Januaarimi oqaluussinermut tunngasumik ataatsimiinnerit
Sapaatip-akunnera 4. januaarimit
Erinarsuut nr. 36
10 min. Tamaanngaannit nalunaarutit. Nalunaarutit toqqakkat Guutip Naalagaaffianut Kiffartorneq-meersut. Januaarip aallaqqaataanit ataatsimiittarnerit piffissaat allanngortinneqarsimappata oqaluussisartut tamarmik eqqaasinneqartariaqarput allagartat ataatsimiiffissat piffissaannik nutaanik nalunaaruteqartut atussagaat. Aqqusinermi oqaluussinermit oqaluussisartumik oqaluttuartitsigit.
15 min. „Atuakkat pisoqaanerusut atorluartigik.“ Apeqqutit akissutillu. Atuakkat pisoqaanerusut suut ilagiit toqqortaatigineraat eqqaakkit. Tamakkua soqutiginaqutaannik erseqqissaagit, takutillugulu qanoq inunnut allanut neqeroorutigineqarsinnaasut. Tamaasa kajumissaakkit januaarimi oqaluussinermi, aamma torrutiinnarlugu oqaluussinermi, atuakkanik tamakkuninnga atuinissaannik. Naatsumik takutitsisoqassaaq.
20 min. Aak atornagu nakorsartinnermut atatillugu nammineq qinersigit. (ap. sul. 15:28, 29) Peqitaq apeqqutinik akissutaannillu imalik ’Nakorsarneqarnissaq pillugu siumoortumik peqqussut annertusisaq tamakkiisumillu piginnaatitsissut’-mut ilaasoq kiisalu Guutip Naalagaaffianut Kiffartorneq-mi aggusti 1998-imoortumi allaaserisaq „’Nakorsarneqarnissaq pillugu siumoortumik peqqussut annertusisaq tamakkiisumillu piginnaatitsissut’ pillugu paasissutissat“ tunngavigalugit utoqqaanertaq piukkunnaatilik oqalugiassaaq. Siumoortumik peqqussummut nalinginnaasumut atatillugu: Ataatsimiinnerup matuma kingorna oqaluussisartut kuisimasut piumasut allagartamik nutaamik tunineqarsinnaapput, oqaluussisartullu kuisimanngitsunik ukiukitsunik 15-it ataallugit ukiulinnik meerallit kinaassutsimut allagartanik meeqqat tamarmik immikkut pissaannik tunineqarsinnaapput. Allagartat unnuk manna immersorneqarnissaat siunertaanngilaq. Angerlarsimaffimmi peqqissaartumik immersorneqartariaqarput, atsiorneqarnatilli. Tulliani atuakkamik atuaqqissaaqatigiinnerup kingorna atsiorneqarsinnaapput, ilisimannittunit atsiorneqarlutik ullulerneqarlutillu. Atsiunnginnermi allagartaq eqqortumik immersorneqarsimanersoq qulakkeeqqaartariaqarpoq. Allagartamik piginnittoq atsiornerani ilisimannittut isiginnaassavaat. Oqaluussisartut kuisimanngitsut namminneq atukkaminnut aalajangiusimasaminnullu naleqqussakkamik siumoortumik peqqussusiorsinnaapput. Immaqa Peqatigiiffiup siumoortumik peqqussusiaata oqaasertai assilikannersinnaavaat. Siumoortumik peqqussut annertusisaq: Tamanna inatsisinut tunnganerusunngorlugu Peqatigiiffimmit suliarineqarsimavoq. Allakkiaq tamanna nakorsat arlallit ajunngitsumik qisuariarfigisimavaat paasissutissanik sukumiisunik, napparsimasunik Jehovamut nalunaajaasuusunik passussinerminni iluaqutigilluarsinnaasaminnik, imaqarmat. Oqaluussisartut allakkiamik taama ittumik suli immersuisimanngitsut immersuerusuttut allatsimit pissarsisinnaapput. (Pisariaqanngilaq ukiut tamaasa nutaamik immersuissalluni.) Siumoortumik peqqussummik annertusisamik immersuisimagaanni siumoortumik peqqussutip nalinginnaasup saqqaani ima allattariaqarpoq (ajunnginnerussaaq assammik): „Aamma nakorsartinnissaq pillugu tamakkiisumik piginnaatitsissut atsioreerpara.“ Siumoortumik peqqussummik nalinginnaasumik annertusisamillu immersuiniarnerminni ikiorneqarusuttut ikiortariaqartullu tamaasa atuakkamik atuaqqissaarnermi aqutsisut ikiorniartariaqarpaat. Inatsisitigut tamakkiisumik illersorneqarumagaanni pitsaanerussaaq allagartat marluk taakku tamaasa immersussallugit. (Allatsimut: Meeqqanut kinaassutsimut allagartap qanittukkut nassiunneqartup, ic-D 10/98-p, atornissaa eqqumaffigiuk. Allagartat siusinnerusukkut atorneqartut aserortiinnarneqarsinnaapput.)
Erinarsuut nr. 61 naggataarutaasumillu qinnut.
Sapaatip-akunnera 11. januaarimit
Erinarsuut nr. 88
10 min. Tamaanngaannit nalunaarutit. Ilagiit naatsorsuutaat sammineqassapput. Qatanngutit tukkussusiat pillugu nersualaakkit, eqqaasikkillu unnummut ilagiit tunissutinut nakkaatitsiviannut nakkartinneqartut Guutip naalagaaffiata Europap kangiani sulineranut tunniunneqassammata.
20 min. „Jehovap inuunermut aqqutigeqqusaanik malinninnissarput aalajangiusimavarput.“ Oqalugiaat. Tamaasa ilagiit sapaatip-akunnerani atatsimiittarnerinut tallimanut tamanut aalajaallutik orniguttarnissaannik kajumissaakkit.
15 min. „’Erinitsajuigitsi’.“ Ilaqutariit oqaloqatigiissutigissavaat qanoq ililluta tamatta immikkut oqaluussinermi erinitsajuinniarsinnaasugut. Eqqarsaatinik Napasuliaq Alapernaarsuiffik-mi 1. aggusti 1995-imoortumi, qupperneq 27-miittunik, tigulaarisoqarsinnaavoq.
Erinarsuut nr. 135 naggataarutaasumillu qinnut.
Sapaatip-akunnera 18. januaarimit
Erinarsuut nr. 169
10 min. Tamaanngaannit nalunaarutit. Piffissaq naapertorlugu oqaluussinermit misigisalikkersaartitsigit. Piareersarluagaallutillu ilikkagaqarnartuussapput.
20 min. Tamaani pisariaqartitat.
15 min. „Nakkutilliisut siuttuusut — Atuakkamik atuaqqissaarnermi aqutsisut.“ Atuakkamik atuaqqissaarnermi aqutsisup pikkorissup pisussaaffini oqalugiaatigissavai. Ajornanngippat tulluarpallu najuuttut peqataatinneqassapput. Ersersissavaa pisussaaffinnik tamakkuninnga naammassinninneq qanoq ililluni ilagiit siumukarnissaannut anersaakkullu ajunngitsumik ingerlanissaannut iluaqutaasartoq. Eqqarsaatinik pingaarutilinnik Organiseret til at fuldføre vor tjeneste-meersunik, quppernermi 42-44, 72-74-miittunik, tigulaarisoqassaaq.
Erinarsuut nr. 197 naggataarutaasumillu qinnut.
Sapaatip-akunnera 25. januaarimit
Erinarsuut nr. 201
10 min. Tamaanngaannit nalunaarutit.
15 min. „Nalunaaquttap-akunnerinik pioneerinut piumasaqaataasunik allannguineq.“ Utoqqaanertamit oqalugiaatigineqassaaq. Ilagiit pioneerertaat nersualaakkit, oqaluussisartullu kajumissaakkit maanna marsimi, apriilimi maajimilu immikkut suliniuteqartoqarnissaani pioneerinngorniaqqullugit imaluunniit ikiorti-pioneeriuniaqqullugit. Eqqarsaatinik Guutip Naalagaaffianut Kiffartorneq-mi februaari 1997-imoortumeersunik aamma juuli 1998-imoortumeersunik tigulaarisoqassaaq.
20 min. Ullut tamaasa Allakkat misissortarpigit? Oqalugiaat najuuttunillu peqataatitsineq. Quppersagaaraq Ullut tamaasa Allakkat misissortakkit Peqatigiiffiup ukiut tamaasa naqitertarpaa. Naqitigaq tamanna nammineq ilaqutariinnilu atorluartarpiuk? Ullormut allassimaffimmik ullut tamaasa misissuisarnerput qanoq iluaqutigisaripput nassuiarneqassaaq. Ullut tamaasa Allakkat misissortakkit — 1999-ip siulequtaani eqqarsaatinik taasaqarit. Oqaluussisartut ilaat oqaluttuartikkit ullormut allassimaffik ullut tamaasa sammisarniarlugu qanoq iliuuseqarsimanerannik, kisimiillutik ilaqutariittullu.
Erinarsuut nr. 225 naggataarutaasumillu qinnut.