Oqaluussinermut tunngasumik ataatsimiinnernut pilersaarut

MALUGIUK: Aasaq naallugu sapaatit akunneri tamaasa Guutip Naalagaaffianut Kiffartorneq-mi pilersaarusiaqartassaaq. Ataatsimeersuarnissap tungaanut kiffartornermut tunngasumik ataatsimiinnissami kingullermi Guutip Naalagaaffianut Kiffartorneq-mi ilanngussami pingaarnerit minutsit 15-it atorlugit uteqqiiffigineqarsinnaapput. Ilanngussaq ataatsimeersuarnermut nassarneqarsinnaavoq. Tamarmik kajumissaarneqarlik ullaap tungaanut ulloq-qeqqanilu minutsialuit atorlugit pilersaarutit misissortaqqullugit, suut sammineqassanersut takullugit. Ilagiit ataatsimeersuareerunik qatanngutillu feriareerlutik uterpata kiffartornermut tunngasumik ataatsimiinermi nalunaaquttap-akunnerata affaa atorlugu ataatsimeersuarnermi sammineqartut uteqqiiffigissavaat. Pisassaq qatanngutinit piukkunnaatilinnit pingasunit siulersorneqassaaq, najuuttullu piareersagaasumik oqaaseqarfigisinnaavaat. Eqqartortariaqarpaat ataatsimeersuarnermi ilikkakkatik ulluinnarni oqaluussinermilu qanoq atorsinnaanerlugit. Misigisat toqqakkat ataaseq marlulluunniit naatsunnguamik oqaluttuarineqaqqissinnaapput. Piareersarluarsimanissaq pisariaqarpoq sammisaq soqutiginartuussappat ilinniarnartuussappallu.

Sapaatip-akunnera 8. maajimiit

Erinarsuut nr. 125

15 min: Nalunaarutit ilagiillu naatsorsuutaat. Qatanngutit eqqaasikkit unnummut Ilagiinnut tunissutit-nut nakkartinneqartut Europap kangiani Guutip naalagaaffiata sulineranut tunissutigineqassammata. Qulaani nalunaarutigineqartoq kiffartornermut tunngasunik ataatsimiinerni malittarisassap allannguutai pillugit utoqqaanertap sammissavai. Oqaluussisartoq oqaluuserisaq pillugu saqqummiussaqarli, naggataatigullu najuuttut aperineqassapput taanna atorlugu qanoq ingerlasimanersoq.

15 min: „Illernartitat pingaartippigit?“ Utoqqaanertamit oqalugiaat. Ataatsimeersuarnissami ullut pingasut tamaasa peqataaffiginissaata pingaaruteqassusia ersersiguk.

15 min: Tamaani pisariaqartitaq.

Erinarsuut nr. 201 naggasiillunilu qinuneq.

Sapaatip-akunnera 15. maajimiit

Erinarsuut nr. 134

13 min: Ilagiinni nalunaarutit. Guutip Naalagaaffianut Kiffartorneq-mit nalunaarutit toqqakkat. Ikiorti-pioneeriusut ilaat misigisaannik apersukkit.

16 min: „Guutip oqaasii eqqumaffigikkit.“ Apeqqutit akissutillu. Tamatta pilersaarusiap immikkoortuisa aallartinneranni inissatinniittariaqarnerput ersersiguk.

16 min: ’Guutip ataqqinaatissaanut ileqqorittuarit.’ (Rigets Tjeneste-mi qallunaatuumi maajimoortumi allaaserisaq) Utoqqaanertap ilaquttani ilagalugit ilanngussaq oqaluuserissavaat. Oqaluuserissavaat maligassiuilluarumallutik qanoq iliortariaqarnersut. Naatsunik ersarissunillu siunnersuuteqarit assersuuteqarlutillu. Naggataatigut quppernermi 6-mi paasissutissanit innersuussigit, ilaquttatillu eqqaasikkit ilanngussaq ataatsimeersuarnissamut nassaqqullugu.

Erinarsuut nr. 203 naggasiillunilu qinuneq.

Sapaatip-akunnera 22. maajimiit

Erinarsuut nr. 36

12 min: Ilagiinni nalunaarutit. Apeqquteqarfik sammiuk.

20 min: „Misissoritsi eqqumaniarlusilu.“ Apeqqutinik akissutinillu oqaloqatigiissutissaq. Nassuiaruk sooq ulloq piffissarlu ilisimanngikkaluarlugit anersaakkut eqqumanissaq pingaaruteqartoq. Takuuk Vagttårnet 1. novembari 1995-imoortoq, qupperneq 20.

13 min: Aasamut qanoq pilersaaruteqarpit? Ilaqutariit aasaanerani sussanerlutik oqaloqatigissutigissavaat. Ataatsimeersuarnerup ullui pingasut tamaasa najuuffiginissaata pingaaruteqassusiat, aasaaneranilu qaammatini tamani oqaluusseqataalluarnissaq atuagassianillu pisartagalinnik aalajangersumik akuttoqatigiimmillu isumaginninnissaq oqaloqatigiissuttigissavaat. Isumaqatigiipput teokratiimut tunngasunik sammisassat sumiginnarumanagit, aalajangerlutillu Peqatigiiffimmut allagaqarumallutik feriarfissaminni ilagiit adressiat pissarsiariniarlugu, ataatsimiigiarsinnaajumallutik.

Erinarsuut nr. 83 naggasiillunilu qinuneq.

Sapaatip-akunnera 29. maajimiit

Erinarsuut nr. 135

12 min: Ilagiinni nalunaarutit. Maajimi kiffartornermi inernerinik nalunaaruteqarnissamik tamaasa eqqaasikkit. Naatsumik takutitsisoqarli juunimi neqeroorutissaq qanoq saqqiummiunneqarsinnaanersoq. Atuagassiaaqqami Guutip sumik piumaffigaatigut?-mi ilinniagassaq 13 atorlugu Biibilimik atuaqqissaaqatigiinnissamut qanoq neqeroortoqarsinnaanersoq takutiguk.

15 min: „Oqaluussineq tipaatsuutigiuk.“ Oqalugiaat. Kiffartornermi nuannaarnissamut pissutissaq nassuiaruk. — Takuuk ’Indsigt’, atuagaq 1, quppernerit 715-16.

18 min: Biibilimik atuarneq pisuunngortitsisarpoq. ’Skolehåndbogimi’ qupperneq 34-mi, immikkoortut 6 aamma 7 tunngavigalugit oqalugiaat takutitsinerlu. Teokratiimik Atuarfimmi Biibilimik atuarneq pisassat aalajangersimasut ilagaat, sapaatillu akunneri tamaasa pingaarnersiukkat sammineqartarput. (Guutip Naalagaaffianut Kiffartorneq-mi decembari 1999-moortoq, qupperneq 5) Ilaqutariit takutitsillit sapaatip-akunnerani matumani Biibilimik atuagassaq ilaqutariittut atuarlugu qanoq iliortoqarsinnaasoq. Oqaluuserisassamik soqutiginartumik ataatsimik marlunniluunniit toqqagaqarlit, Register til Vagttårnets publikationer imaluunniit Indsigt i Den Hellige Skrift atorlugit misissorlugillu. Takutiguk Biibilimiit qanoq pissarsinerusoqarsinnaasoq ’oqaatsimillu sallusuissutsip pianik tunioraalluartutut’ ingerlatsisinnaanerulluta. — 2 Tim. 2:15.

Erinarsuut nr. 95 naggasiillunilu qinuneq.

Sapaatip-akunnera 5. juunimiit

Erinarsuut nr. 37

15 min: Ilagiinni nalunaarutit. Upernaami suliniuteqarnermi iliuuserisimasat annertuut nangeqqinneqarnissaata pingaaruteqassusianik oqalugiaateqarit. Apriilimi ilanngussaq „Ikiorti-pioneeritut kiffartornerit pissarsiffigilluaruk“ takujuk. Atuaqqissaaqatigiinnerni aqutsisut qaammatip ingerlanerani pulaaqqiinissaq siunertaralugu katersuuttarnissamik siunnersukkit. Upernaami suliniuteqarnermi ikiorti-pioneeriusimasut apersukkit. Angusaqarluarsimappat? Qanoq? Angusatik sulissutigeqqinniarlugit qanoq aalajangersimappat? Pulaaqqissinnaasatik tamaasa orneqqinnissaannut atuagassianillu pisartagaqartut akuttoqatigiimmik pajuttarnissaannut qulakkeerisumik pilersaaruteqarpat?

15 min: „Immikkut pisinnaatitaaffik inuusuttut peqataaffigisinnaasaat“. Oqalugiaat najuuttullu peqatigalugit oqaloqatigiinneq. Napasuliaq Alapernaarsuiffik-mi, 1. decembari 1996-meersumi, qup. 12, imm. 15-mi misilittakkat ilaat oqaluttuarikkit. Oqaluussisartut inuusuttut atuagassianik agguaassitillutik nuannersortaanik oqaluttuarlit. Oqaluussisartoq inuusuttoq atuagassianik neqerooruteqarluni takutitsili. Angajoqqaat kajumissaakkit meeqqatik sapaatip-akunneri tamaasa atuagassianik agguaassinissamut ilagisaqqullugit.

15 min: ’Atorsinnaanersut misilinneqaqqaarlit.’ Utoqqaanertamit oqalugiaat. Ilagiinni kiffartortoqartariaqarneranik Biibilimi tunngaveqarnera eqqartoruk. (Takuuk ’Indsigt’, atuagaq 2, qupperneq 1022.) Toqqarneqarnissamut piumasaqaatit nassuiakkit. (Takuuk ’Organisationsbogi’, quppernerit 53-55.) Ilagiinni kiffartortut suut suliassarineraat taakkit, sulilu amerlanerusut pisinnaatitaaffimmik tamatuminnga anguniagaqaqqullugit kajumissaakkit.

Erinarsuut nr. 82 naggasiillunilu qinuneq.