisinnaanerujumallugu pulaakkamik oqaaseqarusulersitsisunik apeqquteqartarnikkut. (1 Kor 9:19-23) (3) Nunat ilaanni naatsorsuutigineqartarpoq pulaartoq pulaarnerminut pissutaasup oqaatiginnginnerani nunami tassani ileqqorineqartartunik iliuuseqaqqaassasoq. Nunani allani pulaakkap naatsorsuutigisarpaa qaaqquneqarani pulaartup sooq aggernerluni ingerlaannaq oqaatigissagaa. — Luk 10:5.
Aallarniutit tulliuttut tassaapput oqaluussisartut misilittagaqarluartut oqaluussinerminni aallarniutigisartagaat. Qularnanngitsumik siunnersuutit illit oqaasissannut naleqqussarusussavatit. Aamma ilagiinni oqaluussisartut inunnut saaffiginninnermikkut iluatitsilluartartut isumasiornissaat iluaqutigisinnaavat.
ANGERLARSIMAFFIMMI BIIBILIMIK ATUAQQISSAAQATIGIINNEQ
● ‘Pulaarpunga angerlarsimaffimmi akeqanngitsumik Biibilimik atuaqqissaarnissamik neqeroorfigiumallutit. Naatsunnguamik takutilaarusuppara qanoq inuit nunani 230-nit amerlanerusuni Biibilip imarisai angerlarsimaffimminni eqqartortaraat. Minutsialunnguit atorsinnaavakka? ... Uani qulequtaq sunaluunniit oqaloqatigiissutigisinnaavarput. (Atuaqqissaaqatigiissutissap imai takutikkit). Qulequtaq sorleq illit soqutigineruiuk?’
● ‘Biibilimik atuaqqissaarutaasinnaasoq ilinnut takutilaarusuppara. (Neqeroorutiginiakkat takutiguk). Takunikuuiuk? ... Minutsialunnguanik piffissaqaruit nammineq Biibiliutit atorlugu taassuma qanoq atorneqarsinnaanera takutilaarusuppara.’
ASANNINNEQ/ INUSSIARNERNEQ
● ‘Nunarsuarmi asanninnerup ilumoortup amigaataanera inuppassuit isumakuluutigigaat paasisimavarput. Illit aamma tamanna isumakuluutigisarpiuk? ... Suna tamatumunnga pissutaasoraajuk? ... Nalunngiliuk tamanna Biibilimi siulittuutigineqarsimasoq? (2 Tim 3:1-4) Sooq taamaattoqarneranik aamma allassimasoqarpoq. (1 Joh 4:8)’
● ‘——-mik ateqarpunga qanittumilu najugaqarlunga. Maluginiagara, aamma immaqa illit maluginiarsimasat, pillugu oqaloqatigilaarusullutit sivikitsunnguamik akornusilaarpakkit. Inussiarnisaarneq akeqanngilaq, kisianni soorlu tamanna qaqutiguuleraluttuinnartoq. Sooq taamaattoqarnera eqqarsaatiginikuuiuk? ... (Matt 24:12; 1 Joh 4:8)’
BIIBILI/GUUTI
● ‘Aluu, tusagassamik nuannersumik tusartilaarumallutit kasuttorpunga. Biibilimi uani qanoq allassimasoqartoq maluginiariaruk. (Allassimaffik soorlu Saqqummersitat 21:3, 4 atuaruk). Qanoq isumaqarpit? Tusarluarnarpa?’
● ‘Ajornartorsiutit inuunermi nalaattakkatta anigornissaanut atoriaannaasumik sumi ikiuutissarsiortoqarsinnaanera pillugu inuit oqaloqatigaavut. Inuit Biibili qanga isumassarsiorfigisarpaat, ullumikkulli piffissami allarluinnarmik isiginnittaaseqarfiusumi inuuvugut. Tamanna qanoq isumaqarfigaajuk? Biibili Guutip oqaasiatut isumaqarfigaajuk, imaluunniit inuinnarnit atuakkiaannaasoraajuk nuannersoq? ... Guutiminngaanneersimappat tamanna qanoq qulakkeersinnaassaviuk?’
● ‘Inoqatikka qiimmaallannartumik Biibilimeersumik oqaloqatigaakka. Illit eqqarsaatiginikuuiuk: ...? (Oqaloqatigiissutissamut tulluartumik apeqquteqarit).’
● ‘Inuit Biibilimik atuartarnissaannik kajumissaarpavut. Apeqqutit pingaarutillit Biibilimi akineqartarneri inuit tupaallaatigisarpaat. Assersuutigalugu: ... (Tuss 104:5; Dan 2:44 allaluunniit).’
● ‘Ullumikkut inoqativut oqaloqatigilaarpavut. Naapitatta ilaasa Guuti upperaat, ilaasalu upperiuminaatsillugu. Illit qanoq isumaqarpit? ... Biibilimi kajumissaarneqarpugut avataarsuaq maluginiaqqullugu. (Tuss 19:2). Avataarsuup ingerlaarneranik inatsiseqartitsisup uaguttaaq najoqqutassatsinnik naleqangaartunik tunisimavaatigut. (Tuss 19:8-10)’
GUUTIP NAALAGAAFFIA
● ‘Guutip naalagaaffia pillugu inuit oqaloqatigaakka. Maluginiarsimavara inuppassuit ajornartorsiutinik erloqinartunik, soorlu pinerluttuliortarnernik, inuuniarnerup akitsoraluttuinnarneranik (arlaannilluunniit amerlanerit maannakkut eqqarsaatigisaannik), aaqqiisinnaasunik naalakkersuisoqarusukkaluartut. Nuannissagaluarpoq, ilaa? ... Taama ittunik ullumikkut naalakkersuisoqarpa? ... Inuppassuit allaat tamanna Guutimut qinnutigisarpaat. Qularnanngitsumik aamma illit nammineq Guutip naalagaaffia tikiuteqqullugu qinnutigisarsimavat, amerlanerilli taanna naalagaaffittut takorloorneq ajorpaat. (Dan 2:44; Tuss 67:7, 8; Mika 4:4)’
● ‘Apeqqut pingaarutilik pillugu inuit oqaloqatigaavut, illillu isummat tusarusullutigu. Guutip naalagaaffiata tikiunnissaa taassumalu piumasaata qilammisut nunamissaaq pinissaa qinnutigisaqqullugu Jiisusip ilitsersorpaatigut. Isumaqarpit qinnutigisartagarput qaqugumulluunniit eqquukkumaartoq taamaalillunilu Guutip piumasaa nunami maani piviusunngorluni? ... (Es 55:10, 11; Saqq 21:3-5)’
● ‘Apeqqut tamatta aalajangiiffigisassarput pillugu inuit oqaloqatigaakka: Guutip naalakkersuinera kissaatigaarput, imaluunniit inuit naalakkersuinerat kissaatigineruarput? Silarsuarmi pissutsit isigigutsigit inuinnaat naammassisimasaannit ajunnginnerusumik atorfissaqartitsinnginnerpugut? ... (Matt 6:9, 10; Tuss 146:3-5)’
HARMAGEDONI
● ‘Oqaaseq Harmagedoni tusarnikuuiuk? Nunarsuarmi siuttut atomip nukinga atorlugu sorsunnersuaqaratarsinnaaneranut oqaaseq taanna atortarpaat. Harmagedoni inunnut qanoq sunniuteqassasoraajuk? ... Oqaaseq Harmagedoni Biibilimi allassimavoq isumaalu politikkerit oqaatsimik taassuminnga atuisarnerannit allaanerulluinnarluni. (Saqq 16:14, 16) Biibilimittaaq allassimavoq annannissatsinnut tamatta immikkut iliuuseqarsinnaasugut. (Sef 2:2, 3)’
ILAQUTARIIT/MEEQQAT
● ‘Inuit ilaqutariit iluanni ajornartorsiutinut aaqqiissutissamik soqutiginnittut oqaloqatigaavut. Tamatta pitsaanerpaamik iliuuseqarniartarpugut, arlaannilli suli ajunnginnerusumik iluaqutissiisinnaasoqassagaluarpat tamanna soqutigissagaluarparput, ilaa? ... (Kol 3:12, 18-21) Biibili ilaqutariinnut siunissamik pitsaasumik neriuutissaqartitsivoq. (Saqq 21:3, 4)’
● ‘Tamatta meeqqatta pilluarnissaat kissaatigaarput. Ullumikkulli nunarsuarmi ajornartorsiuterpassuaqarmat taakku pillualerumaarnissaat ilimagisinnaavarput? ... Meeqqavut inersimasunngorunik silarsuaq qanoq ittormita inuuffigissavaat? ... Biibilimi allassimavoq Guutip nunarsuaq inuuffigisassanngortikkumaaraa nuanningaartoq. (Tuss 37:10, 11) Meeqqavulli silarsuassami tassani inuussanersut uagut qanoq aalajangersimanersugut apeqqutaasupilussuuvoq. (5 Mos 30:19)’
INUUNEQ/PILLUARNEQ
● ‘Inoqativut inuunerup siunertaanik eqqarsaatiginnittut oqaloqatigaavut. Inuimmi amerlanersaasa pilluarneq misigisarsimavaat aammali ajornartorsiuterpassuaqartarsimallutik. Aammalu utoqqaliartortilluta inuuneq sivikitsuinnaasoq paasilersarparput. Ilumut inuuneq taama sivikitsigisoq taamaattussaannaava? Illit qanoq isumaqarpit? ... (Guutip aallaqqaammulli siunertavia, naatsiivimmi Edenimi oqaaserisat, eqqartukkit; taava Johannesi 17:3 aamma Saqqummersitat 21:3, 4 eqqaakkit).’
● ‘Ullumikkut inoqativut oqaloqatigaavut Biibilimi oqaatsit uku “inuuneq naassaanngitsoq” tusaraangamikku qanoq eqqarsartarnersut paaserusullutigu. Oqaatsit taakku Biibilimi 40-t sinnerlugit eqqaaneqarmata asuli isumaqanngillat. Inuuneq naassaanngitsoq uagutsinnut qanoq sunniuteqassangatippiuk? ... Qanoq anguneqarsinnaava? (Joh 17:3; Saqq 21:4)’
● ‘Inuit ullumikkut inooriaatsimik ernumassuteqartut oqaloqatigaavut. Naak inuppassuit inuuneq nuannaarutigigaluaraat amerlasuut ima aperisarput: Pilluarneq anguneqarsinnaava? Qanoq isumaqarpit? Illit ullumikkut suna pilluarnermut piviusumut akornutaanerpaasoraajuk? ... (Tuss 1:1, 2; allanillu naapitavit pisariaqartitaanut tulluartumik takutitaqarit).’
NAAPERTUILLUANNGISSUSEQ/NAALLIUNNEQ
● ‘Eqqarsaatiginikuuiuk inuit naapertuilluanngitsumik pineqartarnerat naalliutsitaasarnerallu Guutip ilumut isumakuluutigisarnerai? ... (Oqal 4:1; Tuss 72:12-14)’
PINERLUTTULIORTARNEQ/ TOQQISSISIMANEQ
● ‘Aluu, inoqativut oqaloqatigaavut qanoq ililluta inuttut ataasiakkaatut toqqissisimalluta inuusinnaasugut. Aamma nunatsinni pinerliiniartorpassuaqartarpoq tamatsinnut eqquisunik. Isumaqarpit qaquguluunniit illit uangalu unnukkut saassunneqarnissarput annilaangatiginagu anisinnaalerumaartugut? (Imaluunniit: ajornartorsiutinut tamakkununnga aaqqiissutissaalluartumik peqarsoraajuk?) ... (Uss 15:3; Tuss 37:10, 11)’
● ‘——-mik ateqarpunga. Qanittumi najugaqarpunga. (Qanittukkut eqqaamiussinni pinerluttoqarsimaneranik illoqarfissinniluunniit soqutigineqartumik taasaqarit). Maluginiarpara eqqaamiutta amerlanersaasa tamanna oqaluuserigaat. Illit qanoq isumaqarfigaajuk? ... Toqqissisimanerusumik inuulersinnaanissatsinnut sunniisoqarsinnaanerluni? ... (Uss 1:33; 3:5, 6)’
SIUNISSAQ/ ISUMALLUARNEQ
● ‘Aluu, nuannaarutigaara naammattoorakkit. Siunissaq qanoq isumalluarfigineqalersinnaanera pillugu inoqatikka oqaloqatigaakka. Illit inuuneq taamatut isiginiarsariviuk? ... Tamanna ajornakusoortilaartarpiuk? ... Tassunga tunngatillugu Biibili iluaqutaasorujussuusoq paasinikuuara. Ullumikkut pissutsit qanorlu paasisariaqarnerat aamma qanoq inerneqarumaarnerat tassani nassuiarneqarput. (Luk 21:28, 31)’
● ‘Aluu, ——-mik ateqarpunga. Illimmi qanoq ateqarpit? ... Illit inuusuttoqatitillu kajumissaarniarpassi siunissaq pissanganartoq Biibilimi neriorsuutigineqartoq eqqarsaatigeqqullugu. (Allassimaffik soorlu Saqqummersitat 21:3, 4 atuaruk). Tusarluarnarpa?’
SORSUNNEQ/EQQISSINEQ
● ‘Inunnik silarsuarmi sorsuffiunngitsumi inoorusuttunik ujaasivunga. 1900-kkunniinnaq hundredelikkuutaanik sorsunneqarsimavoq, taakkununnga ilaallutik sorsunnersuit marluk. ... Kina sorsunnermik pinngitsoortitsisinnaava? ... (Mika 4:2-4)’
● ‘Kikkut tamangajammik silarsuarmi eqqissinissaq kissaatigaat. Silarsuarmi inuit nuimasut amerlanersaat aamma taama oqartarput. Soormiuna silarsuarmi eqqissineqarnissaq taama angujuminaatsigisoq? ... (Saqq 12:7-12)’
SULIFFISSAQARNIARNEQ/ INISSAQARNIARNEQ
● ‘Tamanut suliffissaqarniarneq inissaqarniarnerlu qanoq qulakkeerneqarsinnaanersut eqqaamiutillu eqqartorparput. Nunarsuarmi naalakkersuisut tamanna angusinnaassagaat ilimagaajuk? ... Ajornartorsiutilli taakkua aaqqinneqarnissaannik ilisimannittoqarpoq — tassaallunilu inunnik Pinngortitsisoq. (Es 65:21-23)’
● ‘Naalagaaffik pitsaasoq pillugu eqqaamiuvut oqaloqatigaavut. Aqutsisoqarusukkaluarpugummi naapertuilluartumik ingerlatitsisunik, tamanut suliffissaqartitsisinnaallutillu inissaqartitsisinnaasunik. Naalagaaffik sorleq tamakkuninnga tamanik naammassinnissinnaava? ... (Tuss 97:1, 2; Es 65:21-23)’
ULLUNI MAKKUNANI PISUT
● ‘Aluu, ——-mik ateqarpunga, —— najugaqarpunga (aqqut, illoqarfilluunniit taajuk). Ippassaq unnukkut nutaarsiassat takuigit? ... Una eqqarsaatigaara (naleqquttumik taasaqarit) — tamanna qanoq isumaqarfigaajuk? ... Tupinnanngilaq inoqativut ima aperisarmata: Qanormita inerneqassappat? Jehovap Nalunaajaasuatut upperaara piffissaq Biibilimi “ullussanik kingullernik” taaneqartoq inuuffigigipput. Uani Timotheusimut allakkat aappaanni 3:1-5-imi allaatigineqarnera takunikuuiuk?’
● ‘Sapaatip akunnerani uani aviisimi allaaserisaq una takuiuk? (Qiugaq takutiguk) Qanoq isumaqarfigaajuk? ...’
● ‘Apererusuppakkit: Illit silarsuarmi ajornartorsiutinik iluarserusutaqassagaluaruit suna siulliutissagaluarpiuk? (Kasuttorfigisavit isumakuluutaa oqaloqatigiinnermut aallaaviusinnaavoq).’
ULLUT KINGULLIIT
● ‘Ullumikkut nunarsuarmi pisartut qanoq isumaqarneri pillugit inuit oqaloqatigaavut. Amerlasuummi Guutimik aamma taassuma inooriaatsimut najoqqutassiaanik Biibilimiittunik soqutiginnikkunnaariartorput. Tamannalu inuit inoqatiminnut qanoq pissuseqarnerannut assut malunniuteqarsimavoq. Tamanna pillugu Biibilimi allassimasut takutilaarlakka, maluginiariarullu ullumikkut nunarsuatsinni taamaattoqarnersoq. (2 Timotheusi 3:1-5 atuakkit) ... Siunissami pitsaanerusumik ilimagisaqarsinnaavugut? (2 Petr 3:13)’
● ‘Inuppassuit upperaat silarsuup matuma naggatissani tikileraa. Ulluvut “ullussanik kingullernik” taasarpaat. Nalunngiliulli silarsuup matuma naggatissaanit annassinnaasugut nunarsuarmilu paratiisinngortussami inuulersinnaasugut Biibilimi allaaserineqartoq? (Sef 2:2, 3)’
Aamma qulequtaq “Ulluni makkunani pisut” takuuk.
UTOQQALISARNEQ/ TOQUSARNEQ
● ‘Illit eqqarsaatiginikuuiuk sooq utoqqalisarlutalu toqusartugut? Saaniluit imarmiut ilaat ukiuni hundredilinni arlalinni uumasinnaapput. Orpeqarpoq ukiuni tuusintini piusartunik. Uagulli ukiut 70-it 80-iinnaalluunniit inuusarpugut. Eqqarsaatiginikuuiuk sooq taamaannersoq? ... (Rom 5:12) Tamanna allanngorsinnaassasoraajuk? ... (Saqq 21:3, 4)’
● ‘Ima aperinikuuit: Toqu tassaanerpa suut tamarmik naggatissaat, imaluunniit toqup kingorna arlaannut ingerlaqqittoqartarpa? ... Inuuneq toqulu pillugit apeqqutinut Biibilimi akissuteqarpoq. (Oqal 9:5, 10) Tassani ersersinneqarportaaq inunnut uppertunut neriuutissaqartoq. (Joh 11:25)’
OQARTOQAKULAPPAT: “NAMMINEQ UPPERISAQARPUNGA”
● ‘Aluu, tassaana maani inuit oqaloqatigigivut. Amerlanerit oqartarput namminneq upperisaqarlutik. Immaqa aamma illit taama oqartarputit? ... Ilaa, kisianni qanorluunniit upperisaqaraluarutta assigiinnik ajornartorsiuteqartarpugut — soorlu inuuniarnerup akisunerujussua, pinerlunniartarnerit, nappaatit ilaalu ilanngullugit. Isumaqataavit? ... Tamakkununnga tamanut aaqqiissutissaqarsoraajuk? ... (2 Petr 3:13; il.il.)’
OQARTOQAKULAPPAT: “ULAPIKKAMA”
● ‘Aluu, maani najugallit tamaasa nutaarsiassamik pingaarutilimmik tusartilaarusullugit kasuttorpunga. Qularnanngitsumik ulapipputit, (imaluunniit: takusinnaavara ulapittutit), taamaattumik sivikitsunnguussaaq.’
● ‘Aluu, ——-mik ateqarpunga. Guutip naalagaaffia tamatumalu pilluaqqussutissartai qanoq ililluta misigisinnaanerivut oqaloqatigiumallutit kasuttorpunga. Takusinnaavarali ulapittutit (imaluunniit: anilersutit). Ingerlaqqitsinnanga ataatsimik taasaqalaarsinnaavunga?’
ANGALAARFIGINEQAKULASUNI
● ‘Nuannaarutigaara naammattoorakkit. Aggeqqippugut Guutip naalagaaffiata inuiannut nuannersunik naammassisaqarnissaa pillugu suli eqqartugassaqalaaratta.’
● ‘Aluu, nuannaarutigaara naammattooqqissinnaagakkit ... Ajunngilasi? ... Ullumikkut aggerpunga ... pillugu oqaloqatigiumallutit.’
● ‘Aluu. Aggeqqippugunaasiit. Qanoq ippit? ... Oqaloqatigeqqinnissat qilanaarisimavara. (Ullormi oqaloqatigiissutissat oqaatigiuk).’