Oktobarimi oqaluussinermut tunngasumik ataatsimiinnerit
Sapaatip-akunnera 7. oktobarimiit
Erinarsuut 47
10 min: Nalunaarutit, ilaatigut Naalagaaffimmut Kiffartorneq-meersut. Ulloq immikkut oqaluussiniarfik qanoq ingerlasimava? Qassit aqqusinermi oqaluussisimappat? Ilagiit ataatsimut angusaat saqqumiutikkit. Oqaluussisartoq ataaseq marlulluunniit ullormi immikkut oqaluussiniarfimmi misigisaannik oqaluttuartikkit. Misigisat ilaat aqqusinermi oqaluussinermeersuussaaq.
15 min: Apeqquteqartarfik. Oqaluussinermik nakkutilliisup utoqqaanertalluunniit piginnaassuseqartup allap paasissutissat sammissavai.
20 min: „Nammineq atuagassianik saqqumiusseriaasiliorit.“ (Imm. 1-7) Immikkoortut 1-4 apeqqutinik akissutinillu ingerlanneqassapput. Taava immikkoortuni 5-7-imi saqqummiusseriaatsit siunnersuutigineqartut atuagassiat qanoq neqeroorutigineqarsinnaanerannik takutitsisut atukkit. Aamma Vagttårnet-imi, 1. marsi 1987-imoortumi, quppernermi 17-imi, immikkoortuni 7-imi 8-milu sammineqartut atorsinnaavatit. Qatanngutit eqqaasikkit pulaaqqiinerminni ’Ilisarsinermik’ atuinissaannik.
Erinarsuut 222 naggataarutaasumillu qinnut.
Sapaatip-akunnera 14. oktobarimiit
Erinarsuut 39
10 min: Nalunaarutit; ilagiit naatsorsuutaat. Qatanngutit tukkussusiannik nersualaakkit. Eqqaasikkit unnummut ilagiit tunissutinik nakkaatitsiviannut nakkartut Europap kangiani sulinermut tapiissutitut nassiunneqassammata. Ikiorti-pioneeri ataaseq marlulluunniit oqaluussinermi misigisaannik oqaluttuartikkit.
15 min: „Ajunnginnerusoq pillugu nutaarsiassaq nuannersoq tusarliupparput.“ Apeqqutit akissutillu. Pingaaruteqartumik Napasuliaq Alapernaarsuiffik-mi saqqummiunneqarsimasumik erseqqissaagit. — Takuuk Vagttårnet-imi 1. marsi 1987-imoortumi qupperneq 13.
20 min: „Nammineq atuagassianik saqqummiusseriaasiliorit.“ (Imm. 8-11) Apeqqutit akissutillu. Napasuliaq Alapernaarsuiffik-mi 1. januaari 1994-imoortumi, quppernermi 27-mi 28-milu, immikkoortuni 18-21-mi siunnersuutigineqartut sisamat oqaaseqarfigikkit. Atuagassiat oktobarimoortut aallaavigalugit qanoq ililluni saqqummiusseriaasiortoqarsinnaanera takutiguk: (1) Ilanngutassiamik angalaarfigisartakkanniittunut soqutiginarunartitannik ujaasigit, (2) soqutiginartumik erseqqissagassannik ujaasigit, (3) erseqqissarusutannut tikkuussisinnaasumik apeqqusiorit, (4) allassimaffimmik periarfissaqarpat atuarsinnaasannik ujaasigit, kiisalu (5) aallarniissutissat piareersaruk pulaakkannillu atuagassianik tiguserusulersitsisumik qanoq oqaaseqarnissat piareersaruk. Oqaluussisartut pikkorissut marluk pingasulluunniit tamaasa immikkut saqqummiusseriaatsimik takutitsisikkit. Aamma oqaluussisartoq inuusuttoq atuagassianik saqqummiusseriaatsimik takutitsisiguk.
Erinarsuut 82 naggataarutaasumillu qinnut.
Sapaatip-akunnera 21. oktobarimiit
Erinarsuut 169
15 min: Nalunaarutit. Nassuiaruk qanoq ililluni atuagassianik pajuttagaqalersoqarsinnaasoq: (1) Atuagassianik tunisimasatit allattukkit, ilanngutassiaq sorleq saqqummiussimallugu allaguk, (2) normut tulliuttut nassarlugit aggernissannik isumaqatigiuk, kiisalu (3) sapaatip-akunneranut oqaluussinermik pilersaarutinni taamatut pulaaqqiinissat aalajangersimasumik piffissaleruk. Eqqaamajuk atuagassianik pajuttakkavit pulaaqqinneri tamaasa pulaaqqiinertut nalunaarsussagakkit. Oqaluussisartumik atuagassianik pajuttagalimmik apersugaqarit, qanoq iliorsimanera qanorlu angusaqarsimanera pillugit.
15 min: „Angalaarfigisartakkat angalaarfigeqqissaaruk.“ Ilanngutassiaq sammiuk, niuertarfeqarfinnilu angalaarfinnut atatillugu qanoq pilersaaruteqartoqarnera eqqartoruk. Tusarnaartut niuertarfinni angalaarfigisartakkaminniittuni oqaluussinerminni misigisimasaannik oqaluttuartikkit.
15 min: Tamaani pisariaqartitat. Imaluunniit Vagttårnet-imi 1. maaji 1996-imoortumi, quppernerni 21-24-mi, ilanngutassiaq „Fasthold din tillid til det sidste“ utoqqaanertap oqalugiaatigissavaa.
Erinarsuut 12 naggataarutaasumillu qinnut.
Sapaatip-akunnera 28. oktobarimiit
Erinarsuut 27
10 min: Nalunaarutit. Kikkut tamaasa kajumissaakkit novembarimi decembarimilu ikiorti-pioneeriunissamik periarfissamik isumaliutiginneqqullugit. Tamaasa qinnuigikkit sapaatip-akunnerani matumani nalunaarutiminnik tunniusseqqullugit. Oktobarimi ullormit immikkut oqaluussiniarfimmit misigisalikkersaartitsigit.
20 min: „Piffissaalluartumik pisisa.“ Apeqqutit akissutillu. Vagttårnet-imi, 1. decembari 1989-imoortumi, quppernerni 16-17-imi, immikkoortuni 7-11-imi, eqqarsaatinik tigulaarigit.
15 min: Novembarimi neqeroorut. Novembarimi ’Ilisarsineq’ neqeroorutissavarput atuakkamillu pisut tamarmik soqutiginninneruleriartornissaat immikkut sulissutigissallugu, Biibilimik atuaqqissaaqatigilernissaat siunertaralugu. Oqaluussisartut pikkorissut marluk pingasulluunniit atuakkap naleqassusia qanorlu atorneqarsinnaanera oqaloqatigiissutigissavaat. Paasissutissat tassaniittut inunnut assigiinngitsunut tamanut ’oqalupput’. Biibilimi sammineqartut tunngaviusut najoqqutassiallu nutaat kuisissinnaassagunik paasisariaqagaat sammineqarput. Atuaqqissaaqateqarnerput naammattumik sukkassuseqartikkutsigu atuaqqissaaqaterput siumukapallassinnaassaaq. Imatut toqqaannartumik periaaseqarluni qanoq ililluni atuaqqissaaqateqalertoqarsinnaanera oqaluuseralugulu takutissiuk: Qupperneq 4-5-imi assiliaq oqaasertaalu takutikkit; nassuiaruk qanoq atuaqqissaaqatigiittoqartartoq; kapitali 1-imi immikkoortut siulliit tallimat naatsumik eqqartukkit; pulaakkat isumaqatigiuk aggeqqikkumaarlutit oqaloqatigeqqinniarlugu apeqqullu manna akiniarlugu: Inuuneq naassaanngitsoq takorluuinerinnaava? Erseqqissarsiuk Biibilimik atuaqqissaaqateqarnikkut immikkut pisinnaatitaaffeqarneq nuannaarutissartaqarmat.
Erinarsuut 162 naggataarutaasumillu qinnut.