Oktobari

Tamatta ataatsimiinnerni erinarsoqataasarnikkut piareersarluak­kanillu akissuteqar­tarnikkut peqataasarsin­naavugut. Ilaasali allat tusaatillugit erinarsoqataanissartik akissuteqar­nissartil­luunniit tunuarsimaarfigisarpaat. Illit aamma taamaattarpit? Taamaappat allat suna iluaqutigisimaneraat eqqarsaatigeriaruk. Erinarsornermut tunngatillugu inuit ilaasa uummammit pisumik erinarsoqataanertik iluaqutigisarsimavaat. Ataatsimiinnermi erinarsoraangatta Jehovap unnersiutiginissaa pingaar­nerpaatit­tassavarput. Taamaattumik ataatsimiinnernut piareersaraangavit aamma erinarsuutit piareersartakkit taallar­taasalu ataatsimiin­nissami sammisassanut qanoq attuumas­suteqarnerat misissor­tarlugu. Aamma erinarsuutip taallartai eqqarsaatiginerusakkit erinarsornerit pivallaarnagu. Akissuteqarnissaq inuit ilaannut sapernarsin­naasarpoq. Suna iluaqutigisin­naaviuk? Akissuteqar­tarniarit. Eqqaamajuk oqaatsit ikittut atorlugit allanillu ilaartornagu akissuteqarnissaq naammassasoq. Jehovap ataatsimiinnerni akissuteqar­niarluta sapinngisatsinnik iliuuseqar­tarnerput nuannaarutigingaartarpaa. w22.04 7-8 § 12-15

Oqaaseq ‘ikiorti’ atorneqarmat ikioqqusumik ikiuipal­lanniarluni iliuuseqartumut innersuus­sutaavoq. Takorlooriaruk Jehova ajornar­torsiortumik ikiuipal­lanniarluni iliuuseqapallattoq. Isumaqataas­sagunarputit Jehovap uagutsinnik ikiuerusungaarnera allaatigineqarluartoq. Jehovap ikiormatigut nuannaarneq attatiin­narlugu ajornar­torsiutigut naammagalugit atorsin­naavagut. Jehovap qanoq ikiortarpaatigut? Tamanna paasiumallugu Esajap allagai sammilaariartigit. Siulittuutimmi Esajap isumassarsisitaalluni allatai arlallit nalitsinni Guutip kiffaanut atuupput. Aamma Esajap oqaatsit paasiuminartut atorlugit Jehova allaatigisarpaa. Esajap allagaani kapitali 30 assersuutigeriartigu. Kapitalimi tassani Jehovap kiffaminik ikiuisarnera Esajap nuannersumik assersuusiorluni allaatigaa. Allappoq Jehovap ikiortaraatigut (1) qinnutitta tusarnaaq­qissaar­tarnerisigut akisarnerisigullu, (2) uagutsinnik ilitsersuinermigut aamma (3) ajunngisaarfigaluta siunissamilu ajunngisaarfigiumaaraatigut. w22.11 8 § 2-3

Jiisusip Smyrnami Filadelfiamilu ilagiit malersugaanermi aalajaakkunik akissarsisin­neqassammata siooraq­qunngilai. (Saqq 3:10) Malersugaanissarput ilimagisariaqarlugulu pinertusaarusus­suseqar­tariaqarpugut. (Mat 24:9, 13; Kor 2. 12:10) Saqqummersitani paasitin­neqarpugut nalitsinni – ‘Naalakkap ulluani’ – Guutip innuttai malersor­neqartassasut. (Saqq 1:10) Saqqummersitat kapitali 12-imi Jiisusip kunngin­ngornerata kinguninngua qilammi sorsuttoqalersoq eqqaaneqarpoq. Mikaali – Jiisusi Kristusi qutsissisin­neqartoq – sakkutuuilu aamma Saatani anersaapiluilu sorsuupput. (Saqq 12:7, 8) Guutip akerai ajorsar­titaagamik nunarsuarmut iginneqarput, tassanilu ajorluin­nartumik inunnik naalliutsitsipput. – Saqq 12:9, 12. w22.05 5 § 12-13

Jehovap eqqartuussutai naapertuil­luartuaannarput. Kinaassusersiun­ngilluin­nartarpoq. Isikkoq, pigissaarneq, nuimaneq piginnaaneril­luunniit tunngavigalugit isumakkeerfigin­ninngisaannarpoq. (Sam 1. 16:7; Jaak 2:1-4) Kialuunniit Jehova akilerlugu peqquserlutsis­sinnaanagulu tatisin­naanngilaa. Pakatsineq killitsianerluunniit tunngavigalugit aalajangiin­ngisaannarpoq. (Mos 2. 34:7) Jehovap pissutsit atukkagut ilisimal­luinnaramigit Eqqartuus­sisuuvoq piukkun­narnerpaaq. (Mos 5. 32:4) Hebræerisut Allakkanik Illernartunik allaqataasut Jehovap isumakkeerfigin­nittarnerata asseqan­nginnera paasivaat. Qinerlerfissiaq naapertorlugu ilaannikkut hebræerisut oqaaseq taamaallaat Guutip ajortuliortumik isumakkeerfigin­neriaasianut innersuus­sutaasoq atortarpaat. Oqaatsimi tassani inuit killilimmik isumakkeerfigeqatigiit­tarnerat pineqan­ngisaannarpoq. Jehovap kisimi ajortuliortoq peqqissimisoq isumakkeerfigil­luinnarsinnaavaa. w22.06 4 § 10-11

Kisimiit­tuullutit Nalunaajaasuun­ngitsumil­luunniit ueqarlutit meeqqannik perorsaaguit ilimagisinnaavat aalajaallutit maligas­siuinerit allanut nakussatsis­sutaassasoq kajumis­saataas­sasorlu. Taavami meeqqat ilungersorlutit iliuuserisannut qisuariarpasin­ngippat? Eqqaamajuk meeqqamik ilinniar­titsineq sivisusarmat. Inerittussanik ikkussuiguit immaqa eqqarsaatigivat naasoq inerititaqarsin­naanersoq. Inerititaqarnissaa aqussin­naanngik­kaluarlugu naajartor­niassammat imerter­tuarpat. (Mak 4:26-29) Taamatuttaaq anaanatut meeqqavit uummataat iluatsittumik killissimanerlugu eqqarsaatigisinnaavat. Qanoq kinguneqarnissaa aqussin­naanngilat. Sapinngisannilli ilinniar­tittuarukkit anersaakkut ineriar­tornissaannik periarfis­silluas­savatit. w22.04 20 § 16-17

Saalumuut Jehovamut aalajaatsilluni imminut oqimaaqatigiissumik isiginnit­taaseqarfigivoq. Inuusut­tuulluni anneruniajuilluni pisinnaasami killeqarnerat nassuerutigaa Jehovamillu siulersor­tittarluni. (Kng 1. 3:7-9) Aamma makitanerup navianar­tuunera eqqumaffigaa. Ajoraluar­tumilli utoqqaligami Saalumuup siunnersuut tamanna maleruarun­naarpaa. Jehovap piumasaqaatai sumigin­nartalerpai makitasuun­ngorlunilu. Assersuutigalugu inatsisit ilaanni allassimavoq Israalikkut kunngiat ‘amerlasuunik nuliaqalis­sanngitsoq tamatumuuna tammartin­neqaqqunani’. (Mos 5. 17:17) Saalumuut inatsit tamanna sumigin­narlugu 700-nik nuliaqalerpoq 300-nillu panerfaqalerluni! (Kng 1. 11:1-3) Saalumuut immaqa navianar­torsiorsorinngilaq. Jehovamulli kiffartorun­naarami piffissap ingerlanerani kingunerlutsitsivoq. – Kng 1. 11:9-13. w22.05 23 § 12

Nalitsinni inuit pingaarutilimmik aalajangigas­saqarput. Jehova Guuti qilammi nunarsuarmilu Naalakkersuisutuaasutut imaluunniit akeraa ajortoq, Saatani Diaavulu, tapersersorusuppaat? Toqqagassat marluin­naapput. Toqqagaat naassaan­ngitsumik inuuneqaler­nissaannut nungutitaanis­saannul­luunniit aalajangiisuussaaq. (Mat 25:31-33, 46) ‘Annikil­liornar­torsuarmi’ aniguisussatut suujunnaarsitaasus­satulluunniit nalunaaqutser­neqassapput. (Saqq 7:14; 14:9-11; Ez 9:4, 6) Jehovap naalakkersuinera tapersersor­niarlugu aalajangersimaguit taava silatusaarlutit toqqaasimavutit. Maanna allat eqqortumik aalajangeeq­qullugit ikiorusungaarpatit. Jehovap naalakkersuineranik ilumoorfigin­nillutik tapersersuisut ajunngisaarfigineqarumaarput. Ilumoortut taama pingaaruteqar­tigisut misissoq­qissaar­tariaqarpagut. Taamaaliorutta Jehovamut kiffartor­tuarnissarput aalajangiusimanerulis­savarput. Tamatuma saniatigut allat eqqortumik aalajangeeq­qullugit aalajaat­tuaqqul­lugillu ikiornis­saannut ilikkakkagut atorsin­naavagut. w22.05 15 § 1-2

Akeqqagut tusarnaarnagit Jehova tusarnaar­tariaqarparput. Jehovap oqaluummani Juubi tusarnaaq­qissaarpoq. Guutip Juubi eqqarsalersin­niaramiuk ima oqarfigimisaarpaa: ‘Nalaatatit tamaasa eqqumaf­figaakka. Soorunami isumassorsin­naavakkit!’ Jehovap ajunngisaarfigimmani Juubi maniguulluni qujamasungaalerpoq. Ima oqarpoq: “Siornatigut allat pillutit oqaaserisaat tusallatsiaan­narsimavakka, maannali nammineq isinnik takuakkit.” (Job 42:5) Juubi taama oqarami suli arsakuni issiagunarpoq timaalu ikinik ulikkaarluni. Jehovalli asanerarlugulu iluarinerarpaa. (Job 42:7, 8) Uaguttaaq allanit nikassar­neqarsin­naasarlutalu naleqan­ngitsutut pineqarsin­naasarpugut. Inuttut peqatigiif­fittulluunniit ajortumik tusaamaneqalersin­niarneqar­tarpugut. Juubi pillugu oqaluttuamit paasivarput Jehovap qularineq ajoraa misilin­neqarnitsinni ilumoorfigis­sagitsinni. w22.06 24 § 15-16

Babylon­nersuup suujunnaarsin­neqarnera qilammi nuannaarluni suaartaatigineqar­tussaagaluartoq alla suli nuannaarutigineqar­nerussaaq. (Saqq 19:1-3) Saqqummersitani pisoq pingaaruteqarluinnartoq – ‘Savaaqqap katinnera’. Harmagedonnimi sorsunneq sioqqutitsiarlugu 144.000-t tamarmik qilammiissapput. Piffissamili tamatumani Savaaraq katissanngilaq. (Saqq 21:1, 2) Harmagedonnimi sorsunnerup Guutimullu akeraasut tamarmik nungutin­neqarnerisa kingorna Savaaraq katissaaq. (Tuss 45:4, 5, 14-18) Savaaraq katippat qanoq pisoqassava? Katinnermi angutip arnallu ataqatigiiler­tarnerattut assersuutaasumik katinnermi tamatumani Kunngi, Jiisusi Kristusi, ‘nuliassanilu’, 144.000-t, ataasioqatigiilissapput. Pisumi pingaaruteqarluin­nartumi tamatumani naalakkersuisut nutaat ukiuni 1.000-ni nunarsuarmut naalakkersuisussat ivertin­neqassapput. – Saqq 20:6. w22.05 17 § 11-13

Jiisusip siulittuutigaa naggatissap nalaani “inussiaq aalajaallunilu silatooq” anersaakkut nerisassanik tunnius­sisartussaq toqqassallugu. (Mat 24:45) Taamaaliorporlumi. Nakkutil­liisutta angutit tanitat amerlan­ngitsut atorlugit Guutip innuttai soqutigin­nittullu anersaakkut “nerisassanik piffissaq eqqorlugu” tunisarpai. Angutit taakku allat uppernerannut naalakkatut imminut isiginngillat. (Kor 2. 1:24) Nalunngilaalli Jiisusi Kristusi tassaasoq innuttaminut ‘naalagaanerullunilu naalagaq’. (Es 55:4) 1919-imiilli inussiap aalajaatsup Biibililersaarutit assigiin­ngitsorpassuit piareersarsimammagit soqutigin­nilerlaat anersaakkut nerisassat inuussutis­saqarluartut siullermeerlutik ussersimavaat. 1921-mi inussiap soqutiginnittut Biibilimi ilinniar­titsissutigineqartunik tunngaviusunik paasinneq­qullugit atuagaq Guds Harpe piareersarpaa. Pissutsit allanngormata Biibililersaarutit allat saqqummersin­neqarput. Biibililersaarut sorleq iluaqutigalugu Ataatarput qilammiusoq ilisarisimalerlugulu asalerpiuk? w22.07 10 § 9-10

Jehova tukkortuunerpaavoq. Tunissutigisin­naasatsinnit Jehova tunissuteqar­nerungaartarpoq. (Mak 10:29, 30) Allaat inuit ajortut akornan­niitilluta inuunermik soqutiginartumik, pilluar­nartumik nalerisimaar­nartumillu tunisimavaatigut. Tamannalu tunissutit ilaannaraat. Imermut morsutsin­neqaruit Ataatat asasat kiffartorfigiuarsin­naalissavat. Piffissap ingerlanerani Jehovalu asaqatigiin­nerulissaasi. Jehovallu naassaan­ngitsuuneratut illit naassaan­ngitsumik inuussaatit. Tunniul­luinnaruit imermullu morsutsin­neqaruit naleqangaartumik Ataatat tunissuteqarfigissavat. Nuannarisatit tamarmik Jehovamit tunissutaapput. Qujamasuutigin­ninnerillu ersersik­kumallugu soorunami illit aamma Jehovamut tunissuteqarusupputit. Jehovap suut tamaasa pigai. Taamaak­kaluartoq piginngisaanik tunissuteqarfigisinnaavat, tassa uummatit tamakkerlugu kiffartorninnik. (Job 1:8; Uss 27:11; Rom 11:35, 36) Tamatumanngalu pitsaanerusumik inooriaaseqanngilaq. w23.03 6 § 16-17

Inuusut­tuaraanermi atoqateqarusussuseq sakkortusinnaavoq, atoqatigiin­nikkullu eqqunngitsulior­nissamut tatineqarsin­naavutit. Saatanip pileris­sutsinnut nakkaan­narnissat kissaatigaa. Ussernartut qanoq akiorsin­naavigit? (Tes 1. 4:3, 4) Jehovamut qinugaangavit misigis­sutsinnik oqaluttuuttaruk. Qanorpiaq misigininnik oqaluttuuttaruk, nakussatseq­qullutillu qinnuigisaruk. (Mat 6:13) Eqqaamajuk Jehovap pillarusunnak ikiorusummatit. (Tuss 103:13, 14) Ajornar­torsiutitit kisimiillutit aaqqinniarsaris­sanngilatit. Akiukkatit pillugit angajoqqaatit oqaloqatigisakkit. Tamakku pillugit oqaloqateqarneq sapernarsinnaavoq, taamaalior­nissarli pingaaruteqarpoq. Biibili atuartarukku najoqqutassiallu eqqarsaatigeq­qissaar­tarukkit Jehovap iluarisaatut aalajangiisarnissat ajornan­nginnerutilissavat. Jehovap eqqarsartaasia paasinerujar­torakku maluginiassavat sunut tamanut tunngatillugu inatsisit pisariaqar­tinnagit. w22.08 5 § 10-12

Kristumiup ilaqutariinni ittuusup ilaquttami pigisatigut pilersor­nissaannik akisussaaffini pimooruttarpaa. Ilaqutariinni ittuuguit immaqa nerisas­sarsiniar­nissamut ineqarnermul­luunniit akiliutissanut akiitsunul­luunniit akissaqar­nerlutit ernumas­sutigaat. Immaqa aamma suliffeerukkuit suliffit­taarsin­naanerlutit ernumas­sutigaat. Imaassinnaavoq aningaasarsiakin­nerulernissat merserigit. Saatanip annilaanganerit taamaattut atorluartarpai. Saatanip isumaqalersin­niartarpaatigut Jehovap isumassun­ngikkaatigut ilaquttatsinnillu pilersuinitsinni ikiorusun­ngikkaatigut. Tamannalu pissutigalugu isumaqalersin­naavugut suliffipput annaajumanagu qanorluunniit, allaat Biibilimi najoqqutassianut akerliusunik, iliortariaqarluta. w22.06 15 § 5-6

Nalunngilarput Jehova Guutiusoq “nallittuisoq saammaasorlu, kamajaatsoq ilumoornermik sallusuis­summillu peqangaartoq”. (Mos 2. 34:6) Jehovap naapertuil­luarneq nuannaraa. (Es 61:8) Naalliunnerput anniaatigisarpaa, aamma piffissarititani nalliuppat naalliunnerit tamaasa atuukkun­naarsin­nissaannut piareersimavoq, aap, qilanaarpoq! (Jer 29:11) Uaguttaaq qilanaaqaagut. Tamannarpiarlu pissutigalugu Jehova asangaarparput! Suna alla pissutigalugu ilumoortoq nuannaringaarparput? Iluaqutigeqigatsigu. Assersuutigalugu siunissaq pillugu neriuuterput Biibilimi ilumoortut ilagaat. Soorlu kisaq umiatsiamik nikitsaaliuisitsisartoq, taamatuttaaq neriuuterput Biibilimik tunngavilik misilin­neqarnitsinni aalajaas­sutigisin­naavarput. Ullormut allassimaffimmi apustilip Paulusip kristumiut tanitat qilaliar­nissamik neriuutaat eqqartorpaa. Oqaasiili aamma kristumiunut nunarsuarmi paratiisiusumi naassaan­ngitsumik inuunissamik qilanaarisaqartunut atuupput. (Joh 3:16) Inuunermik naassaan­ngitsumik neriuut paasigatsigu inuunerput siunertaqalerpoq. w22.08 14-15 § 3-5

Asanninneq tatigin­ninnermut tunngaviuvoq. Korintimiunut allakkat siulliit kapitali 13-imi asanninnerup immikkoortui arlallit allanik tatigin­ninneruler­nissamut tatigin­neqqiler­nissamul­luunniit iluaqutigisin­naasagut allaatigineqarput. (Kor 1. 13:4-8) Assersuutigalugu versi 4-mi allassimavoq: “Asanninneq naammagit­tartuuvoq inussiar­nersuullunilu.” Jehovap allaat ajortuliorfigigaangatsinni naammagit­tarfigisarpaatigut. Taamaattumik uaguttaaq qatanngutigut uumitsaatigisatsinnik ajuallaatigisatsin­nilluunniit oqaaseqarlutil­luunniit iliuuseqartut naammagit­tarfigisin­naavagut. Versi 5-imi nangippoq: ‘[Asanninneq] qinngaritsaassineq ajorpoq. Ajuallatsin­neqarnernik naatsorsuusiorneq ajorpoq.’ Qatanngutitta uagutsinnik narrutsatsitsineri eqqaamajuarusun­ngilagut. Oqaluus­sisartup oqaasii 7:9-mi allassimavoq: “Kamaammer­naveersaar­tarniarit.” Jehovatut qatanngutitsinnut isiginnit­taaseqarniarit. Guutip taakku asagamigit ajortuliaat allattorneq ajorpai. Uaguttaaq taamaalius­sanngilagut. (Tuss 130:3) Kukkuneri isiginiarnagit pissusii nuannersut isiginiar­nerusakkit. – Mat 7:1-5. w22.09 4 § 6-7

Naggatissap nalaani pisussat pissanganartut tulleriiaarnerat Danielimik allakkani qulaarneqarpoq. Assersuutigalugu Danieli 12:1-imi allassimavoq Mikaali, tassa Jiisusi Kristusi, Guutip innuttaanik “illersuisoq”. Siulittuutip immikkoortua taanna 1914-imi Jiisusi Guutip kunngeqarfiani qilammiittumi kunngin­ngortin­neqarmat eqquukkiar­tulerpoq. Danielili aamma paasitin­neqarpoq ‘ulluni annikil­liornartuni inuiaqaleq­qaarneranit ullut makku tikillugit nalisineqan­ngitsuni’ Jiisusi ‘saqqummerumaartoq’. ‘Ullut annikil­liornartut’ Matiusi 24:21-mi ‘annikil­liornar­toqangaarnertut’ eqqaaneqarput. Ullut annikil­liornartut taakkua naaneranni, tassa Harmagedonnimi, Jiisusi saqqummerumaarpoq, imaluunniit Guutip innuttaanik illersuiumaarpoq. Saqqummersitani inuit taakku ‘inupparpas­suartut annikil­liornar­torsuarmit aniguisutut’ allaatigineqarput. – Saqq 7:9, 14. w22.09 21 § 4-5

Atit maannakkut inuunerup mappersagaani allassimasut piiarneqarsin­naapput, imaluunniit nunguter­neqarsin­naapput, soorlulusooq Jehovap atit aqerluusamik allaqqaartarai. (Saqq 3:5, q.a.i.) Atitta “pilikkimik” nunguter­neqarsin­naanngitsumik allanneqar­nissaata tungaanut mappersak­kamiigin­narnissaat qulakkeer­tariaqarparput. Inuunerup mappersagaani allassimasut eqimattat ilaat tassaapput qilammi Jiisusimik naalakkersueqateqar­tussatut toqqakkat. Apustilip Paulusip suleqatiminut Filippimiittunut oqaasii naapertorlugit tanitat, Jiisusip kunngioqatiginissaanut qaaqqusaasut, atii maannakkut inuunerup mappersagaani allassimapput. (Flp 4:3) Atitilli mappersak­kamiigin­naqqullugit aalajaat­tuartariaqarput. Taava toqunngin­nerminni imaluunniit annikil­liornar­tussarsuup nalliutin­nginnerani inaarutaasumik naqissuser­neqareerunik atii mappersakkami atajuar­tussamik allanneqassapput. – Saqq 7:3. w22.09 14 § 3; 15 § 5-6

Immaqa misigisaq una ilisarnassaaq: Nerisassanik mamarinerpaasannik sassaal­liiffigineqarputit. Tuaviorpal­laarnermilli eqqarsaatik­kulluunniit allanut saaqqajaagavit sukkasuumik neripal­lapputit. Aatsaat nungukkakkit paasilerpat sukkaval­laartumik nerisimallutit. Mamarsan­ngitsoorsimavutit. Biibilimik atuarnermut tunngatillugu assingusumik misigisaqar­nikuuit? Ilaannikkut tuaviorpal­laarluta atuarnitsinni Biibilip oqariartuutaa nuannaarutigin­ngitsoor­tarparput. Biibilimik atuarnerpit nuannaarutiginissaa piffissaqarfigil­luartaruk. Pisut nipaallu takorloortakkit, atuakkatillu eqqarsaatigisakkit. Taamaalioraangavit nuannaar­neruler­tarputit. Jiisusip “inussiaq aalajaallunilu silatooq” nerisassanik piffissaq eqqorlugu tunnius­sisartussatut toqqarsimammagu anersaakkut inuussutis­saqarluarpugut. (Mat 24:45) Inussiap aalajaatsup pilersitaani tamani Allakkat Illernartut isumassarsiarititaasut pingaar­nerpaapput. – Tes 1. 2:13. w22.10 7-8 § 6-8

Biibilimi mianersoq­qussutigineqarpoq ulluni kingullerni illaruaatigin­nittorpas­suaqassasoq. (Pet 2. 3:3, 4) “Guutiitsutut pileris­susipilutik malillugit” inoorusukkamik illaruaatigin­nittarput. (Juud 7, 17, 18) Mitaatil­liisunngun­nginnissarput qanoq mianersuutigisin­naavarput? Ilaatigut isornar­torsiueq­qajaasut ilaginaveersaar­nerisigut. (Tuss 1:1) Tunussisut tusarnaar­nagillu allataat atuarneq ajorpagut. Mianersun­ngikkutta naammagit­taallioq­qajaasin­naavugut Jehovallu periaasii peqatigiis­sortaasalu ilitsersuutaat qularilerlugit. Taamaattumik imminut aperissaagut: ‘Nutaanik ilitsersor­neqaraangatta nassuiaatinil­luunniit allannguisoqaraangat naammagit­taallior­tarpunga? Siulersuisut kukkunersior­niartarpakka?’ Aaqqiiniapal­lakkutta Jehovap iluaris­savaatigut. – Uss 3:34, 35. w22.10 20 § 9-10

Inunnut ‘manngertunik qaaqartunut mannger­tunillu uummateqartunut’ oqaluus­sinissamut Guutip anersaavata Ezekieli nakussatsippaa. Jehovap Ezekieli oqarfigaa: “Illit kiinnat taakkua kiinaattut illillu qaat taakkua qaavisut mannger­tigilersippakka. Qaat diamantitut mannger­tigilersippara ammaamit mannger­nerulersillugu. Ersigeqinagit, kiinaallu annilaarutigeqinagit.” (Ez 3:8, 9) Soorlulusooq Jehovap Ezekieli oqarfigigaa: ‘Inuit uteriissusiat pissutigalugu nikalloqinak. Uanga nakussatsis­savakkit.’ Tamatuma kingorna Ezekieli oqaluus­siffissaminut Guutip anersaavanit aallarus­saalluni takorluuisitaavoq. Ezekieli allappoq Jehovap ‘pissaanerata tikikkaani’. Ezekielip tusarlius­sassani paasilluarumallugu sapaatip-akunnera atorpaa. (Ez 3:14, 15, Testamentitoqaq) Taava Jehovap qooqqumukaq­qummani ‘anersaamit pulaneqarpoq’. (Ez 3:23, 24) Ezekieli oqaluus­sinissaminut piareerpoq. w22.11 4-5 § 8-9

Pruffiiti Habakkuki annikil­liungaarpoq. Allaat Jehovamit soqutigineqarnini qularileraluarsimavaa. Taamaattumik Jehovamut qinunikkut misigis­sutsini tamaasa annippai. Kiffami ilumoorfiginnittup qamannga pisumik qinnutaa Jehovap akivaa. (Hab 2:2, 3) Habakkukip Jehovap innuttani qanoq annaattarai eqqarsaatigeq­qissaareerlugu nuannaaleqqippoq. Qularutigiun­naarpaa Jehovap soqutigigaani misilin­neqarninilu tamani pinertusaaq­qulluni ikiorumaaraani. (Hab 3:17-19, Testamentitoqaq) Qanoq ilinniarfigisin­naavarput? Annikil­lioraangavit Jehovamut qinunikkut qanoq misigininnik oqaluttuuttaruk. Jehovalu annertoq­qutigisaruk. Taamaalioruit qularutigin­ngissinnaavat Jehovap pinertusaarsin­naaqqullutit nakussatsik­kumaaraatit. Annertoq­qusersor­neqarnerit misigigukku uppernikkut nakussatsissaatit. Jehovamut qanittuarumallutit iliuuseqar­tuaruit ajornar­torsiutit qularnerul­luunniit Jehovamit avissaar­tissinnaan­ngilaatit. – Tim 1. 6:6-8. w22.11 15 § 6-7

Jiisusi pinerluttullu marluk saniminiittut toqungajalerlutik anniarput. (Luk 23:32, 33) Pinerluttut taakku marluullutik Jiisusimik mitaatiginnipput. (Mat 27:44; Mak 15:32) Aappaatali isummani allanngortippaa. Ima oqarpoq: “Jiisusi, Kunngeqarfinnut piguit eqqaaginga.” Jiisusillu ullormut allassimaffimmi allassimasutut oqarfigaa. (Luk 23:39-43) Jiisusip pinerluttumut oqaasii paratiisimi inuunissap qanoq ikkumaarnerata eqqarsaatiginissaanut kajumis­sissutigis­savagut. Aamma kunngip Saalumuup naalakkersuinerani pissutsit toqqissisimanartut misissor­nerisigut paratiisissaq pillugu ilikkagaqarsin­naavugut. Biibilimi allassimavoq Jiisusi Saalumuumit annerusoq. Taassuma naalakkersueqatigisaasalu nunarsuarmi pissutsit nuanningaar­tunngor­tissavaat. (Mat 12:42) Erseqqippoq ‘savat allat’ paratiisimi naassaan­ngitsumik inuunissamut qanoq piukkunarsarsin­naanerlutik soqutigisariaqaraat. – Joh 10:16. w22.12 8 § 1; 9 § 4

Ikioqqulluta qinnuigigutsinni Jehovap tusarnaaq­qissaarlutalu qisuariapal­lannissaa Esajap neriorsuutigaa. Esaja ima nangippoq: “Qinnutisi tusarniariarunigit akissavaasi.” Oqaatsit tuppallernartut taakku Ataatatta imminut ikioqqusunik ikiuerusungaar­neranik eqqaasin­neqaatigaagut. Tamanna nalunngin­natsigu nuannaarluta pinertusaar­nissatsinnut iluaqutaavoq. Jehovap tamatta immikkut qinnutigut tusarnaaq­qissaartarai. Sooq taama oqarsin­naavugut? Esajap allagaani kapitali 30-p aallartin­neraniit Jehovap innuttani eqimattatut oqaaseqarfigimmagit qasseersiut atorneqartarpoq. Hebræerisulli versi 19-imi ataasersiut “illit” atorneqarpoq, tassa soorlulusooq inuttut ataasiakkaatut nalunaarfigineqartut. Nutsiin­navillugu Esaja allappoq: ‘Qiaqinak’, ‘saammaatis­savaatit’, ‘akissavaatit’. Jehovap Ataataasup asannittup inuttut ataasiakkaatut pingaar­tilluta tamatta immikkut qinnutigut soqutigalugit tusarnaartarpai. – Tuss 116:1; Es 57:15. w22.11 9 § 5-6

Akerlilersor­neqaraluarluta oqaluus­sillutalu ilinniar­titsisarutta nuannaarsin­naavugut eqqissisimallutalu. Kristumiut siulliit nalaanni apustilit oqartus­saasunit juutiusunit oqaluus­sisarun­naaqquneqaramik aalajangerput Guuti naalanniarlugu. Aalajaallutik oqaluus­siuarput, tamannalu nuannaarutigaat. (ApS 5:27-29, 41, 42) Suliarput killilersor­neqalerpat soorunami mianersorluta oqaluus­sisassaagut. Sapinngisatsinnillu iliorutta Jehovamit iluarisaagatta tusarliussarlu inuunermik annaassis­sutaasoq oqaluus­sissutigigatsigu qamuuna eqqissisimassaagut. Ajornar­torsior­nerpaaf­fimmiluunniit eqqissisimasin­naasugut qularis­sanngilat. Piffissani artornartuni eqqaamas­savarput eqqissineq Jehovap kisimi tunnius­sinnaasaa pisariaqar­tikkipput. Nappaalanersuaqar­tillugu, ajunaar­nersuaqar­tillugu malersugaanermilu Jehova tatigiuaruk. Peqatigiis­sortaanut qanimut attaveqartuarit. Siunissaq nuannerunangaartoq neriuutigisat takorloortaruk. Taamaaliorninni ‘Guutip eqqissisitsisup najussavaatit’. – Flp 4:9. w22.12 21 § 17-18

Taamaalius­sagutta sulissuteqangaatsiar­tariaqarpugut. Sulissutigisassatta ilagaat pissuserineqar­tussaangitsut, soorlu narrutsas­simanerit, kamannerit kamarujus­suarnerillu, peernissaat. (Ef 4:31, 32) Tamanna sooq unamminiar­narsinnaava? Pissusilersor­nerimmi ajortut taakku allanngor­tinnissaat ajornakusoorsin­naammat. Biibilimi allaatigineqarpoq inuit ilaat ‘kamajasuul­lutillu puffajasuusut’. (Uss 29:22) Ilimanarpoq inuup taamaattup allaat imermut morsutsitaanermi kingorna allannguiniar­nissani sulissutigiuar­tariaqaraa. (Rom 7:21-23) Pissusererusun­ngisavit akiornis­saannut ikioqqullutit Jehovamut qinusarit tatigalugulu tusassagaatit ikiorlutillu. (Joh 1. 5:14, 15) Pissusererusunngisat Jehovap tupinnar­tuliornikkut peernavianngilaa, pissuserin­nginnis­saanulli nakussatsis­sinnaavaatit. (Pet 1. 5:10) Kinaassusitoqqap pissusereq­qilernissaanik iliuuseqarnak qinnutitit naapertorlugit iliuuseqartarit. Aamma kissaatipiluit eqqarsaatigiuar­naveersaakkit. – Flp 4:8; Kol 3:2. w23.01 10 § 7, 9-10

Asanninnerput ilaatigut ersersit­tarparput aallussil­luarluta kikkunnut tamanut oqaluus­seqataasarnikkut. Naapitarput sumiuunera naggueqatigiinnillu suminngaan­neernera apeqqutaatinnagit oqaloqatigerusut­tarparput. Aamma naapitagut tamaasa – pisuut, ilinniagaqarsimasut, pissakil­liortut ilinniagaqarsiman­ngitsullu – oqaloqatiginiar­tarpagut. Taamaalilluta Jehovap piumasaatut iliortarpugut, “piumasaraami inuit tamalaat annaanneqarlutillu ilumoortoq pillugu eqqoqqis­saartumik paasisimasaqalissasut”. (Tim 1. 2:4) Aamma qatanngutitta asanerisigut ersersit­tarparput Guuti Kristusilu asallugit. Qatanngutigut soqutigalugillu misilin­neqarneranni ikiortarpagut. Asasamik annaasaqartut tuppallersar­tarpagut, napparsimasut pulaartarpagut nikallungasullu sapinngisarput tamaat qiimmas­sarniar­tarlugit. (Kor 2. 1:3-7; Tes 1. 5:11, 14) ‘Naapertuil­luartup qamannga pisumik qinnutaa sunniuteqangaartartoq’ nalunngin­natsigu qinnuttuarpagut. – Jaak 5:16. w23.01 28-29 § 7-8

Sanasup piffissap ingerlanerani pikkoris­siartor­tarneratut uaguttaaq ineriar­torteqatigiinnermut tunngatillugu pikkorin­nerulersin­naavugut. Itsaq pinertusaartut eqqartor­tarnerisigut allat misilin­neqarnermi pinertusaaq­qullugit ikiorsin­naavagut. (Hebr 11:32-35; 12:1) Uppeqatitta pissusiisa nuannersut eqqaanerisigut, eqqissinermut akornutaasin­naasumik iliuuseqan­nginnikkut isumaqatigiin­ngissutillu aaqqinnerisigut eqqisseqatigiin­nerulersitsisin­naavugut. (Ef 4:3) Biibilimi ilumoortut pingaarutillit eqqartor­tarnerisigut, ikiuisarnikkut anersaakkullu sanngiil­lisimasunik tapersersuinikkut qatanngutitta uppernerat ineriar­tortittuarsin­naavarput. Ilagiinni anersaakkut sanaartoqataanitsigut nuannaarlutalu nalerisimaarsin­naavugut. Illut aserfal­lattarput, suliattali inerneri atajuassapput! w22.08 22 § 6; 25 § 17-18

Guutip oqaasiani atuakkagut paasiumallugit pingaarutilimmik piginnaas­suseqar­tariaqarpugut – tassa naliliisin­naassuseq. (Hebr 5:14, q.a.i.) Sunaana pigaa? Inuup naliliisin­naassusillip paasissutissat assigiin­ngitsut immikkoor­tissinnaal­lugillu qanoq ataqatigiinnersut ingerlaannarlu paasineqarsin­naanngitsut paasisin­naasarpai. Jiisusi oqarpoq pisut suut Biibilimi siulittuutinik eqquutitsinersut paasinias­sagutsigu naliliisin­naassuseq pisariaqar­tikkipput. Biibilimilu atuakkagut tamaasa pissarsiaqarfigil­luarumallugit piginnaassuseq tamanna pisariaqar­tipparput. Jehovap kiffani naliliisin­naassuseqar­tittarpai. Taamaattumik piginnaaneq taanna ineriar­torteqqullugu ikioqqullutit qinnuigisaruk. Qanoq qinnutinnut naapertuuttumik iliuuseqarsinnaavit? Atuakkatit paasiniaq­qissaartakkit ilisimariik­kannullu qanoq attuumas­suteqarnersut maluginiar­tarlugu. Biibilimi allassimaffiit qanorpiaq isumaqarnersut inuuninnilu qanoq maleruarsin­naaneritit paasiniartaruk. (Hebr 5:14) Taamatut atuaqqis­saartaruit Allakkat Illernartut paasilluar­nerulis­savatit. w23.02 10 § 7-8

Takorlooriaruk ikinngutivit qalipakkamik pisoqqamik nalissaqan­ngilluin­nartumik kusanangaar­tumillu tunigaatit. Simerneqalaarlunilu qalipan­neratigut qupinneqalaarpoq. Ajoquteqaraluartoq koruuninik millionilinnik naliler­neqarpoq. Soorunami eqqumiitsuliaq taanna qujamasuutigalugulu paarilluassavat. Taamatuttaaq Jehovap nalissaqan­ngilluin­nartumik tunisimavaatigut, tassa inuuneq. Jehovap inuunerput pingaar­tingaaramiuk ernini utertitsis­sutitut pilliutigisimavaa. (Joh 3:16) Jehova tassaavoq ‘inuunerup puilaffia’. (Tuss 36:10) Apustilip Paulusip tamanna upperaa imalu oqarluni: ‘Taanna pissutigalugu inuullutalu aalallutalu maaniippugut.’ (ApS 17:25, 28) Taamaattumik oqarsin­naavugut inuunerput tunissutaasoq Guutimeersoq. Asannilluni inuuinnarsin­naaqqulluta pisariaqar­titatsinnik tunisarpaatigut. (ApS 14:15-17) Imaanngilarli Jehovap tupinnar­tuliortar­nermigut inuuinnar­tittaraatigut. Tassa piumasaraa timikkut anersaakkullu peqqissuunissarput sapinngisatsinnik isumagis­sagipput. – Kor 2. 7:1. w23.02 20 § 1-2

Jehovap Biibili uagutsinnut tunniummagu qujamasungaarpugut! Ajornar­torsior­nitsinni iluaqutigisin­naasatsinnik Jehovap Biibili aqqutigalugu siunnersorluar­tarpaatigut. Aamma siunissaq pillugu nuannersumik neriuutis­sippaatigut. Pingaar­nerusumillu kinaanerminik paasitip­paatigut. Pissusii nuannersut eqqarsaatigigaangatsigit killitsis­sutigalugit Guuterput qanimut ikinngutigerusun­neruler­tarparput. (Jaak 4:8) Jehovap kissaatigaa inuit ilisarisimas­sagaanni. Itsaq takorruuisitsinikkut sinnattor­titsinikkut allaallu inngilinik oqariar­tortitsinikkut imminut ilisaritis­simavoq. (Mos 4. 12:6; ApS 10:3, 4) Takorruukkat, sinnattukkat inngilinillu tusarliussat taakku qanoq nalitsinni iluaqutigisin­naavagut? Jehovap uagutsinnut paasitik­kusutami allanneqar­nissaat isumagaa. ‘Guutip aqqutaa isornaal­luinnarmat’ qularin­ngissin­naavarput uagutsinnut paasititseriaasia pitsaal­luinnarlunilu iluaqutaangaartoq. – Tuss 18:31. w23.02 2 § 1-2

Iluaqutaasunik anguniagaqarit. Kristumiutut nakussatsin­nartunik anguniagaqarit. (Ef 3:16) Assersuutigalugu nammineq atuaqqis­saartarnerit Biibilimillu atuartarnerit pitsaanerulersin­niarsin­naavatit. (Tuss 1:2, 3) Aamma qinusarnerit akulikin­nerulersillugulu pitsanngorsar­niarsinnaavat. Imaluunniit aliikkutassanut piffissanillu atuinermut tunngatillugu imminut aqulluar­neruler­niarsin­naavutit. (Ef 5:15, 16) Allat ikiornerisigut kristumiutut ineriar­torsinnaavutit. Assersuutigalugu utoqqaat napparsimasullu ilagiin­niittut ikiornissaat anguniagarisinnaavat. Immaqa pisinius­sinnaal­lugilluunniit atortoris­saarutinik elektroniskiusunik ikiorsin­naavatit. Aamma Guutip kunngeqarfia pillugu oqaluus­sinikkut ilagiit avataan­niittut asannit­tuliorfigisarpatit. (Mat 9:36, 37) Ajornan­ngippat piffissaq tamaat kiffartornermut tunngasunik anguniagaqarit. w22.08 6 § 16-17