Sapaatip akunnerani juulip 30-anni aallartittumi sammisassat

SAPAATIP AKUNNERANI JUULIP 30-ANNIIT

Erinarsuut 74 qinunerlu

□ Ilagiit Biibilimik atuaqqissaaqatigiinnerat:

w07 1/6 “Sooq naalliuutit tamarmik qanittukkut qaangiukkumaartut” § 1-9 (25 min)

□ Teokratiimik Ilinniarfik:

Biibilimi atuagassat: Ezekieli 21-23 (10 min)

Nr. 1: Ezekieli 23:35-45 (4 min minnerusumilluunniit)

Nr. 2: Guutip asanninnera qanoq atsigaa? — Joh 3:16; Rom 8:38, 39 (5 min)

Nr. 3: Allassimaffiit kristumiut sorsunnermik isiginnittaasiannut pingaaruteqartut — rs-D qupp. 256 § 1-4 (5 min)

□ Oqaluussinermut tunngasumik ataatsimiinneq:

Erinarsuut 35

10 min: Nalunaarutit. Aggustimi arfininngornermi siullermi atuaqqissaarneq qanoq aallartinneqarsinnaasoq neqeroornermi siunnersuut qupperneq 8-miittoq atorlugu takutinneqarli.

25 min: “Oqaluussiniaruit ujaaseqqaartariaqassaatit.” Apeqqutit akissutillu, kiffartornermik nakkutilliisumit sammineqassaaq. Sammisassap ilagiinni qanoq atorneqarsinnaanera erseqqissarneqarli. Ilagiinni allamiutut oqaluttunik gruppeqarpat allamiutulluunniit oqaluttunik ujaasisoqartariaqassappat immikkoortup 5-ip sammineqarnerani ujaasinermi qanoq oqartoqarsinnaasoq takutinneqarli.

Erinarsuut 92 qinunerlu