Noap nalaani kikkut Guutimut tusarnaarpat? Kikkullu tusarnaanngillat?

Noap nalaani nunarsuarmiittut amerlanersaat ajortuliortarput. 1 Mosesi 6:5

Adami Evalu meerartaarput, nunarsuarmilu inuit amerlipput. Piffissap ingerlanerani inngilit ilaat Saatanimut pikitsitseqataalerput.

Nunamut pipput inuttut timeqalerlutik nuliarsinnaaniassagamik. Arnat ernertaarput peqqarniittupilorujussuullutillu nukittuupilorujussuarnik.

Nunarsuaq inunnik ajortuliortartunik ulikkaarpoq. Biibilimi allassimavoq “nunarsuarmi inuit ajussusiat angeqisoq ullorlu tamaat iliuuseriumasaat pilersaarusiaallu ajortuinnaasut”.

Noap Guuti tusarnaarlugulu naalappaa, umiarsualiorpoq. 1 Mosesi 6:13, 14, 18, 19, 22

Noa angutaavoq ajunngitsoq. Jehovap Noa oqarfigaa ulersuarmik inuit ajortut piuneerunniarlugit.

Aamma Guutip Noa peqquaa angisoorujussuarmik umiarsualiussasoq, ilaquttanilu uumasullu assigiinngitsukkuutaat tamalaat ilaatissagai.

Noap ulersuassaq pillugu inuit mianersoqquai, taakkuli tusaajumanngillat. Ilaasa Noa mitaatigaat, allat uumissoraat.

Umiarsuaq naammassimmat Noap uumasut ikiorartippai.