Oqaluussinermut tunngasumik ataatsimiinnernut pilersaarut
MALUGIUK: Guutip Naalagaaffianut Kiffartorneq una aallarnerfigalugu qaammatip tulliani sapaatip-akunneranut siullermut oqaluussinermut tunngasunik ataatsimiinnernut pilersaarut ilaasalissaaq. Guutip Naalagaaffianut Kiffartorneq-p ilagiinnut nassiunnerata kinguartoorsinnaanera pissutigalugu taama allannguuteqarpoq.
Sapaatip-akunnera 3. januaarimit
Erinarsuut nr. 10
10 min. Ilagiinnit nalunaarutit. Januaarimi neqerooruutaasussaq qanoq atorneqarsinnaanersoq takutiguk.
20 min. „Pioneeritut kiffartorneq – utoqqaanertatut imaluunniit ilagiinni kiffartortutut.“ Apeqqutit akissutillu. Allaaserisamut aallarniut minutsimik ataasiinnarmik sivisussuseqassaaq. Pingaarnerit sisamat, utoqqaanertat ilagiinnilu kiffartortut pioneeriusinnaagaangata qanoq iluaqutaangaartarnerinik takutitsisut, erseqqissakkit. Ilagiinni pioneeriusumik utoqqaanertaqarpat imaluunniit ilagiinni kiffartortoqarpat taanna apersorneqassaaq. Pingaarnerit sisamat pillugit oqaaseqartiguk oqaluttuartillugulu eqqartukkat nammineq qanoq ililluni uppernarsarsinnaanerai.
15 min. Tamaani pisariaqartitat.
Erinarsuut nr. 56 naggasiillunilu qinuneq.
Sapaatip-akunnera 10. januaarimit
Erinarsuut nr. 107
15 min. Ilagiinnit nalunaarutit ilagiillu naatsorsuutaat. Qatanngutit tukkortuunerannik nersualaakkit, eqqaasikkillu unnummut Ilagiinnut tunissutit-nut nakkartinneqartut Europap kangiani Guutip naalagaaffiata sulineranut nassiunneqassasut. Piffissap sinnera atorlugu kiffartornermit misigisalikkersaartitsigit.
30 min. „Jehovap Nalunaajaasuisa Napparsimmavinnut Paasissutissiisarfiat — illillu.“ Allaaserisaq apeqqutit akissutillu atorlugit sammineqassaaq. Paasissutissanik allakkatinik nassiunneqartuneersunik ilanngussigit.
Erinarsuut nr. 155 naggasiillunilu qinuneq.
Sapaatip-akunnera 17. januaarimit
Erinarsuut nr. 12
10 min. Ilagiinnit nalunaarutit, ilaatigut Guutip Naalagaaffianut Kiffartorneq-meersut, ungaluusami „Ukiumi 2000-mi pioneerit 1000-t“–imiittut ilanngullugit.
15 min. „Jehovap aqqa nunarsuarmi tamarmi ilisimalersinneqarpoq.“ Sammineqassaaq ilaatigut najuuttunit peqataaffigineqarluni. Paasissutissanik torrutiinnarlugu oqaluussineq pillugu ’Organisationsbog’-imi quppernerni 90-91-imiittunik ilanngussaqarit.
20 min. Qanoq akissanerlutit piareersarit. (Kul. 4:6) Oqalugiaat najuuttullu peqatigalugit eqqartuineq. ’Ræsonnerebogi’ allanik sallusuissut pillugu oqaloqateqarnissatsinnut aqqutissiuussilluartoq. Ajoqersuutivut akerlilerneqaraangata sammisani tamani immikkoortoq kingulleq „Hvis nogen siger . . .“ immaqa atorsinnaavarput. Biibili pillugu akerliliinerit quppernerni 53-57-iniittut eqqartukkit, takutigullu siunnersuutit atornerisigut qanoq ililluni ingerlaqqittoqarsinnaasoq.
Erinarsuut nr. 57 naggasiillunilu qinuneq.
Sapaatip-akunnera 24. januaarimit
Erinarsuut nr. 110
10 min. Ilagiinnit nalunaarutit kiffartornermilu misigisat.
15 min. Ullut tamaasa Jehovap oqaasii isumaliutigikkit. Oqalugiaat najuuttullu peqatigalugit eqqartuineq. Tamaasa kajumissaakkit Ullut tamaasa Allakkat misissortakkit – 2000 atortaqqullugu. Eqqarsaatit siulequtaaniittut quppernerni 3-4-miittut ilaat taakkit. Oqaluussisartut ilaat oqaluttuartikkit ullormut allassimaffik ullut tamaasa sammiumallugu qanoq iliuuseqarsimanerannik.
20 min. „Ukiumi 2000-imi upernaakkut immikkut suliniuteqarneq.“ Apeqqutit akissutillu. Immikkut suliniuteqarnermi anguniakkat pingaarnerit marluk erseqqissakkit. Maannangaaq ikiorti-pioneeriusinnaanissamut periarfissaq isumaliutigeqqullugu kajumissaarigit. Upernaap ingerlanerani pisussat pingaarnerit eqqartukkit: eqqaaniaalluni nalliuttorsiorneq, oqalugiaat immikkut ittoq, ulloq immikkut oqaluussiffik, il.il. Naak marsi, apriili maajilu immikkut suliniuteqarfiusussaagaluartut, apriili pingaartinneqarnerussaaq. Tamaasa kajumissaakkit apriili annertunerusumik kiffartornissaminnut immikkoorteqqullugu. Apriilimi ullut 13-it sulinngiffiussapput, taamaammallu apriilimi ikiorti-pioneeriunissamut periarfissaalluarluni. Siorna ikiorti-pioneeriusimasut ilaat ataaseq marlulluunniit apersukkit, oqaluttuartillugillu qanoq periarfissarsisimanersut qanorlu iluaqutigisimaneraat.
Erinarsuut nr. 157 naggasiillunilu qinuneq.
Sapaatip-akunnera 31. januaarimit
Erinarsuut nr. 16
12 min. Ilagiinnit nalunaarutit. Tamaasa eqqaasikkit januaarimi oqaluussisimanermik nalunaaruteqaqqullugit. Eqqaajuk februaarimi Ilaqutariittut pilluarneq isertugaateqarpoq neqerooruutaassasoq. Apeqqutit pingasut quppernermi 12-imi ungalusamiittut atorlugit oqaloqatigiinneq qanoq ililluni aallartinneqarsinnaanersoq takutiguk.
15 min. ’Inuk malugisiuk’ pillugu atuartartut apeqqutaat. Utoqqaanertamit oqalugiaat Vagttårnet-imi 15. juuli 1999-imoortumi quppernerni 29-31-miittut tunngavigalugit.
18 min. Allat qanoq ikiorneqarsinnaasut upperisamik ilumoortumik ilisarsinissaannut. Ilagiinni kiffartortoq piukkunnaatilik oqaluussisartullu pikkorissut marluk pingasulluunniit sammissavaat sooq inuit ilaasa Jehovap nalunaajaasui ajorinnginneraat uppeqatigiinnilli allanit allaassuterput paasilluarsinnaannagu. Immikkoortut qulit Vågn op! 8. maaji 1995-imoortumi qupperneq 20-miittut uteqqinneqassapput. Nassuiarneqassaaq immikkoortut taakku eqqaamanerisigut qanoq ililluta inuit ilumoortut ikiorsinnaanerivut upperisamik eqqortumik eqqunngitsumillu immikkoortitsisinnaanissaannut aamma Jehovap innuttaasa ilagisarnissaasa ilinniartitaaneranullu peqataasarnissap pisariaqarneranik paasinnissinnaaqqullugit.
Erinarsuut nr. 60 naggasiillunilu qinuneq.
Sapaatip-akunnera 7. februaarimit
MALUGIUK: Immikkoortut 7. februaarimeersut ulloq taanna sioqqullugu ilagiinni sammineqassanngillat nakkutilliisumit angalasartumit tikeraarneqanngikkunik.
Erinarsuut nr. 113
8 min. Ilagiinnit nalunaarutit.
17 min. Giv agt på Daniels profeti! Oqalugiaat najuuttullu peqatigalugit eqqartuineq. Immikkoortut soqutiginartut ilaat atuakkami nutaamiittut sammineqassapput: Kapitalit qulequtaat killinnartut, assilissat uummaarissut, kapitalit naanerini apeqqutit itisuut ungalusaniittut nunap-assingillu assiliartaalluunniit sukumiisut. Mikael qanoq ililluni immikkut ittumik „saqqummerumaartoq“ pillugu nassuiaat uppernikkut nakussatsinnartoq sammineqassaaq (quppernerit 288-90). Eqqartorneqassaaq sooq Guutip oqaasianik ilinniartitsisutut qasusuinnissaq pingaaruteqarnersoq (quppernerit 311-12). Tamatta atuagaq atuaqqissaartariaqarparput soqutiginnittullu taamaaliornissaannut kajumissaarlugit.
20 min. Silatuumik aalajangerput. Napasuliaq Alapernaarsuiffik-mi 1. novembari 1997-imoortumi quppernerni 19-22-ni immikkoortut 3-16-imeersut tunngavigalugit oqalugiaat. Pioneerit ilaasa inuunertik pissarsinarnerpaamik iluaqutaanerpaamillu atorsimallugu misiginerannut takutitsisumik oqaluttuarit. Najuuttut tamaasa kajumissaakkit pioneeritut kiffartornissaminnut periarfissatik isumaliutigeqqullugit.
Erinarsuut nr. 182 naggasiillunilu qinuneq.