Asanninnerup oqaluussiumalersippaatigut
1 Jehovap Nalunaajaasuisut ilisimaneqarnerput tassaavoq Guutip naalagaaffia pillugu ilungersorluta oqaluussisarnerput. (Matt. 24:14) Nunarsuaq tamakkerlugu oqaluussilluartartut 6 millioninit amerlanerupput, sulilu nutaanik ilannguttoqartarluni. Suliamik tamatuminnga kiffartortut amerlassusii nalunaaruteqartarnerannik takussutissaavoq.
2 Suliaq tamanna taama unamminiarnartigisoq suumuna piumassuseqalersikkaatigut? Pinngitsaalineqanngilagut, pigisatigulluunniit immikkullu ataqqineqarnissamik neqeroorfigineqanngilagut. Amerlaqaluta aallaqqaammut ersituujuvugut misigisimannginnatta piareersimalluta, aamma inuit amerlanertigut ajortumik qisuariartarmata. (Matt. 24:9) Amerlanersaasa paasisinnaanngilaat suup iliuuseqartikkaatigut. Ingerlaannarnerput pissaanilimmik tunngaveqarsimassaaq.
3 Asanninneq, nukik iliuuseqartitsisoq: Inatsisinit tamanik suna annersaasoq Jiisusip tikkuarpaa oqarami ’[Jehova] asassagipput uummatikkut iluunngarluta tarnikkullu iluunngarluta isumakkullu iluunngarluta nukivullu tamakkerlugit’. (Mark. 12:30) Jehovamut asannittoqalertarpoq kinaassusia inissisimaffialu pingaartileraanni, taannaammat qilammi nunamillu naalagaasoq, tamaginnut Pinngortitsisoq, ’naalannaat ataqqinaallu pissaanerlu’ taassuuma pisassarimmagit. (Saq. 4:11) Assissaqanngivippoq. — 2 Moses 34:6, 7.
4 Jehovamik ilisimasaqarnitta asanninnittalu qaamasorput inunnut qaamalersittarpaa. (Matt. 5:16) Qaamasorput qaamasarpoq unnersiutigigaangatsigu, suliaalu tupinnangaartut oqaluttuaralugit naalagaaffialu pillugu tusarliukkaangatsigu. Inngilitulli qilaap ataani timmisutut nalunaarutissaraarput ’iivangkiiliu atajuartussaq . . . inuiaqatigiinnut naggueqatigiinnullu, immikkut oqaasilinnut inuiannullu tamanut’. (Saq. 14:6) Asanninneq tassaavoq silarsuaq tamakkerlugu oqaluussisoqarneranut iliuuseqartsitsisoq.
5 Silarsuup oqaluussinerput ’sianiitsuliornertut’ tusarnaartariaqanngitsutut isigaa. (1 Kor. 1:18) Suliarput unitsinniarlugu annertuumik sakkortuumillu iliuuseqartoqartaraluarpoq. Ilumoorfiginnilluta asanninnitta nakussatsippaatigut apustilitullu oqarnissatsinnut nakussatilluta: „Uagulli eqqartunngitsoorsinnaanngilavut takusimasavut tusarsimasavullu. . . . Guuti inunnit naalattariaqarneruvoq.“ (Aps 4:20; 5:29) Oqaluussineq nunarsuaq tamakkerlugu siuariartuinnarpoq naak assortuisoqaraluaqisoq.
6 Jehovamut asanninnitta pinngitsaalivaatigut innertut ikumasutut tamanut ajunngingaarutai nalunaarutiginissaanut. (Jer. 20:9; 1 Pet. 2:9) ’Naammassisai inuiaqatigiinnut nalunaarutigiuaannarumavavut . . . malunnangaartumik naammassisaqarsimammat’. — Es. 12:4, 5.