Kinguneqarluartumik pulaaqqiisarit
1 Pulaaqqiisarneq tassaavoq ’Guutimut suleqatitut’ kiffartornitta ilaa pingaartoq. (1 Kor. 3:6-9) Pulaarfigisap qisuariarnissaa annilaangassutigisariaqanngilarput, sallusuissummut soqutinninnermik ersersitsereersimammat. Biibilimut tunngasumik kajumissinartumik oqaloqatigiissuteqarnissaq piareersarluarutsigu takutissavarput pulaarfigisaq inuttut piviusumik soqutigigipput.
2 Aalajangersimasunik saqqummiussaqartarit, periaaserissumik aperisarit.
Pulaaqqaarsimaninni allattukkatit tunngavigalugit ima aperisinnaavutit:
◼ „Guutip nunarsuarmut naapertuilluartumik naalakkersuinissamik neriorsuutaa eqqarsaatiginerusimaviuk?“
Aamma ima aperisinnaavutit:
◼ „Kingullermik oqaloqatigiissimanitta kingorna isumaqalerpit Guutip naalagaaffiata tikiunnissaa qinnutigissallugu siunertaqarnerulersoq?“
Taama aperigaangatta kiinnatta isikkua niperpullu inussiarnerpasissut piviusumik soqutiginninnitsinnut ersiutaapput.
3 Tuaviorpallaarnak; pulaarfigisaq tusarnaartaruk: Pulaarfigisaq tusarnaartarukku akitinnatillu eqqarsaqqaartaruit ersarissaaq taanna inuttut soqutigigit. Oqaasii naapertorlugit eqqarsaat Biibilimeersoq kingullermik oqaloqatigiissutigisimasassinnut attuumassuteqartoq eqqartorsinnaavat. Pulaaqqinnerit tamaasa pulaarfigisavit nutaamik ilinniartinnissaanut piareersimasarit. Ilimaginngisannik eqqartuilerpat ’Ræsonnerebogit’ tigusinnaavat paasissutissallu pisariaqartut nanisinnaallugit.
4 Pulaarfigisap „Vagttårnet“ 1. maji 1992 pisimappagu, ima oqarsinnaavutit:
◼ „Kingullermik ukioq 1914 oqaloqatigiissutigaarput. Sorsunneq taamanikkut aallartittoq naalakkersuinikkut allanngortitsisimaqaaq. Taamanikkumiilli suli aamma allanik annertuumik allanngorneqartarpoq. Tamatumali inuit pisariaqartitaat naammassisimavai? Eqqissineq qulakkeerneqarsinnaanerpa? [Pulaarfigisaq oqaaseqartiguk.] Malugeriaruk Jesusip ajoqersukkani naalagaaffimmik ajornartorsiutinik annertuunik ullumikkut atuuttunik aaqqiisinnaasumik qinnutiginninnissaannik ilinniartissimagai. [Matîuse 6:9, 10 atuaruk.] Illit Guutip naalagaaffia sunik naammassinnissasoraajuk? [Pulaarfigisaq oqaaseqartiguk.] Biibilimi nassuiaat aamma assut soqutiginarpoq.“ Taavalu Daniel 2:44 atuaruk. Immaqa ’Paradisbogimi’ quppernerit 12-imi 13-imilu assilissat atorumassavatit takutinniarlugu Guutip naalagaaffiata ataani pissutsit suut ilimagisinnaallugit.
5 Pulaarfigisap „Vågn op“ 8. maji 1992 pisimappagu ima oqarsinnaavutit:
◼ „Kingullermik pulaarakkit eqqartorpavut inuit naapertuilluannginneq anniaatillu qimakkumallugit nunavimminnit aallarsimasut. Isumaqarpit Guutip inuit inoqatiminnit iliorfigineqartarnerat soqutigigaa?“ Pulaarfigisap akissutaa tunngavigalugu Nalunaajaasup oqaasii 4:1 imaluunniit Tussiaat 72:12-14 takutissinnaavat. Taavalu atuagassiaaqqami ’Ata! Suut tamaasa nutaanngortippakka’-mi qupperneq 15 quppersinnaavat, qulequttap „Ajortut — sooq Guutip atuutitippai?-p ataani immikkoortut 27-29 atuarlugit imaluunniit oqaluttuareqqillugit immikkoortunullu apeqqutissat apeqqutigalugit.
6 Pulaarfigisat inuttut soqutiginiartigik Biibilimeersullu kajumissinartut oqaloqatigiissutigineqarnissaannut piareersartarniarta, taamaalillutalu kinguneqarluartumik pulaaqqiisarluta. (km 92/5 Aflæg virkningsfulde genbesøg)