Eqqunngitsumik upperisarsiorneq itigartiguk!

Satanip inngilipiluillu kissaatiginngilaat Guuti pallorfigissagit. Ajor­nan­ngip­pat amerlaner­paat Guutimit tunus­sitin­niaraluar­paat. Qanoq ilil­lutik? Ilaatigut eq­qun­ngitsumik up­perisarsior­nik­kut. (2 Korintumiut 11:13-15) Up­perisarsior­neq sal­lusuis­sut Biibilimeersoq ajoqersuutigin­ngik­kuniuk eq­qun­ngitsuuvoq. Eq­qun­ngitsumik up­perisarsior­neq aningaasaasaliatut ip­poq — ilumoor­pasik­kaluar­poq, naleqan­ngivip­porli. Ajor­nar­torsior­titsingaarsin­naavoq.

Eqqunngitsumik upperisarsiornerit qaquguluunniit Jehovap ’Guutip unneqqarissup’ iluarilernavianngilai. Jesus nunamiik­kal­larmat up­perisarsior­toqar­poq taas­sumin­nga toqutserusut­tunik. Isumaqar­put nam­min­neq up­perisar­tik eq­qor­tuusoq. Ima oqar­put: ’Ataaseq ataatagaar­put, Guuti.’ Jesusip isumaqatigai? Naamik. Ima oqarfigai: ’Ataataq nagguigisarsi tas­sa Diaavulu.’ (Juánase 8:41, 44) Ul­lumik­kut inup­pas­suit isumaqar­put Guuti kif­far­tuul­lugu, iluamil­li oqaatigalugu Satan anersaapiluilu kif­far­tuup­paat! — 1 Korintumiut 10:20.

Soorlu orpik ajortoq ajortunik inerititaqartartoq, eqqunngitsumik upperisarsiornerup inerititarai inuit ajortuliortartut. Inuit ajus­susiat pis­sutigalugu silarsuaq ajor­nar­torsiuter­pas­suaqar­poq. Tas­saap­put kan­ngunar­tulior­nerit, nakuuser­nerit, til­lin­niar­nerit, naqisiman­nin­nerit, toqutsinerit pin­ngitsaaliil­lunilu ar­nerinerit. Taamatut ajor­tulior­tar­tut amerlasuut up­perisaqar­put, taman­nali ajun­ngitsuliulis­sutigin­ngilaat. Aatsaat ajor­tunik iliuuseqar­tarun­naarunik Guutimut ikin­ngutaalersin­naap­put. — Matîuse 7:17, 18.

Eqqunngitsumik upperisarsiornerup inuit guutipilunnut qinunermik ilinniartittarpaat. Guutip guutipilun­nut qinoq­qun­ngilaatigut. Piumasaqaat taman­na ingasaas­sinerun­ngilaq. Arlaata oqaluutin­ngisaan­narlutit as­sit kisiat oqaluut­tar­pagu iluaris­saviuk? Qular­nan­ngilaq ikin­ngutaal­luar­tutut isiginis­saa ajor­nukusoor­tis­sagit. Jehovap kis­saatigaa oqaluutis­sagitsin­ni, inuusaliaq as­siliarluun­niit uumas­suseqan­ngitsoq oqaluun­nagu. — 2 Moses 20:4, 5.

Eqqunngitsumik upperisarsiornerup ajoqersuutigaa sorsunnermi toqutsisoqarsinnaasoq. Jesus oqar­poq Guutimut ikin­ngutaasut asaqatigiis­sasut. Asasavut toqun­navian­ngilavut. (Juánase 13:35) Aam­mat­taaq inuit ajor­tut toqun­nis­saat eq­qun­ngitsulior­neruvoq. Jesusip akeq­qaminit tigusaalerami, ajoqersuk­kani il­lersorluni akiuuteq­qun­ngilai. — Matîuse 26:51, 52.

Eqqunngitsumik upperisarsiornerup ajoqersuutigaa inuit ajortut anniarfimmi ikualasumi anniartitaassasut. Biibilimili ajoqersuutigineqar­poq ajor­tulior­neq toqumik kinguneqar­tar­toq. (Rûmamiut 6:23) Jehova Guutiuvoq asan­nit­toq. Guutip asan­nit­tup inuit naas­saan­ngitsumik naal­liutsik­kumas­savai? Soorunami naamik! Paratiisis­sami up­perisaq ataasiin­naas­saaq, tas­sa up­perisaq Jehovap akuerisaa. (sarĸúmersitat 15:4) Up­perisarsior­nerit Satanip sal­lulior­nerinik tun­ngaveqar­tut tamarmik suujun­naarsin­neqarsimas­sap­put.