Marsimi oqaluussinermut tunngasumik ataatsimiinnerit
Sapaatip-akunnera 3. marsimiit
Erinarsuut nr. 53
10 min. Nalunaarutit, ilaatigut Naalagaaffimmut Kiffartorneq-meersut. Tamaasa kajumissaakkit soqutiginnittut eqqaaniaanissamut marsip 23-anut qaaqqunissaannut. Eqqaaniaanissamut qaaqqusissut takutiguk, sapaatip-akunneratalu ingerlanerani oqaluussisartut atorsinnaalissagaat oqaluttuutikkit. Apriilimi ikiorti-pioneerit maannakkuugallartoq qassit nalunaarsimanersut eqqaajuk.
15 min. „Inoqutitit ineriartortikkit.“ Apeqqutit akissutillu. ’Atuagaq ukiumoortoq’ 1995-imoortumi, quppernerit 228 aamma 229 misilittakkat ilaannik tigulaariffigikkit.
20 min. „Ilaqutariit soraajuitsumik siunissaqalernissaannut ikiukkit.“ (Immikkoortut 1-3) Immikkoortoq 1-imi naatsumik oqaaseqarfigiuk taavalu atuakkap nutaap ’Ilaqutariit’ kapitaliisa qulequtaat, assiliartaasa qalipaatigissaartut ungalulikkamiittullu apeqqutit uteqqiissutissat atornerisigut qanoq soqutiginnilersitsisoqarsinnaasoq eqqartorneqassaaq. Oqaluussisartut pikkorissut immikkoortut 2-5-imiittunik saqqummiusseriaatsinik takutitsisikkit. Eqqaasikkit siunnersuutaannaammata, imminullu angalaartarfigisamullu nammineq naleqqussarneqarsinnaallutik. Tamaasa kajumissaakkit ilaqutariinnut soqutiginninnermik ersersitsereersimasunut atuakkamik tunisinissaannik immikkut suliniuteqaqqullugit.
Erinarsuut nr. 71 naggataarutaasumillu qinnut.
Sapaatip-akunnera 10. marsimiit
Erinarsuut nr. 56
10 min. Nalunaarutit ilagiillu naatsorsuutaat. Eqqaaniaanissap tungaanut marsip 18-ianiit 23-anut Biibilimi atuagassat ullut tamaasa allakkat misissortakkit-imi ilanngunneqarsimasut malinnaaffiginissaasa pingaaruteqassusiat eqqaajuk. Eqqaasikkittaaq unnummut ilagiit tunissutinik nakkaatitsiviannut nakkartut Europap kangiani sulinermut tapiissutitut nassiunneqassammata.
20 min. „Qujasaritsi.“ Apeqqutit akissutillu. Tamarmik immikkut noqqaassutigisariaqarpaat eqqaaniaanissamut qaaqqusinissaq — atuaqqissaaqatigisartakkat, soqutiginnittut, qanigisallu kajumittut qatanngutillu angutit arnallu ataatsimiinnernut najuutikulavallaarunnaarsimasut. Naatsumik saqqummiussineq oqaluussisartup soqutiginnittoq eqqaaniaanissamut qaaqqusinera eqqaaniaanissamut qaaqqusissut atorlugu. Vagttårnet-imi 1. juuli 1988-imoortumi qupperneq 11, immikkoortut 16-17-imilu eqqarsaatit ilaannik eqqaasaqarit. Tamaasa kajumissaakkit apriilimi majimilu ikiorti-pioneeriunissaminnut eqqarsaatiginneqqullugit.
15 min. „Ilaqutariit soraajuitsumik siunissaqalernissaannut ikiukkit.“ (Immikkortut 4-7) Atuagaq nutaaq ’Ilaqutariit’ qanoq neqeroorutigineqarsinnaasoq siunnersuuteqarit suliffimmi, atuarfimmi, illoqannginnersani, angallatini tamanit atorneqartartuni imaluunniit qanigisanut pulaarnermi sukkulluunniit nalunaajaanermi. Oqaluussisartoq pikkorissoq immikkoortoq 4-imi saqqummiusseriaatsip pissutsinut taamaattunut qanoq naleqqussarneqarneranik takutitsisiguk. Pulaaqqiinermi pulaagaq ikiorneqassaaq paasitillugu Biibilimik atuaqqissaartarnerup qanoq ilaqutariinneq pissatsissinnaagaa. Atuaqqissaaqateqarneq atuagaq ’Ilisarsineq’ tunngavigalugu ingerlanneqarsinnaavoq imaluunniit atuagassiaaraq Guutip sumik piumaffigaatigut? atorlugu kingusinnerusukkut atuakkap ’Ilisarsineq’-rup atulernissaa siunertaralugu.
Erinarsuut nr. 72 naggataarutaasumillu qinnut.
Sapaatip-akunnera 17. marsimiit
Erinarsuut nr. 63
15 min. Nalunaarutit. „Eqqaaniaanissaq sioqqullugu eqqaamasassat“ sammineqassaaq, eqqaajuttaaq tamaani sunik aaqqissuussisoqarsimanersoq. Biibilimik atuaqqissaaqatigineqartartut soqutiginnittullu eqqaaniaanermut najuunnissaannik ikiorniarlugit tamarmik pilersaarutitik naammassisariaqarpaat.
15 min. Tamaani pisariaqartitat imaluunniit utoqqaanertarmik oqalugiaat ilanngutassiaq „Utoqqatsissalluni pisariaqarpa?“ Napasuliaq Alapernaarsuiffik 1. oktobari 1996-imoortumi, qupperneq 25-27-imiittut tunngavigalugit.
15 min. Jehovas Vidners Årbog 1997-imoortoq atorluaruk. Ilaqutariinni ittuusup qupperneq 3-9-miittut amerlanerpaaffiit ilaqutariillutik sammissavaat. Takutissavai nuannaarnissatsinnut pissutissaqarluartugut nunarsuaq tamakkerlugu teokratiimik siuariarnerit pillugit. Siunnersuutigissavaattaaq ilaqutariit ukiup ingerlanerani ullut tamaasa minuttialuit atorlugit nerilernermi ’atuakkap ukiumoortup’ aamma ullormut allassimaffiup atuartarnissaa.
Erinarsuut nr. 75 naggataarutaasumillu qinnut.
Sapaatip-akunnera 24. marsimiit
Erinarsuut nr. 67
9 min. Nalunaarutit. Apriilimi ikiorti-pioneeriunissamut nalunaarnissaq suli kingusinaanngilaq. Ilagiit apriilimi kiffartornissamut pilersaarutigisaat eqqaakkit.
24 min: „Pulaaqqiinissannut nakimaassuseq ineriartortiguk.“ (Immikkoortoq 1-20) Apeqqutit akissutillu. Immikkoortoq 16 naatsumik saqqummiunneqassaaq.
12 min. Oqaluussisartut nutaat ikiukkit. Naalagaaffimmut Kiffartorneq-mi juuni 1996-imoortumi qupperneq 5-imi immikkoortoq 19 sammineqassaaq. Oqaluussisartoq pikkorissoq saqqummiusseriaatsimik takutitsisiguk Biibilimik atuaqqissaaqatigineqartoq oqaluussisartutut kuisimanngitsutut utoqqaanertanit akuerineqaqqammersoq qanoq ikiorsinnaaneraa. Atuakkami ’Organisationsbogimi’ qupperneq 108-imi immikkoortoq 1 sammineqatigissavaat. Oqaluussisartup misilittagallip ilinniartumut erseqqissaatigissavaa illumiit illumut angalaarnermi nalaatarisinnaasanik, amerlanerilli tusarusunngippata nikallornissamut pissutissaqanngitsoq. Oqaluussisartup misigisaq oqaluttuarissavaa inummik ilumoorluni tusarnaarusuttumik naapitsilluni qanoq nuannaarnermik tunisisartoq. Marluullutik atuagassianik saqqummiussineq naatsoq paasiuminartorlu piareersassavaat sungiusarlutillu. Kajumissaataasumik nersualaarigit sapaatillu akunnerata ingerlanerani kiffartornissamik isumaqatigiissuteqartoqassaaq.
Erinarsuut nr. 89 naggataarutaasumillu qinnut.
Sapaatip-akunnera 31. marsimiit
Erinarsuut nr. 70
15 min. Nalunaarutit. Tamanut ammasumik oqalugiaat apriilip 6-anni pisussamut soqutiginnittut tamaasa najuuteqqullugit qaaqquneqassapput. Tamaasa eqqaasikkit nalunaarusiat tunniunnissaat. Apriilimi ikiorti-pioneerit aqqi taakkit, weekendimilu tulliuttumi immikkut kiffartornissaq eqqartoruk. Apeqquteqartarfik sammineqassaaq.
20 min: „Pulaaqqiinissannut nakimaassuseq ineriartortiguk.“ (Immikkoortut 21-35) Apeqqutit akissutillu. Ungaluligaq qupperneq 3-miittoq sammiuk. Tamaasa kajumissaakkit eqqortumik qassit pulaaqqissimanerlugit nalunaarusiaminnut allaqqullugit.
10 min. Apriilimi neqeroorut. Naatsumik Naalagaaffimmik Kiffartuuteqarnermeersut oktorbari 1996-imoortumi, immikkoortut 3, 4 aamma 8 qupperneq 8-miittut qanoq atuagassianik saqqummiussisoqarsinnaasoq pillugu siunnersuutit uterfigineqaqqissapput. Oqaluussisartut marluk ataatsimik marlunnilluunniit saqqummiusseriaatsinik takutitsisikkit. Oqaluussisartut kikkut atuagassianik pinersut allattortariaqarpaat atuagassianillu pajuttagarisalerlugit.
Erinarsuut nr. 92 naggataarutaasumillu qinnut.