Iliuuseqarsinnaavit?
1 ’Sulerillunga?’ immaqa aperissaatit. Ussatit 3:27 akissutissaqarpoq: „Ajorsartut ajunngitsuliorfigikkit, sapinngikkuit ikiuiumanngitsooqinak!“ Kiffartuussinerpit allisinnissaanut ’sapinngilatit’ ikiorti-pionerinngorlutillu pioneri nalinginnaasunngorlutilluunniit? Taamaaliorsinnaavit?
2 ’Atuagaq ukiumoortoq’-imi 1993-imeersumi atuarlugu pionerit nalinginnaasut ikiorti-pionerillu silarsuarmi tamarmi agguaqatigiissillugit 605.610-usimasut nuannaajallannartorujussuuvoq, imaappoq ilagiinni oqaluussisartut arfineq-marluuppata pioneri ataasiuvoq. Danmarkimiittuut sanilliutissagutigit pionerit nalinginnaasut ikiorti-pionerillu agguaqatigiissillugu 1315-iusimapput, imaluunniit ilagiinni oqaluussisarut aqqaneq-marluuppata pioneriataasiuvoq. Silarsuup ilarujussuani qatanngutitta atugarliornerat, aningaasat politikkillu tungaatigut, eqqarsaatigalugu ileqqussamisuussaaq aperissalluni: Periarfissavut atugarisavullu qatanngutitta allaniittut atugarisaannit ajorneroqigamik?
3 Ikiorti-pioneritut kiffartuussinerup allanut ajunngutsuliornissaq periarsiffippaa. Oktobarimi apriilimilu immikkut ittumik suliniarnerni amerlasuut ikiorti-pioneriusarsimapput. Kaammattuutaalluarsimapput. Immaqali amerlanerit ilaasinnaapput, immaqalu ilaasa aalajangersimasumik ikiorti-pioneriusinnaaneq nalinginnaasumilluunniit pioneriusinnaaneq eqqarsaatigisinnaavaat.
4 ’Iliuuseqarsinnaanersutit’ akitinnagu, uummatinnit kissaatiginerlugu paaseqqaartariaqarpat. (Mat. 22:37-39) Jeremia 17:9-mi allassimavoq: „Uummat tamanit annerusumik tatigisassaanngitsuuvoq. Katsorsagassaanngilaq. Kiammi inuup uummammiugisai ilisimasinnaavai?“ Oqaatsit taakkua takutippaat pissutigisavut kissaativullu qulaajaraangatsigit immitsinnut ilumoorfigisariaqartugut. apustilit suliait 20:35-mi allassimavoq: ’Tunisineq tigusinermit pilluarnarneruvoq.’ Anersaakkut ikiuiumatuut, qularnanngitsumik ajunngitsumik kissaateqarput. Taamatullu kissaateqarnissaq pingaaruteqarpoq oqalussisartutut pioneritulluunnit pikkorissuussagaanni.
5 Aappassaanik maannakkut pissutsit atukkatit eqqarsaatigisariaqarpatit. Piffissat tamaat atorlugu oqaluussisartunngorniarlutit ulluinnarni inuunerit allanngortissinnaaviuk? Pioneriusinnaanissannut akornutaasinnaasut allattorlugit misileriaruk. Immaqa ilimagisannit akornutaasut ikinnerusut anguniarnissaalu ajornanngitsoq paasissavat. Qanorluunniit kinguneqaraluarpat periarfissarisinnaasavit misissoqqissaarnissaannut iluaqutigissavatit.
6 Soorunami tamatta pioneriusinnaangilagut, periarfissarsisinnaanataluunniit. Ukiulli tamaasa tuusintilikkuutaat, qinoriarlutik periarfissaminnik eqqarsaatiginneqqissaariarlutik, ’iliuuseqarsinnaanertik’ paasisarpaat. (Kul. 4:5; w78 15/2, s.22) Ilaqutariit ilaasa qaamatit aalajangersimasut ilaqutariit ilaata ataatsip arlallilluunniit ikiorti-pioneriuffissaattut toqqartarpaat. Allat ilaqutariinni ataatsip pioneri nalinginnaasuunissaanut ikioqatigiittarput. Periarfissaasinnaasut taakkua ilaquttavit eqqarsaatigeqqissarsimavaat? — Takuuk Ussatit 11:25.
7 Ilagiinni oqaluussisartutut pioneritulluunnit kiffartoraanni, allat sallusuissummik ilinniarnisssaannik ikiussallugit piviusumik nuannaarnarpoq. Nalunngilarput nuannaarneq piviusoq allanut ajunngitsuliornermit pisartoq, ingammik ’sapinngikkaanni’. (kmD 7/93 Kan du gøre noget?)