Nalunaarutit

◼ Neqeroorutissat kalaallisuut: Januaari: 12 Atuakkat pisoqaanerusut, ilaatigut erĸigsineĸ isumangnáissuserdlo piviussut — ĸanoĸ pilersíneĸásápat? imaluunniit Pâratîsimi nuname nâgssáungitsumik inûsínauvutit. Februaari: Ilaqutariittut pilluarneq isertugaateqarpoq. Marsi: Ilisarsineq inuunermut naassaanngitsumut sammisoq. Biibilimik atuaqqissaaqatitaarniarnissat suliniutigiuk. Apriili: Atuagassiat Napasuliaq Alapernaarsuiffik aamma Iteritsi! Atuagassiaaraq Guutip sumik piumaffigaatigut? Biibilimik atuaqqissaaqateqarnermi atorneqarsinnaavoq.

◼ Oqaluussisartut kuisimasut sapaatip-akunnerani 4. januaarimit aallartittumi oqaluussinermut tunngasumik ataatsimiinnermut najuuttut tamarmik siumoortumik peqqussummik meeraasalu tamarmik kinaassutsimut allagartassaannik tunineqassapput.

◼ Februaarimit, marsip aallaqqaataa qaangertinnagu, nakkutilliisup angalasartup tamanut ammasumik oqalugiaatigissavaa „Guuti ilinnut qanoq piviutigaa?“

◼ Sisamanngornermi apriilip aallaqqaataani seqernup tarrinnerata kingorna eqqaaniaalluni nalliuttorsiornissamut ilagiit piareersalereertariaqarput. Seqernup tarrinnginnerani oqalugiarneq aallartissinnaavoq, assersuutilli seqineq tarrereerpat aatsaat sassaalliutigineqassapput. Najukkassinni seqineq qassinut tarrissanersoq paasiniarsiuk.

◼ 1999-imi oqalugiaat tamanut ammasoq immikkut ittoq sapaammi apriilip 18-iani oqalugiaatigineqassaaq. Sapaammi tamatumani ilagiit nakkutilliisumit angalasartumit pulaarneqarpata, ataatsimeersuaararpata ullormiluunniit ataatsimi immikkut ittumik ataatsimeersuarpata oqalugiaat tamanna sapaatip-akunnerani tulliuttumi oqalugiaatigineqassaaq. Apriilip 18-iata siornagut oqalugiaatigineqassanngilaq. Oqalugiaammut najoqqutassamik nassiussisoqassaaq.

◼ Apriilimi maajimilu atuagassiaativut immikkut ittumik atussavavut, qularnanngitsumillu oqaluussisartut amerlasuut ikiorti-pioneeriuniassapput. Taamaattumik ilagiit qinnuigissavavut isumaliutigeqqullugu qaammatini taakkunani atuagassiat pisarnermit qanoq amerlanerutigisut pisariaqartissanerlugit. Piniakkat tamaasa pissarsiariumagaanni apriilip normuinik inniminniissut kingusinnerpaamik januaarip 25-ani 1999-imi Seltersimeereertariaqarpoq, maajillu normuinik inniminniissut kingusinnerpaamik februaarip 22-ani 1999-imi.

◼ Nuannaarutigaarput eqqaasinnaagatsigu aamma ukioq manna apriilimi immikkut oqaluussiniarnissamik aaqqissuussisoqarsimasoq. Apriilip 3-a tassaassaaq ulloq immikkut oqaluussiffik. Pitsaassaaq maannangaaq isumaliutigileriissallugu apriilimi ikiorti-pioneeriuniarluni qanoq iliortoqarsinnaanersoq.