Marsimi oqaluussinermut tunngasunik ataatsimiinnerit
Sapatip-akunnera 1. marsimit
Erinarsuut nr. 33
8 min. Nalunaarutit, ilaatigut Guutip Naalagaaffianut Kiffartorneq-mit nalunaarutit toqqakkat.
17 min. „Kristusip toqunera nunarsuaq tamakkerlugu eqqaaniarneqassaaq.“ Apeqqutit akissutillu. Paasissutissat Napasuliaq Alapernaarsuiffik 1. marsi 1997-imoortoq quppernerit 10, 11, immikkoortut 10-14-miit tigulaakkit.
20 min. 1999-imi upernaami immikkut suliniuteqarneq. Oqaluussinermut nakkutilliisup imaluunniit allap qiimmassaalluni ilinniartitsisartup upernaamut pilersaarutit saqqummiutissavai. Peqatigiiffiup allagaanit 31. decembari 1998-imoortumit tigulaakkat atorneqassapput. Kiffartortut ikiorti-pioneeriusussat ilaat apersukkit. Sooq ikiorti-pioneeriunissaminnut aalajangersimappat, qanorlu kiffartornissartik aaqqissuussimavaat? Eqqartoruk ikiorti-pioneeriunissaminnut periarfissaqanngitsut qanoq ilillutik suliniuteqarnermut tapersersueqataasinnaasut. Nikallornanngitsumik kajumissaarineqassaaq.
Erinarsuut nr. 44 naggataarutaasumillu qinnut.
Sapatip-akunnera 8. marsimit
Erinarsuut nr. 52
10 min. Nalunaarutit. Ilagiit naatsorsuutaat sammineqassapput. Qatanngutit tukkussusiat pillugu nersualaakkit. Unnummut Ilagiinnut tunissutit-nut nakkaatitsivimmut nakkartinneqartut Europap kangiani Guutip naalagaaffiata sulineranut tunniunneqassapput.
20 min. Aprilimi maajimilu ikiorti-pioneeriunissamut pissutissaqarluarpugut. Oqalugiaat apeqqutissalik utoqqaanertamit nammineq ikiorti-pioneeriusussamit. Nalunaaquttap-akunnerisa piumasarineqartut allanngorsimanerat eqqaajuk. Allannguutip tamatuma amerlanerusut tamakkiisumik kiffartornermut peqataanissaminnut periarfissaqartissavai. Kristusip pilliutigisimasaanut pingaartitsinitta oqaluussinermi annertunerusumik iliuuseqalersippaatigut. (2 Kor. 5:14, 15) Ukioq manna eqqaaniaalluni nalliuttorsiorneq apriilip aallaqqaataani pissaaq. Tamatta periarfissaqarluassaagut qaammat tamaat annertunerusumik kiffartornissamut immikkoortitsissalluta. Apriilimi aamma maajimi ullut aqqaneq-marluk sulinngiffiupput. Naalagaaffimmut Kiffartorneq-mi februaari 1997-imoortumit marsilu 1998-imoortumit ikiorti-pioneeriuneq pillugu eqqarsaatit eqqartulaakkit. Eqqartoruk allaffissiat atorlugit qanoq ililluta kiffartornissamik pilersaarusiorsinnaasugut. Ikiorti-pioneeriunissaminnut nalunaareersimasunik apersuigit. Qatanngutit angutit ikiorti-pioneerioqatigiinnissamik isumaqatigiissutiginissaannut siunnersukkit. Oqaluussisartut kajumissaakkit ataatsimiinnerup kingornatigut qinnuteqaatinik aalleqqullugit. Paasissutissaq ungaluusami „Ukiumi 2000-imi pioneerit 1000-it“ eqqaajuk.
15 min. „Qaaqqusigik.“ Apeqqutit akissutillu. Soqutiginnilerlaat ataatsimiinnernut qaaqqunissaata pingaaruteqarnera erseqqissaruk. Takutiguk oqaluussisartoq soqutiginnittumut ’Ilisarsineq’-mi qupperneq 159, immikkoortoq 20, taavalu quppernerit 162-63, immikkoortoq 5-8-mut qanoq oqaluussissutigineraa. Tamaasa kajumissaakkit nutaat apriilip aallaqqaataani eqqaaniaalluni nalliuttorsiornermut najuunnissaannut immikkut iliuuseqarlutik ikioqqullugit. Qaaqqusissut naqitigaq atorlugu qanoq qaaqqusisoqarsinnaaneranik takutitsigit.
Erinarsuut nr. 62 naggataarutaasumillu qinnut.
Sapatip-akunnera 15. marsimit
Erinarsuut nr. 56
10 min. Nalunaarutit. Ikiorti-pioneeriuniartunik ataatsimik marlunnilluunniit ineriartornartumik kajumissinartumillu apersuineq. Eqqaakkit manna tikillugu kikkut nalunaarutigineqareersut.
15 min. „Ilagiinni kiffartortut pingaartumik kiffartorput.“ Ilagiinni kiffartortumik piginnaanilimmik oqalugiaat. ’Organisationsbog’-imi, quppernerni 55-57-ini pingaarnerusut sammikkit. Nassuiaruk ilagiissinni kiffartortut qanoq inissisimasut.
20 min. ’Årbogi’ 1999-moortoq iluaqutigiuk. Ilaqutariilluni eqqartuineq. Ittuusup eqqaassavaa ’Årbogi’ atuakkatut tuluttut 1927-mi saqqummersimasoq, ukiullu 70-it sinnerlugit ukiumut naatsorsuutinik imaqartarsimalluni. 1983-imi ’Årbogi’ qallunaatut pisalerparput. Ilaqutariit qupperneq 31-miittut ’Ukiumi oqaluussiffiusumi 1998-imi nunarsuaq tamakkerlugu sulineq’-mi pingaarnersiukkat sammissavaat. Taava ’Siulersuisoqatigiinnit allakkat’, quppernerni 3-5-niittut, aammalu kajumissaarutit tassaniittut qanoq malinniarneritsik eqqartussavaat.
Erinarsuut nr. 68 naggataarutaasumillu qinnut.
Sapatip-akunnera 22. marsimit
Erinarsuut nr. 162
10 min. Nalunaarutit. Eqqaajuk kikkut ikiorti-pioneeriunersut. Suli qinnuteqarnissamut periarfissaqarpoq. Ikiorti-pioneeriunissaminnut periarfissallit ataaseq imaluunniit amerlanerusut apersukkit. Maligassiuinerat allanut qanoq ikiuutaasinnaava? Tamaasa kajumissaakkit eqqaaniaalluni nalliuttorsiornissamut Biibilimik atuarnissamik pilersaarut malinnaaffigeqqullugu. Ullormit 27. marsimit 1. apriilip tungaanut ullormut allassimaffinni ullorsiutinilu nassaarineqarsinnaavoq.
15 min. Eqqaaniaalluni nalliuttorsiornissamut piareersimagit. Oqalugiaat. Pilersaarutigiuk Biibilimik atuaqqissaaqatit allallu eqqaaniaalluni nalliuttorsiornissamut peqataanissaannut qanoq ikiorsinnaanerlugit. Napasuliaq Alapernaarsuiffik 1. apriili 1996-moortumi quppernerni 6-8-ni paasissutissat sammikkit, takutillugulu qanoq ililluni soqutiginnilerlaaq ikiorneqarsinnaasoq eqqaaniaalluni nalliuttorsiorneq qanoq pingaaruteqartigisoq qanorlu siunertaqarnersoq paaseqqullugu. Naggataatigut „Eqqaaniaalluni nalliuttorsiornissamut eqqaamasassat“ sammiuk aammalu tamaani eqqaaniaalluni nalliuttorsiornermut tunngatillugu aaqqissuussinerit sammikkit.
20 min. Toqugutta qanoq pissaagut? Utoqqaanertamit aammalu oqaluussisartunit pikkorissunit ataatsimit imaluunniit marlunnit oqaluuserineqassaaq. Atuagassiaaqqap nalinganik qanorlu atorneqarsinnaaneranik eqqartuissapput. Upperisarsiornerit eqqunngitsut assiginagit neriuut suna saqqummiuppaa? Apeqqutit tunuaniittut qanoq atorsinnaavavut? Atuagassiaaraq qaqutigut neqeroorutigineqarsinnaava? Allassimaffiit immikkoortumi 14-imi quppernermi 27-miittut atorlugit qanoq neqeroorutigineqarsinnaaneranik takutitsigit. Tamaasa kajumissaakkit atuagassiaaqqap atukulanissaanik.
Erinarsuut nr. 92 naggataarutaasumillu qinnut.
Sapatip-akunnera 29. marsimit
Erinarsuut nr. 111
15 min. Nalunaarutit. Eqqaasitsigit oqaluussisimanermut nalunaaruteqarnissamik. Apriilimi Napasuliaq Alapernaarsuiffik aamma Iteritsi! neqeroorutigissavavut. Ilanngutassiat ilaat qanoq atorluarneqarsinnaasut saqqummiuguk. Atuagassiaaraq Guutip sumik piumaffigaatigut? Biibilimik atuaqqissaaqatitaarnissamut atorneqarsinnaavoq. Ullormut immikkut oqaluussiffiusumut pilersaarutit eqqaakkit, ilagiinniittullu tamaasa ullup ingerlanerani peqataanissaannut kajumissaakkit. Aqqusinermi oqaluussinerup pingaaruteqarnera eqqaajuk, takutillugulu tamanna qanoq ingerlanneqartariaqartoq. (Takuuk kmt 2/93, qupperneq 3, immikkoortoq 15.) Apriilimi kikkut ikiorti-pioneeriusussaasut eqqaakkit. Piffissaq apeqqutaatillugu ikiorti-pioneeriusussaq apersorneqarsinnaavoq. Eqqaaniaalluni nalliuttorsiorup qaqugu pinissaa eqqaajuk, aammalu eqqaasitsigit takkuttunut inoroorsaarnissatsinnik aammalu ilasseraattuunissatsinnik akisussaaffeqaratta.
15 min. „Ilaqutariit qanoq ilillutik suleqatigiissinnaasut — ataatsimiinnernut najuuttarnermi.“ Ilanngutassiami pingaarnerit ilaqutariit eqqartussavaat. Eqqartussavaattaaq qanoq ilillutik ikioqatigiissinnaallutik piareersartarnissamik piffissaalluartukkullu ataatsimiigiarsinnaallutik.
15 min. Unnersuunneqarnermut qanoq qisuariartariaqarpugut? Utoqqaanertamik oqalugiaatigineqassaaq. Tamatta unnersuunneqartarpugut ileqqulersuutit, ilagisartakkat, imaluunniit ilagiinni suliniutinut peqataasarneq pillugit. Ilaatigut immaqa unnersuunneqarnerit itigarteqqajaasarpavut imaluunniit ajuallaatigalugit. Unnersuuneqarnerit ilassinissaat malinnissaallu anersaakkut ingerlalluarnissatsinnut aalajangiisuusinnaapput. Unnersuunneqarnerup ilassinissaanut pingaartinnissaanullu tunngaviusut eqqaakkit. — Takuuk Vagttårnet 1. apriili 1987, quppernerni 27-30-ni.
Erinarsuut nr. 118 naggataarutaasumillu qinnut.