Oqaluussinermut tunngasumik ataatsimiinnernut pilersaarut

MALUGIUK: Aasaq naallugu sapaatip-akunneri tamaasa Guutip Naalagaaffianut Kiffartorneq-mi pilersaarusiaqartassaaq. Ilagiit ataasiakkaat ataatsimeersuarnerup nalaani pisariaqartunik allannguinissatik namminneq isumagisinnaavaat. Ataatsimeersuarnissap tungaanut oqaluussinermut tunngasumik ataatsimiinnissami kingullermi Guutip Naalagaaffianut Kiffartorneq-mi ilanngussami quppernerit 3-6-miittuni pingaarnerit minutsit 15-it atorlugit uteqqiiffigineqassapput. Oktobarimi oqaluussinermut tunngasumik ataatsimiinneq tamaat ataatsimeersuarnermit pingaarnersiuisoqassaaq. Oqaloqatigiinnissamut piareersaatitut tamatta immikkut ataatsimeersuarnermit allattugaqarsinnaavugut sammineqartullu nammineq inuunitsinni kiffartornitsinnilu atorsinnaasavut allattorlugit. Taamaalilluta ataatsimeersuarnerup kingorna siunnersuutit qanoq malissimanerivut oqaluttuarinissaanut piareersassaagut. Ilinniartitaanerput tamatta immikkut qanoq iluaqutigisimagipput tusarlugu ineriartornassaaq.

Sapaatip-akunnera maajip 14-aniit

Erinarsuut. nr. 3

5 min. Nalunaarutit ilagiillu naatsorsuutaat ilanngullugit. Qatanngutit tukkussusiannik nersualaakkit, eqqaasikkillu unnummut Ilagiinnut tunissutit-nut nakkartinneqartut Europap kangiani Guutip naalagaaffiata sulineranut tunissutigineqassammata. Ataatsimeersuarnermut atatillugu oqaluussinermut tunngasumik ataatsimiinnerit allannguutaat eqqaakkit, ikinngutillu eqqaasikkit oktobarimi oqaluussinermut tunngasumik ataatsimiinneq naallugu ataatsimeersuarnermit pingaarnersiuisoqassammat.

10 min. Aasamut suna pilersaarutigaajuk? Utoqqaanertap ilagiinniluunniit kiffartortup ilaqutaasalu aasaanerani suleriniarnitik oqaloqatigiissutigissavaat. Ullut pingasut ataatsimeersuarnissartik, ikiorti-pioneeriunissartik feriarnissartik allanilluunniit iliuuseqarnissartik eqqartussavaat. Tamarmik naalagaaffiup soqutigisaanik sammisassat — ataatsimiinnerit, oqaluusseqataanerit ilaqutariittullu atuaqqissaaqatigiinnerit — alluinnarumanagit isumaqatigiipput. Oqaluussisimanerminnik nalunaarsuutitik piffissaq eqqorlugu allattumut tunniunnissaat qulakkiissavaat, angerlarsimagaluarunik aallassagaluarunilluunniit.

15 min. „Ataatsimeersuarneq — tipaatsuffiungaartoq.“ Utoqqaanertamit oqalugiaat. Eqqaajuk Biibilip nalaani Jehovap innuttai inuppassuullutik sooq katersuuttartut, soorlu ullumikkut ataatsimeersuarnerit uagutsinnut iluaqutaasut. Katerisimaarnermi ataatsimooqatigiinnerput nakussatsissutigisarparput inuunermillu pingaarutilimmik anersaakkut ittunik nerisaqartarluta. Ulluni pingasuni ataatsimeersuarneq tamakkerlugu tamatta peqataanissatta pingaaruteqassusia ersersiguk.

15 min. „Imigassaq kristumiup qanoq isigisariaqarpaa?“ Napasuliaq Alapernaarsuiffik-mi 1. juuli 1988-moortumi quppernerit 4-6-mi allaaserisaq tunngavigalugu oqalugiaat. Inersimasut inuusuttunut maligassiuilluarnissaasa pingaaruteqassusiat ersersiguk.

Erinarsuut nr. 31 naggasiillunilu qinuneq.

Sapaatip-akunnera maajip 21-aniit

Erinarsuut nr. 52

10 min. Nalunaarutit ilaatigut Guutip Naalagaaffianut Kiffartorneq-meersut. Piffissap sinnera kiffartuussinermit misigisalikkersaartitsigit. Piareersagaalluassaaq.

17 min. „Tusarnaaruit suli annerusumik ilisimasaqalissaatit.“ Oqalugiaat najuuttullu peqatigalugit oqaloqatigiinneq. Ataatsimeersuarnermi ilinniartitaanerput piffissaq eqqorlugu anersaakkut inuussutitut pingaaruteqassusia nassuiaruk. Eqqaajullu oqalugiaatit qanoq sivisutigisumik piareersarneqarlutillu suliarineqartartut. Najuuttut oqaluttuarlit tamatta immikkut oqalugiaatit iluaqutigisinnaassagutsigit qanoq iliorsinnaanersugut. Sooq ataatsimiinnerup aallartinnerani inissatsinneereertariaqartugut paasinarsaruk. Ataatsimiinerup nalaani oqarasuaatit angallattakkat ikumatinneqannginnissaannik innersuut ersersiguk. Pitsaanerpaavoq meeqqat inuusuttullu angajoqqaatik issiaqatigigunikkit. Ataatsimiinneq taamaalillutik pissarsiaqarfiginerussavaat, imminut allanullu SMS-ikkut il.il. nassiussisaqattaarlutik akornusersoratik.

18 min. „Ajunngitsuliorit nersorneqaatissannik!“a Ataatsimeersuarnermi katersuuttarnitta allanit maluginiarneqartarneranik eqqaasikkit. Avataaniittut iluarinnillutik oqaaseqartarnerat nalunaajaataavoq, oqaatsilli nuanninngitsut inunnik ingalassimalersitsisarput. Allanut ilumoortumik soqutiginninnermik kristumiutut pissuseqarnerput takutinniarlugu aalajangersimasumik iliuuserisinnaasatsinnik taasaqarit. Tassunga tunngatillugu hotelimiikkaangatta neriniartarfimmiikkaangattalu ataqqinninnerup isumassuinerullu pingaaruteqassusiat ersersiguk. Ilaqutariit eqqaasikkit ilanngussaq ataatsimeersuarnermut nassaqqullugu.

Erinarsuut nr. 105 naggasiillunilu qinuneq.

Sapaatip-akunnera maajip 28-aniit

Erinarsuut nr. 58

10 min. Nalunaarutit. Tamaasa eqqaasikkit oqaluussisimanerminnik nalunaaruteqaqqullugit. Piffissap sinnerani oqaluussinermit misigisalikkersaartitsit.

5 min. Matuma qallunaatuuani Danmarkimi allatut oqaasillit immikkut angalaarfigineqartarnerat pillugu sammineqarpoq.

15 min. Tamaani pisariaqartitat.

15 min. „Guutip oqaasia . . . sunniisinnaassuseqarpoq.“b Naatsumik aallarniuteqarluni piareersarluagaasunik marlunnik Guutip oqaasianut qanoq soqutiginnilersitsisinnaasunik takutitsisoqarli.

Erinarsuut nr. 79 naggasiillunilu qinuneq.

Sapaatip-akunnera juunip 4-aniit

Erinarsuut nr. 100

12 min. Nalunaarutit oqaluussinermillu misigisat.

15 min. „Tamakkiisumik katersueqataagit.“c Immikkoortoq 4-mut atatillugu Vagttårnet-imi 15. septembari 1996-moortumi, qupperneq 19, immikkoortoq 10-miittoq allat kiffartornerujumallutik qanoq iliorsimanerat eqqaaneqassaaq.

18 min. „Angalaarfigisartakkavut qassissaa angalaarfigissatsigit?“d Kiffartuussinermi nakkutilliisumit saqqummiunneqassaaq. (Ilagiit angalaarfigineqakulanngitsunik peqarunik Guutip Naalagaaffianut Kiffartorneq apriili 1998-moortumik allaaserisaq malissinnaavaat: „Atuagassiaaraq Inunnut tamanut atuagaq atuagassianut Guutip naalagaaffianik tusarliussisunut ilanngullugu atortaruk“. Angalaarfissap angalaarfiginerunissaanut ilagiinni qanoq iliorsinnaanersi oqaloqatigiissutigisiuk. ’Årbogi’-mit 1997-meersumi qupperneq 204-mi aamma Vagttårnet-imi 15. februari 1996-moortumi qupperneq 26-mit misigisalikkersaarit. Illumiit-illumut-allattukkat paasinartuunissaata, angerlarsimanngitsunik misileeqqinnerit pulaaqqiipallannerillu pingaaruteqassusiat ersersiguk.

Erinarsuut nr. 142 naggasiillunilu qinuneq.

[Quppernerup ataani ilanngussat]