Jehovap anersaavata najorpaatigut
1 Jehovap nalunaajaasuisut annertuumik suliassaqarpugut. Jesus oqarsimavoq: ’Iivangkiiliu inuiaqatigiinnut tamanut oqaluussissutigineqarallassavoq.’ (Mák. 13:10) Inuit isaanni suliassaq tamanna ajornarsorineqarsinnaagaluarpoq, kisianni taamaanngilaq. Silarsuarmi nukiit annerpaartaannik tapersortissaqarpugut ikiortissaqarlutalu, tassa Guutip anersaavanik. — Mat. 19:26.
2 Ukiuni hundredelinni siullerni takussutissat: Ilaanni Jesusip Esajasip siulittuutaa imminut tunngatillugu atorpaa imalu oqarluni: ’Jehovap anersaavata qulangerpaanga . . . iivangkiiliu . . . oqaluutigeqqullugu.’ (Lúk. 4:17, 18) Qilaliartinnani apustilini oqaluttuuppai ’nunap isuanut allaat’ nalunaajaanissaannut anersaap illernartup nukissaqartikkumaarai. Tamatuma kingorna Filip anersaamik siulersorneqarluni Etiopiamiu kunngip kiffarsua oqaluussiffigaa, anersaap Peter Romamiumut sakkutuut naalagaannut aallartippaa, anersaallu Paulus Barnabasilu inuiaqatigiinnut juutiunngitsunut oqaluussiartortippai. Inuit upperisarsiornikkut taama tunuliaqutallit sallusuissummik ilassinninnissaat kia ilimagisimassagaluarpaa? Taamaattorli taama pisoqarpoq. — ap. sul. 1:8; 8:29-38; 10:19, 20, 44-48; 13:2-4, 46-48.
3 Ullumikkut takussutissat: sarĸúmersitat-ni erseqqissarneqarpoq ullumikkut oqaluussinermi anersaaq illernartoq qanoq suleqataasoq, ima allassimagami: ’Anersaaq nuliassarlu oqarput: „Aggerna; . . . imerusuttorlu aggerli; piumasullu imeq inuunartoq akeqanngitsumik piliuk.’ (sar. 22:17) Anersaap Kristusip ’nuliassai’ ’savallu allat’ nutaarsiassamik nuannersumik inunnut tamanut oqaluussinissaannut kajumissisippai. (Juá. 10:16) Taamaattumik uaguttaaq nakimaalluta oqaluussisariaqarpugut inunnullu qanorluunniit ittunut tamanut saaffiginninnissarput piareersimaffigisariaqarlugu Guutip anersaavata ikiussagaatigut qularutiginagu. Atuakkap ukiumoortup 1998-imoortup Guutip anersaavata taassuma kiffai suli najorai qularnaatsumik takutilluarpaa. Inernerusut qinerluuinnariakkit! Ukiuni kiffartuussiffiusuni kingullerni marlunni ullormut kuisittartut agguaqatigiissillugu 1000-it sinneqarput.
4 Jehovap piumasaa naapertorlugu Naalagaaffiup tusarliussaa oqaluussissutigitillugu qularutigissanngilarput Guutip anersaavata najortuassagaatigut. Tamatuminnga ilisimasaqarnerup Naalagaaffimmut tunngasunik suliassamik pingaartumik ilungersuutiginninnissatsinnut kaammattortariaqarpaatigut kajumissisillutalu. — 1 Tim. 4:10.