Ilinniagassaq 16

Guuti kiffartor­figiniarlugu aalajangerneq

Guutimut ikin­ngutaalis­saguit qanoq ilior­tariaqar­pit? (1, 2)

Qanoq ilil­luni Guutimut tun­niul­luin­nar­toqar­tar­pa? (1)

Qaquguk­kut kuisit­tariaqar­pa? (2)

Guutimut aalajaat­tuaan­nar­nis­san­nut qanoq ilil­lutit nukis­saqar­tuaan­narsin­naavit? (3)

1. Guutimut ikin­ngutaalis­saguit Biibili ilisimasaqar­figil­luar­tariaqarpat (1 Timûtiuse 2:3, 4), ilik­kak­katit up­perisariaqar­patit (Eprîarit 11:6), ajor­tuliatit peq­qis­simis­sutigisariaqar­patit (apustilit suliait 17:30, 31) kiisalu inooriaatsit allan­ngor­tit­tariaqar­pat. (apustilit suliait 3:19) Taava Guutimik asan­nin­ner­pit taassumun­nga tun­niul­luin­nar­nis­san­nut kil­lis­savaatit. Taamaalius­saatit nam­mineq Guutimut qinunik­kut nalunaarlutit taas­suma piumasaatut ilior­niarlutit taas­sumun­nga im­minut tun­niul­lutit. — Matîuse 16:24; 22:37.

2. Guutimut tun­niul­luin­nareeruit kuisit­tariaqar­putit. (Matîuse 28:19, 20) Kuisin­nin­ni Jehovamut tun­niul­luin­narsimanerit tamanut takutis­savat. Taamaat­tumik Guuti kif­far­tuun­niarlugu aalajanger­nis­samut naam­mat­tumik utoq­qaas­suseqar­tut kisimik kuisis­sin­naap­put. Kuisit­tup timaa tamaat imermut morsutsin­neqar­tar­poq.a — Mákorse 1:9, 10; apustilit suliait 8:36.

3. Tun­niul­luin­nareeruit neriorsuutin­nik eq­qor­titsinis­sat Jehovap naatsorsuutigis­savaa. (Tus­siaat 50:14; Nalunaajaasup oqaasii 5:4, 5) Diaavulup Jehovamut kif­far­torun­naarsin­niarsaris­savaatit. (1 Pîtruse 5:8) Qinusar­nik­kul­li Guutimut qanimut at­taveqar­tuaan­narsin­naavutit. (Filípimiut 4:6, 7) Taas­suma oqaasii ul­lut tamaasa atuar­tak­kit. (Tus­siaat 1:1-3) Ilagiin­nut­taaq qanimut at­taveqarit. (Eprîarit 13:17) Tamak­ku tamaasa iliuuserisaruk­kit Guutimut aalajaat­tuaan­nar­nis­san­nut nakus­satsin­neqar­tas­saatit. Aap, taamaalil­lutit Guutip ilin­nut piumasaqaatai tamaasa naas­saan­ngil­luin­nar­tumut eq­qor­tit­tuarsin­naas­savatit!

[Quppernerup ataani ilanngussaq]