Qanoq oqassaanga?

Inuit sallusuissummut ajunngitsumik qisuariartut naapikkaangatsigik oqaluttuuteqqinniarlugit pulaaqqikkusuttarpavut. Immaqali oqaloqatigiinneq ingerlateqqinniarlugu qanoq oqassanerluta nalornisarpugut. Imatut iliorsinnaavutit: Soqutiginartumik apeqquteqarit, taavalu ’Ræsonnerebogen’ quppersinnaavat akissut Biibilimeersoq takutinniarlugu. Apeqqutit pitsaanerpaamik qisuariartitsisinnaasorisatit tulleriiaarlugit allattorsimasut pigissagukkit pitsaassaaq. Tulleriiaarlugit allattukkat matuma kingulianiittut ’Ræsonnerebogen’-imeersuupput, quppernermilu qassimiinneri allattorsimallutik.

◼ Sooq utoqqalillutalu toqusarpugut? (q.78)

◼ Guuti upperissallugu pissutissaqarpa? (q.120)

◼ Uagut inuit qanoq ingerlanersugut Guutip soqutiginerpaa? (q.121)

◼ Aatsaat qilaliaraanni piviusumik pillualersoqarsinnaava? (q.165)

◼ Sooq Guutip ilisarisimanissaa namminerlu aqqata atornissaa taama pingaartigaa? (q.176)

◼ Guutip naalagaaffia sunik naammassisaqassava? (q.128)

◼ Inuup inuuneranik suna siunertaava? (q.234)

◼ Sooq upperisarsiornerit taama amerlatigippat? (q.307)

◼ Qanoq ililluni paasineqarsinnaava upperisarsiorneq sorleq eqqortuusoq? (q.313)

◼ Satan ullutsinni silarsuarmi qanoq annertutigisumik sunniuteqarpa? (q.328)

◼ Sooq Guutip naalliunnartut atuunnerat akueraa? (q.227)

◼ Sooq ajussuseq taama annertutigaa? (q.265)

◼ Pinngoriartuaarsimanermik ajoqersuut ilisimatuussutsikkut uppernarsineqarsimava? (q.408)

Allattukkat taama ittut Biibilinniitissinnaavatit imaluunniit ’Ræsonnerebogen’-iitissinnaavatit tigoriaannanngorlugit. Pulaaqqitanut naleqquttunik oqaaseqartaraanni soqutiginninneq tamaat malittarissallugu ajornannginnerusarpoq.