Apeqquteqartarfik

◼ Maannakkut atuagaq Ilisarsineq inuunermut naassaanngitsumut sammisoq pigilereeratsigu taava qanoq sivisutigisumik soqutiginnittut atuaqqissaaqatigisariaqarpavut?

Rigets Tjeneste-mi 1993 septembarimoortumi inassutigineqarpoq nutaat atuaqqissaaqatigineqassasut atuakkat marluk naanissaasa tungaannut. Maannakkut atuagaq ’Ilisarsineq’ pigileratsigu pitsaassaaq periaaseq tamanna allanngortissallugu, Vagttårnet-imi 1996 15. januaarimoortumi qupperneq 13-imi 14-imilu eqqartorneqartutut.

Atuagaq ’Ilisarsineq’ suliarineqarsimavoq ’inuunermut naassanngitsumut eqqortumik isumallit’ Jehovamut tunniulluinnarnissaannut kuisinnissaannullu naammattumik ilinniartinneqarnissaat siunertaralugu. (ap. sul. 13:48, NV) Atuagaq naallugu atuareeraanni pisariaqanngilaq ilinniartoq atuakkamik allamik atuaqatigeqqinnissaa. Atuaqqissaaqatigisatta sallusuissut ilikkalerpassuk kajumissaarsinnaavavut annerusumik ilisarsilerniaqqullugit Jehovap Nalunaajaasuisa ataatsimiinnerinut najuuttarnermikkut Biibilimik kristumiullu atuagassiaataannik atuartarnermikkut.

Atuaqqissaaqatigiinnermi aqutsisup iluaqutigissavaa apeqqutit atuakkami Organiseret til at fuldføre vor tjeneste qupperneq 169-213-imiittut ilisimalluarunigit. Apeqqutit taakku ilinniartumut innersuussutigineqaratillu atuaqqissaaqatigiissutigineqassanngillat, ingammilli ’Ilisarsineq’-mi Biibilip ajoqersuutai tunngaviunerusut pingaartinneqartariaqarput, ilinniartup tamakku nassuiarluarsinnaaqqullugit, utoqqaanertat kuisittussanik apeqqutissat tamakku sammisarmatigik.

pitsaassaarli pineqartut taakku atuakkami ’Ilisarneq’-mi pingaartinneqarpata ilinniartup sallusuissut Biibilimeersoq tunngaviunerusumik pitsaasumik nassuiarsinnaanissaanut iluaqutaasumik utoqqaanertap kuisikkumasunik apeqqutinik misissueqatiginissaa.

Pisariaqanngilaq paasissutissanik allanik ilalersuinissaq Biibilip ajoqersuutaanik nassuiaanermi imaluunniit ajoqersuinerluutinik qulaarinermi. Tamanna atuaqqissaarnermi kinguarsaataaginnartarmat. Kissaatigisarput tassaavoq atuakkap sukkasuumik naaneqarnissaa, immaqa qaammatit arfinillit ingerlanerinnaanni. Taamaattumik uagut nammineq piareersarluartariaqarpugut eqqortumik erseqqissumillu nassuiaasinnaajumalluta. Ilinniartoq aamma kajumissaarneqartariaqarpoq piareersartaqqullugu, allassimaffiit innersuussutigineqartut quppertaqqullugit kapitalillu immikkut tamaasa sumik ilinniarfigisimanerlugit eqqarsaatigisaqqullugit.

Napasuliaq Alapernaarsuiffik-mi erseqqissarneqarpoq Jehovap Nalunaajaasui amerlanerusunik siuariartortumik sivikinnerusumik atuaqqissaaqateqartarnerat atorfissaqartinneqartoq. (Takuuk Jesaja 60:22.) Atuakkamik ’Ilisarsineq’-mik atuilluarnikkut nutaat ilisarsinermik inuunermut naassaanngitsumut sammisumik pigisaqalertissinnaavavut, inooriaaserilertillugulu. — Juá. 17:3. (kmD 5/96 Spørgsmålskassen)