Maajimi oqaluussinermut tunngasumik ataatsimiinnerit
Sapaatip-akunnera 6. maajimiit
Erinarsuut nr. 153
10 min: Nalunaarutit. „Aasamut sunik pilersaaruteqarpit?“ sammineqassaaq. Apriilip qaammataani ilagiit ataatsimut kiffartuussineranni nalunaarut eqqaajuk, qatanngutillu eqqaasikkit suliap malinnissaata pingaaruteqassusianik. 16. maaji katersuutsitsinissat suut pilersaarutigineqarpat?
15 min: „Tamarmiusumik uummateqarit!“ Apeqqutit akissutillu. Piffissaq apeqqutaatillugu Vagttårnet-imi 1982 15. januaarimoortumi qupperneq 17-imi ungaluusamiittumit „Punkter som familien kan drøfte“-mit eqqarsaatit ilanngunneqarsinnaapput.
20 min: „Tullit sallusuissummik oqaloqatigiuk.“ Saqqummiusseriaatsit innersuussutigineqartut sammikkit. Nutaat kajumissaakkit saqqummiusseriaatsit naatsut atortarnissaannik taamaalillutik aamma atuagassianik agguaasseqataasinnaaqqullugit. Saqqummiusseriaatsit marluk takutikkit.
Erinarsuut nr. 148 naggataarutaasumillu qinnut.
Sapaatip-akunnera 13. maajimiit
Erinarsuut nr. 63
7 min: Nalunaarutit naatsorsuutinillu nalunaarutit. Eqqaasitsissutigiuk unnummut ilagiit tunissutinik nakkaatitsiviannut nakkartinneqartut Europap kangiani sulinermut tapersiissutitut nassiunneqassasut. Oqaluussisartut ilaat pulaaqqiinermi misigisanik oqaluttuartiguk.
18 min: „Aatsaat taama anersaakkut atugarissaartigaagut“. Apeqqutit akissutillu. Oqaluussisartut marluk pingasulluunniit, ilaatigut inuusuttuaraq, qanoq pilluaqqusaasimanerlutik misigisimasaat oqaluttuaritikkit. Naggataatigut erseqqissaruk pingaartitsinerunerup qanoq kiffartuussinermik illernartumit ilungersuussinerulersissagaativut.
20min: Ilanngussaq „Områdestævnet ’Sendebud med fred fra Gud’.“ Immikkoortoq 1-15-imut apeqqutit akissutillu sammineqassapput. Immikkoortoq 9, 10-12 aamma 14 atuakkit.
Erinarsuut nr. 193 naggataarutaasumillu qinnut.
Sapaatip-akunnera 20. maajimiit
Erinarsuut nr. 126
10 min: Nalunaarutit. 27. maajimut suliniutit immikkut ittut kiffartuussinissamut piareersaatigineqarsimasut eqqaakkit. Tamaasa kajumissaakkit atuagassianik agguaassinermut peqataanissaannik. Oqaluussisartoq oqaluttuartiguk qanoq ililluni atuagassianik pajuttagaqartalersimanersoq. Taava oqaluussisartoq alla oqaluussinermi misigisanik oqaluttuartiguk.
15 min: „Sallusuissut oqaluutigiuaruk.“ Erseqqissaruk pulaaqqiinermi atuaqqissaaqateqalerniarnissap pisariaqartinneqarnera. Naak apriili qaammat immikkut ittumik suliniarfissuugaluartoq qaammatillu tamaasa taama annertutigisumik suliniuteqarsinnaanngikkaluarluta, soqutiginnittunut akisussaaffeqarnerput puiussanngilarput sumiginnarnaguluunniit. Taamaaliorutta suliatta ilarujussua maangaannassaaq. Siaruartikkatut imerterneqanngitsutut issapput. (1 Kor. 3:6-9) Saqqummiussinerit naatsut marluk takutinneqassapput.
20 min: Ilanngussaq „Områdestævnet ’Sendebud med fred fra Gud’.“ Immikkoortoq 16-30-mut apeqqutit akissutillu sammineqassapput.
Erinarsuut nr. 28 naggataarutaasumillu qinnut.
Sapaatip-akunnera 27. maajimiit
Erinarsuut nr. 121
5 min: Nalunaarutit.
15 min: Atuagaq Ilisarsineq inuunermut naassaanngitsumut sammisoq juunimi neqeroorutigiuk. Oqaluussinermut tunngasunik nakkutilliisup siullermik saqqummiutissavaa sooq atuagaq ’Ilisarsineq’ saqqummersinneqarsimasoq. Oqaluussisartut marluk pingasulluunniit pikkorissut ilagalugit pingaarnersaata ilaat sammikkit. Siunissaq, inuit naalliuutaat, Guutip naalagaaffia, Guutimut tunniusimasumik ileqqoqarneq, ilaqutariittut inuuneq qinunerullu iluaqutaassua pillugit apeqqutit atuakkami akineqarput. Atuagaq atorlugu qanoq atuaqqissaaqatitaartoqarsinnaanersoq saqqummiuguk, pulaaqqaarnermi imaluunniit pulaaqqiinermi. Taava saqqummiussassat makku erseqqissarneqassapput: Sukkasuumik sunniuteqarluartumillu Biibilimik atuaqqissaaqatiginninnissaq pisariaqarpoq, atuagarlu tamanna siunertaralugu suliarineqarsimavoq; sallusuissut ineriartornartumik eqqorluartumillu saqqummiuppaa; immikkoortunut kapitalillu naanerini apeqqutit pingaarnersanik eqqarsaatiginninnissatsinnut ikiorpaatigut; apeqqutit tunniulluinnaqqammersunut kuisinnginneranni apeqqutaasartut atuakkami ’Ilisarsineq’-mi akineqarput. Tamaasa kajumissaakkit juunimi atuaqqissaaqateqalerniaqqullugit.
10 min: Apeqquteqartarfik. Atuarneqassaaq eqqartorneqarlunilu.
15 min: „Ulapippallaarpit?“ Apeqqutit akissutillu. Eqqarsaatit Vågn op! 1990-imi 8. juunimoortumi qupperneq 14-16-miittut ilanngutikkit. Oqaluussisartut ataaseq marlulluunniit oqaluttuartikkit qanoq ilillutik teokratiimik suliassatik tamaasa angumerisinnaaneraat.
Erinarsuut nr. 155 naggataarutaasumillu qinnut. (Tjenestemøderne i maj)