’Ræsonnerebogi’ pulaaqqiinermi atortaruk
1 ’Uanga ikkussuivunga, Apollos imerterivoq.’ Apustili Paulus taama allassimavoq. (1 Kor. 3:6) Oqaasimininnguit taakku atorlugit ajoqersuganngortitsinermi alloriarnerit marluk siulliit eqqaaneqarput. Pulaaqqiigaangatta naatsiiassat ’imertertarpavut’. Pulaarfigineqaqqaarnermiit kuisinnissaq tikillugu tamanna pinngitsoorneqarsinnaanngilaq. Pulaaqqiigaangatta periarfissaqarluarnerpaasarpugut ilisimasatta siaruarternissaannut taamaalillutalu soqutiginnilersitsinissamut atuaqqissaaqateqalernissamullu. — Ussatit 15:7.
2 Ilaasa immaqa soqutiginnittunik pulaaqqiinissartik nangaassutigisarpaat qanoq oqassallutik nalugamikku. ’Imerterinissamut’ atuagaq Lad os ræsonnere ud fra Skrifterne iluaqutaasorujussuuvoq. Amerlanertigut soqutiginnittoq arlaleriarluni sikivitsumik pulaarfigineqartarpoq Bibelimik atuaqqissaartalernissamik akuersitinnani. ’Ræsonnerebogi’-mi oqaluusserisassat Bibelimeersut siunnersuutigineqarput. Pulaaqqiinissannut piareersarluartaruit, immaqa siunnersuut ataaseq arlallilluunniit atorlugit, oqaluuserisassat nalaatsornerinnakkut toqqakkavit atornissaaninngarnit Bibelimik atuaqqissaaqateqalernissat ilimanaateqarnerungaatsiassaaq.
3 Pulaarfigisap „Vagttårnet“ 15. aprili 1992-imeersoq qinunermut tunngasortalik tigusimappagu, tulliani ima aperisinnaavat:
◼ „Suut pissutigalugit qinnutit ilaat Guutimit akuerineqarsinnaasanngillat?“ Pulaarfigisaq akereerpat ’Ræsonnerebogi’ tigusinnaavat quppernerlu 74 qupperlugu. Allassimaffiit apeqqutip ataaniittut ilaat oqaloqatigiissutigisigik pulaarfigisallu atuakkamit atuffasseqqullugu kajumissaarlugu. Napasuliaq Alapernaarsuiffik-mik pisartagaqarnissaanik neqeroorfigeqqissinnaavat.
4 Arlaanni pulaarfigisat aperisinnaavat Guutip naalagaaffia Ataatarpuumi eqqartorneqartoq qanoq isumaqarsorineraa. Taavalu quppernerit 127-33 quppersinnaavatit. Piffissaqarneq naapertorlugu allassimaffiit immikkoortuni „Er Guds rige en virkelig regering?“-imi aamma „Hvad vil Guds rige udrette?“-mi (’Guutip naalagaaffia naalagaaffiua piviusoq?’ aamma ’Guutip naalagaaffiata suut naammassissavai?’) eqqartorneqartut nassuiarsinnaavatit. Nassuiaruk Guutip naalagaaffia tassaanngitsoq uummamiugisaq. Guutip naalagaaffia naalagaaffiuvoq piviusoq! Paasissutissat tamaasa ataatsikkut saqqummiunnagit apeqqummik kingorna oqaloqatigiissutigisinnaasassinnik eqqarsaatississinnaavatit.
5 Pulaarfigisap „Vågn op!“ 22. aprili 1992-imeersoq ’Inuuneq sumik siunertaqarpa?’-mik qulequtalik tigusimappagu, ima aperisinnaavat:
◼ „Inuit nunarsuarmi naassaanngitsumik inuusinnaagaluarnerannik inummi takussutissaqarnerpa?“ Imaluunniit: „Isumaqarpit toqungasut inuusut qanoq iliorneri nalunngikkaat?“ Immaqa pulaarfigisap apeqqutit tamakku soqutigissavai nammineq inuttut eqqorneqarami. Apeqqutit akiniarlugit pulaaqqinnissaanik isumaqatigiissuteqarfigiuk. ’Ræsonnerebogimi’ quppernerni 238-mi aamma 80-imi akineqarput.
6 Kingullermik nunarsuup siunissaa oqaloqatigiissutigisimagussiuk ima aperisinnaavutit:
◼ „Inuit nunarsuarmik arlaatigut aseruinissaat Guutip akueriumassanerpaa?“ ’Ræsonnerebogi’ qupperneq 135 qupperuk Bibelimilu akissut oqaloqatigiissutigiuk. Immaqa pulaarfigisaq ima aperiumassaaq: „Inuit toqungasut milliardilikkuutaat makissagunik taava tamarmik sumiissappat?“ ’Ræsonnerebogi’-mi quppernermi 280-imi tamanna akineqarpoq.
7 Pulaarfigisannut sallusuissut tamaat ataatsikkorsuaq oqaluttuunniassanngilat. Apeqqutit ilaat pulaarfigeqqinnissaanut utaqqisikkit. Guutimut suleqataasutut kinguneqarluartumik ikussuerusullutalu imertererusuppugut ’Ræsonnerebogip’ atorluarneratigut. Taava qularinngissinnaassavarput Guuti naajortortitsissasoq. (km 92/4 Brug ’Ræsonnerebogen’ på genbesøg)