Nalunaarutit
◼ Neqeroorutissat kalaallisuut: Januaari: Atuakkat pisoqaanerusut, ilaatigut erĸigsineĸ isumangnáissuserdlo piviussut — ĸanoĸ pilersíneĸásápat? imaluunniit Pâratîsimi nuname nâgssáungitsumik inûsínauvutit. Februaari: Ilaqutariittut pilluarneq isertugaateqarpoq. Marsi: Ilisarsineq inuunermut naassaanngitsumut sammisoq. Biibilimik atuaqqissaaqatitaarnissat sulissutigiuk. Apriili: Atuagassiat Napasuliaq Alapernaarsuiffik aamma Iteritsi! Atuagassiaaraq Guutip sumik piumaffigaatigut? Biibilimik atuaqqissaaqateqarnermi atorneqarsinnaavoq.
◼ Oqaluussisartut kuisimasut sapaatip-akunnerani 10. januaarimit aallartittumi oqaluussinermut tunngasumik ataatsimiinnermut najuuttut tamarmik siumoortumik peqqussummik meeraasalu tamarmik kinaassutsimut allagartassaannik tunineqassapput.
◼ Qatanngutit atuagaasivimmi kiffartortut siumoortumik peqqussutinik nalinginnaasunik tuluttuunik amerlassusii killilinnik inniminniisariaqarput.
◼ Bussini, nakorsiartarfit, napparsimmaviit, kigutileriffiit utaqqisarfiini, mittarfinni il. il. atuagassiaativut qimaannartariaqanngilavut. Pissutsini taamaattuni tamakkunani akisussaassunit akuerineqartariaqarpoq. Najoqqutassiaq tamanna sumiginnarneqarpat sulinitsinnut ajunngitsumillu isigineqartarnitsinnut ajoqutaassaaq. — 1 Kor. 14:40; Epr. 13:18.
◼ Februaarimit, marsip 5-aatinnagu, nakkutilliisup angalasartup tamanut ammasumik oqalugiaatigissavaa „Harmagedon qaqugu nalliussava — aamma sooq?“
◼ Pingasunngornermi apriilip 19-iani seqernup tarrinnerata kingorna eqqaaniaalluni nalliuttorsiornissamut ilagiit piareersalereertariaqarput. Seqineq tarritinnagu oqalugiarneq aallartissinnaavoq, assersuutilli seqineq tarrereerpat aatsaat sassaalliutigineqassapput. Najukkassinni seqineq qassinut tarrissanersoq paasiniarsiuk.
◼ 2000-mi oqalugiaat tamanut ammasoq immikkut ittoq sapaammi apriilip 16-iani oqalugiaatigineqassaaq. Qulequtaa imaassaaq: „Sooq inuiaat utertitsissummik pisariaqartitsisut.“ Oqalugiaammut najoqqutassamik nassiussisoqassaaq. Sapaammi tamatumani ilagiit nakkutilliisumit angalasartumit tikeraarneqarpata, ataatsimeersuaararpata ullormiluunniit ataatsimi immikkut ittumik ataatsimeersuarpata oqalugiaat tamanna sapaatip-akunnerani tulliuttumi oqalugiaatigineqassaaq. Apriilip 16-iata siornagut oqalugiaatigineqassanngilaq.
◼ Qularnanngitsumik oqaluussisartut amerlasuut ikiorti-pioneriuniassapput upernaaq manna immikkut suliniuteqassammat, atuagassiaatitsinnillu pajuttagaqalernissaq anguniagaasussaalluni. Taamaattumik ilagiit qinnuigissavavut isumaliutigeqqullugu qaammatini taakkunani atuagassiat saniatigut qassit pisariaqartinneqassanersut. Piniakkat tamaasa pissarsiariumagaanni apriilip normuinik inniminniissut kingusinnerpaamik januaarip 24-ani Seltersimeereertariaqarpoq, maajillu normuinik inniminniissut kingusinnerpaamik februaarip 28-ani 2000-mi.
◼ Arfininngorneq apriilip aallaqqaataa ulloq immikkut oqaluussiffiussaaq. Ilagiit kiffartornissartik pilersaarusiortariaqarpaat ulloq taanna immikkut nalunaajaaffiulluaqqullugu. Tamarmik kajumissaarneqartariaqarput ulloq taanna kiffartoqataasinnaaqqullugit.